radheef.info
ރަދީފު


ބޭފުޅުން
ނ ވާހަކަ ދެއްކުމުގައި އާދެވަޑައިގަންނަވަން ކިޔާވަރުގެ މޮޅުމީހުން
ބޭފުޅުން
ނ ވާހަކަ ދެއްކުމުގައި އާދެވަޑައިގަންނަވަން ކިޔާވަރުގެ މޮޅުމީހުން
ހަރުބީއަށް ހިނގުން
މ ހަރުބީއަށް ހަމަވާގޮތަށް ފިޔަވަޅު އަޅަމުން ހިނގުން މިއީ އިހުގައި ގަނޑުވަރުތެރޭ ފިރިހެން ބޭފުޅުން ދަސްފުޅު ކުރައްވާ ކަމެކެވެ
ހަވޭލި
ނ (1) ދުރުތަންތަން ބަލާން ހަދައިފާހުންނަ އުސްގޭގެ (2) އިހުޒަމާނުގައި މުއްސަދިންނާ ޝާހީ އަންހެން ބޭފުޅުން ތިއްބެވުމަށް ބޭރު ފެންނަގޮތަށް ހަދައިފައި ހުންނަ އުސް ޢިމާރާތް
ހަތްކޮޅު
ނ ބޮޑުކުޑައަކާ ވައްތަރު ގޮތަކަށް ވަށައި ކައިރީގައި ވިހޭފަށެއްލައިފައި ހަދައިފައި ހުންނަ އެއްޗެއް މިއީ އިހުގައި ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުން ބައެއްކަހަލަ ރަސްމީ ޢިއްޒަތުގައި ކަންކަމަށް ނުކުމެވަޑައިގަންނަވާއިރު އެބޭފުޅުންގެ އިސްތަށިފުޅަށް ނަގާ އުޅުނު އެއްޗެކެވެ
ހަތްކޮޅުނެގުން
މ ރަސްކަމުގެ ޢިއްޒަތަށް ނުކުމެވަޑައިގަތުން ހުއްދަ ބޭފުޅުންގެ އިސްތަށިފުޅަށް ފުރަތަމަ ހަތްކޮޅު ފޮޅުވައިލުމާއި އެކަމާއި އެކުލެވިގެން ކުރާ ރަސްމީ ކަންތައްތައް ކުރުން
ހިނެވެނި
ނ އަންހެން ބޭފުޅުން އަރިހުގައި އުޅޭ ޚާއްޞަ ޚާދިމާ
ހިރިޔާމާލަން
ނ ވައިގެބަނދަރާއި ޖަލްސާކުރާ މާލަންފަދަ ތަންތަނުގައި ޚާއްޞަ ބޭބޭފުޅުންނަށް ކަނޑައަޅައިފައި ހުންނަ އިންތިޒާރު ކޮޓަރި
ހިއްޗަށްވަޑައިގަތުން
މ (1) ރަމަޟާންމަހު 22، 24، 26، 28 މިދުވަސް ދުވަހު ހަވީރު ނުވަތަ މިދުވަސް ދުވަހާއި ވިދިގެން އަންނަ ރޭރޭ ކުރާރަސްމީ ކަންތައް އަދާ ކުރެއްވުމަށް ރަދުން ނުވަތަ ހަތްކޮޅު ނަގާ ބޭފުޅުން އެދުވަހަށް ޚާއްޞަ ވެގެންވާ ޒިޔާރަތެއްގެ ދޮށަށް ރަސްމީގޮތުގައި ވަޑައިގަތުން (2) "ހިތި" ބަލާ!
