radheef.info
ރަދީފު


ބާލީސް
ނ (1) ލެނގުމަށާއި ބޯއެޅުމަށް ފަތިކޮށް ފަހައި އޮންނަ އެއްޗެއް މިނޫންތަކެތި ލައްވައިގެންވެސް ބާލީސް ފަހައެވެ
(2) ދެގަނޑެއްޗެއް ޖެހޭތަނަށް ލާން ގެންގުޅޭ ބޯކޮށް ހަދައިފައި އޮންނަ ދަފަރާ
 (3) ރޮނދިގަނޑު ގަތާއިރު ބާދަލާ އޮޅަން ހަދައިގެން ގެންގުޅޭއެތި
ބާލީސް
ނ (1) ލެނގުމަށާއި ބޯއެޅުމަށް ފަތިކޮށް ފަހައި އޮންނަ އެއްޗެއް މިނޫންތަކެތި ލައްވައިގެންވެސް ބާލީސް ފަހައެވެ (2) ދެގަނޑެއްޗެއް ޖެހޭތަނަށް ލާން ގެންގުޅޭ ބޯކޮށް ހަދައިފައި އޮންނަ ދަފަރާ (3) ރޮނދިގަނޑު ގަތާއިރު ބާދަލާ އޮޅަން ހަދައިގެން ގެންގުޅޭއެތި
ބޮޑުބާލީސް
ނ ކުޑައަށީ ހުރަސް ކުނަލުގެ ބިތްކައިރީގައި އަރިޔަށް ބަހައްޓައިފައި ހުންނަ ބާލީސް. މިބާލީސް ހުންނާނީ އަށީގެ ފެންޑާއާ ވީ ފަރާތުގައެވެ. މިބާލީހުގެ ދިގުމިނަކީ ހުރަސްކުނަލުގެ ފުޅާމިނެވެ. ފުޅާމިނަކީ އޭގެ މަގަތުގައި އޮންނަ ބޮޑުކަންނޭލުގައި މެދު ބުރަކަށި ޖައްސައިލީމާ ބޮލާއި ކަނދުރާ ބާލީހުގައި ޖެހިފައި އޮންނަވަރެވެ
މަޑިކަރުއެޅުން
މ ގޮދަޑިއާއި ބާލީސް ފަދަތަކެތި ފަހާއިރު އެބަހައްޓަން ބޭނުން ބޯމިނަކަށް ވަށައިގެން ފޮތިފަށެއް އެޅުން
މޮހަޅަ
ނ (1) ސުއްދާނަ ނުހިފިގެން މައްޔިތާގެ ދޮރުދޮރަށް ލައްވާ ނުވަތަ ޖަހާ ފޮތި ނުވަތަ ކަފަ. (2) އައްޑަނައިގެ މާބައިނުގައި ހިފީމާ އަތުގެ ފުށަތްޖެހޭ ތާނގައި އޮންނަ ބާލީސް
މޮހޮޅަބާލީސް
ނ އައްޑަނައިގައި އަތުގެފުށަތް ޖެހޭތާނގައި އޮންނަ ބާލީސް
ތަންމަތިއެޅުން
މ (1) އެނދުގެ ކުނަލާއި ކަންނޭލާއި ބާލީސްތައް ރީތިކޮށް ހަމަޖެއްސުން ނުވަތަ ގޮދަޑިއާއި ބާލީސްތައް ރީތިކޮށް ފަލަނގު ފޭލިއެޅުން (2) ތަންމައްޗަށް ހިމެނޭ ހުރިހާއެއްޗެއް ތަރުތީބުކުރުން (3) ތަންމަތިފެތުރުން
ގަނޑުފިއްލާކުޅުން
މ "ގަނޑުފިއްލާ" އޭ ކިޔާ ކުޅިވަރު ކުޅުން. މި ކުޅިވަރު ކުޅޭ ގޮތަކީ ކުޅޭ މީހުން ދެބަޔަކަށް ބަހައި ކުރިން ގަނޑުއަޅަން ދާމީހުންގެ ތެރެއިން އެކަކު ގަނޑަކަށް ހަދަން ކަންނެޔޮތަކާ ބާލީސްތައް އޭނާގެ ގައިމަތީ ބަހައްޓައި އެއްޗަކުން ނިވާކޮށް އެބައިގެ އެހެން އެންމެން ފިލާ ތިބެފައި އަތްތިލަބަޑި ޖެހީމާ އަނެއްބައިގެ މީހުން އައިސް ގަނޑަށް ގޮވައި މިވެނި މީހަކު ތެދުވާށޭ ބުނުމުން ދިމާވެއްޖެނަމަ ތެދުވަނީއެވެ ދިމާ ނުވެއްޖެނަމަ ލަނޑެއް ދެވުނީއެވެ
ގަނޑުދޮށުލުން
މ ގަނޑުފިއްލާ ކުޅޭއިރު ގަނޑަށް ހަދާ މީހާގެ ގައިމަތީގައި ބާލީސް ފަދަ ތަކެތި ބަހައްޓައި ފޮތިގަނޑެއް ފަދައެއްޗަކުން ނިވާ ކުރުން
ގަތާބާލީސް
ނ ގަތާފައިގައި އޮންނަބާލީސް މިއީ ބާދަލާއެޅުމަށްޓަކައި މަހުކަށީން ނުވަތަ ލަކުޑިފަދަ އެއްޗަކުން ބާލީހަކާ ވައްތަރު ގޮތަކަށް ހަދައިފައި އޮންނަ އެއްޗެކެވެ