radheef.info
ރަދީފު


ކަލާސީން
ނ ކަލާސީ މިބަހުގެ ގިނަގޮތް
ކަލާސީން
ނ ކަލާސީ މިބަހުގެ ގިނަގޮތް
ރަނަހަމާދި
ނ (1) ކަންގަތި ކޮއްޔެއްގެ ނަން (2) ކަލާސީންނާ ދަންޑެހެލު ބޭކަލުންގެ ވެރިޔާ
ރަނަހަމާދިކަން
ނ ކޮލީނަމެއް މިއީ ކަލާސީންނާއި ދަންޑަހެލު ބޭކަލުންގެ އެންމެ މަތީވެރިކަމެވެ
މަހަށްފަރަށްއަރުމާޒަށް
މަޖާޒު: ކަލާސީންގެ އެންމެންނަށޭ ބުނުމުގެ ބަދަލުގައި ބުނެއުޅޭ ބަހެއް. މިސާލު: މަހަށް ފަރަށް އަރުމާޒަށް ސައްކަރަންޏާ ދޮރޯށްޓަށް. މީގެ މާނައަކީ މަހަށްވެސް ނުގޮސް ފަރަށްވެސް ނުގޮސް މަސައްކަތްކުރަން ނުކުންނާށޭ މިއެވެ
މަހަށްފަރަށްއަރުމާޒަށްގޮވުން
މ މަޖާޒު: ކަލާސީންނަށް މަސައްކަތު ގޮވުން
ބޮޑުހިއްތަންގުރާބު
ނ ކަލާސީންގެ އަށްގުރާބުގެ ތެރެއިން އެއްގުރާބުގެ ނަން
ބޮޑުބަނޑުއޮޑި
ނ ކަލާސީންގެ ގުރާބެއްގެ ނަން
ބޮޑުދަންމަތި
ނ ހަކުރާ ދެވަރުގެ ކަލާސީން
ބޮޑުގުރާބު
ނ ކަލާސީން ބައިކޮށްފައިވާ އަށްބައިން އެއްބައި މިއީ ރަނަހަމާންތި ބޭކަލަކަށް އޮންނަ ބައެކެވެ
ކަފުއޮޑި
ނ ކަލާސީން ދަތުރުކުރާން އަތޮޅު އަތޮޅުން ގެންނައޮޑިއެއް. މިއީ ވާރު ނެގި ޒަމާނުގައި ވާރުގެ ތެރެއިން ހިމެނިގެންވާ އެއްޗެކެވެ
ކަލާސީ ހަނޑޫ
ނ އިހުގައި ކަލާސީންނަށް މުސާރައެއްގެ ގޮތުން ދައުލަތުގެ ފަރާތުން ދީއުޅުނު ހަނޑޫ
ކަލާސީކަން
ނ ކަލާސީންގެ ވަޒީފާ
ކިހާދޫ ގުރާބު
ނ ކަލާސީންގެ ގުރާބެއް
ކުޑަހިއްތަންގުރާބު
ނ ކަލާސީންގެ އަށްގުރާބުގެ ތެރެއިން އެއްގުރާބުގެ ނަން
ކެލާގުރާބު
ނ ކަލާސީންގެ އަށް ބައިން ކުރެ އެއްބައެއްގެ ނަން
އަޑަފިއޮޑި
ނ (1) ސަރުކާރުގެ އުޅަނދެއް މީގެފަޅުވެރިންނަށް ތިބޭނީ ކަލާސީންނެވެ (2) މަލާފަތުގެ ބަދަލުގައި ބިލެތް އެޅުމަށް އެއްކޮޅަށް ތަންކޮޅެއް ހިމަކޮށް ހަދާފައިހުންނަ އެއްޗެއް
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
މާމެދުމީހުން
ނ ކަލާސީންގެ ބައިތަކުގެ ތެރެއިން ހޮވައިގެން ނެގޭބައެއް އިހުގައި ބަނޑޭރިގޭގައި އޮންނަ ރަސްމީ ފަރީއްކޮޅުތަކާބެހޭ ކަންތައް ކުރުމަކީ މިމީހުންގެ މަސައްކަތެކެވެ
ދަންޑެހެލުބޭކަލުން
ނ ކަލާސީންގެ ބައިތަކުގެ ވެރިކަން ދެއްވައިފައިވާ މީހުން
ދަންޑެހެލުކަން
ނ (1) ސަރުކާރުން ދެއްވާ ވަޒީފާއެއްގެ ނަން (2) ކަލާސީންގެ ތެރެއިން ބައެއްގެ ވެރިކަން (3) ނާނާފަހަރުގެ މަސައްކަތު މީހުންގެ ވެރިކަން
ތިންރަށުއޮޑި
ނ އިހުގައި ކަލާސީން ދަރުކޮށަންދާ އޮޑި