ހުއްދަބަލައިދިއުން
މ ގަނޑުވަރުތެރޭ ބޭފުޅުންނާއި ދައުލަތުގެ ކުރިޔަށް ތިއްބެވި ބޭފުޅުން ތިއްބަވާ ތަންތާނގެ ކައިރީގައި ތިބޭމީހުން އެބޭފުޅުން ތިއްބަވާ ތަންތާނގެ އެތެރެފެންނަވަރުގެ އުސްތާކަށް އަރަން ޖެހިއްޖިއްޔާ އެކަމުގެ އިޒުނަ ހޯދަން އެތަންތަނަށް ދިއުން
ނާމާންބޭފުޅުން
ނ އަމުރު ލިބިގެންވާ ބަޔަކުނޫނީ ދުށުން ހުއްދަނޫން ބޭފުޅުން މިހެން ކިޔާއުޅެނީ އިހުގައި ގަނޑުވަރުތެރޭ ބޭފުޅުންނަށެވެ
ރަނިކަން
ނ ރަސްކަމުގެ ނިޒާމުގައި އަންހެން ބޭފުޅުންގެ ވެރިކަން
ރާވަޅި
ނ (1) ހާލުގެ ފިނދުފަތް ގަނޑުގައި އާދައިގެ ފަތަށްވުރެ ދިގުކޮށް ހުންނަ ދެފަތް (2) ރަދުން ފިޔަވައި ހަތްކޮޅުނަގާ ބޭފުޅުންގެ ފަގުޑިކޮޅުގައި ރާވަޅިއެއްގެ ސިފައިގައި ރަނުން ހަދައިފައި ހުންނައެތި (3) ރައިވެރިން އެތްމަންނަން ގެންގުޅޭ ތިލަ ގުދުކޮށް ހުންނަ ވަޅި
ރާދަފަތި
ނ އިހުގައި އަންހެން ބޭފުޅުންނަށް ދެއްވާ ކޮލީނަމެއް
އަވަހާރަ
އ (1) ގަނޑުވަރުތެރޭ ބޭފުޅުންގެ ބައެއް އެއްޗެހިކޮޅު ގެންދާއިރު އެކަން އެންގުމަށް ބުނާ ބަހެއް (2) ބަޑިބޭހާއި އަލިފާނުގެ ތަކެތި ގެންދާއިރު އެއަށް ރައްކާތެރިވުމަށް ބުނާބަހެއް (3) ނ މބ މަރު (4) ނިދި
އަވަހާރަގަނޑުވަރު
ނ ގަނޑުވަރުތެރޭ ބޭފުޅުން ތިއްބަވާ ތަންތާނގައި އެބޭފުޅުން ވެދެވަޑައިގަންނަވަން ހުންނަ ގިފިލި
ނަލަހިރު
ނ މަތީ ދަރަޖައިގެ އަންހެން ބޭފުޅުންގެ ފޭލިކޮޅު ވިޔާއިރު މެދު ހިރުގެ ދެފަރާތުގައި އަޅާ ރަންކަސަބުފަށް
ރަންދިކަނބާ
ނ ރަދުންގެ އަންހެން ބޭފުޅުންނަށް ދައުލަތުން ދެއްވާ ކޮލީ ނަމެއް
ރޭކުރުވުން
މ (1) ރޭގަނޑު ވޭތުވަމުންދިއުން (2) ގަނޑުވަރުތެރޭ ބޭފުޅުން އަވަހާރުފުޅު ލެއްޕެވުމަށް ތައްޔާރުކުރާން ހުރި ކަންތައްތައް ކުރުން (3) އެއްދާން ކުރުވުން
ބަދިގެޔަށްދިޔުން
މ (1) ގަނޑުވަރުތެރޭ ބޭފުޅުންގެ ބަދިގޭ ނޯކިރީ ހިފުން (2) މާތްމީހުންގެ ގޭގެގައި އުޅޭމީހުން ކާން ބަދިގެޔަށް ދިޔުން
ބަދިގޭ ހަނޑޫ
ނ ގަނޑުވަރުތެރޭގެ ބޭފުޅުންގެ ފަރިއްކޮޅު ކައްކާ މީހުންނަށް މުސާރައެއްގެ ގޮތުން ސަރުކާރުން ދީއުޅުނު ހަނޑޫ
ބިރުޑި
ނ ގަނޑުވަރުތެރޭ ބޭފުޅުން ރައްކައުވާންވެގެން ހަދާތަރަފަނާގެ ބާވަތެއް