radheef.info
ރަދީފު


ރޯދަ
ނ ފަޖުރުލީއްސުރެ އިރުއޮއްސިއްޖައުމަށް ދާންދެން އޭގެ ޝަރުޠުތައް ފުރިހަމަ ކުރުމާއެކު ނުކައި ހުންނަ ހުރުން
މިއީ އިސްލާމްދީނުގެ ރުކުނެކެވެ
ރޯދަ
ނ ފަޖުރުލީއްސުރެ އިރުއޮއްސިއްޖައުމަށް ދާންދެން އޭގެ ޝަރުޠުތައް ފުރިހަމަ ކުރުމާއެކު ނުކައި ހުންނަ ހުރުން މިއީ އިސްލާމްދީނުގެ ރުކުނެކެވެ
ހަނދުބަޑި
ނ (1) އީދުރޯދައަށް ހަނދު ފެނުނީމާ ޖަހާ ބަޑި. (2) އިހުގައި ރަޖަބު ރަމަޟާން ޝައްވާލު މިތިންމަހުގެ ފުރަތަމަރޭ ޖަހައި އުޅުނު ރަސްމީބަޑި (3) މެދުވަރުގެ ހަރުމަތީބަޑި
ހަރޯދަ
ނ ޝައްވާލުމަހުތެރޭގައި ހިފަން އޮންނަ ސުންނަތް ހަރޯދަ. މި ހަރޯދަ ޢާއްމުކޮށް ހިފައިއުޅެނީ ވަޅުއީދު ދުވަހުން ފެށިގެންނެވެ
ހާރު
ނ (1) ރޯދައަށް ހުރުމަށްޓަކައި މެންދަމުގެ ފަހުގައި ކާ ކެއިން (2) އަންހެނުންގެ ކަރުގައި އަޅާ ގަހަނާއެއް
އިންދުން
މ (1) ގަސް ރޯދަނޑިފަދަ އެއްޗެތި ހައްދާން ބިމަށްހެރުން (2) އޮށްފަދަ އެއްޗެތި ފަޅުވާން ބިމުގައި ވަޅުލުން (3) ވަޅިފުރޯ ފޮނުމަތް ފަދަ އެއްޗެތީގެ ތިލަމުށްގަނޑުގައި ހަރުކުރުން (4) ދެލަކުޑިގަނޑު ޅިސް ލައިގެން ހަރުލެއްވުން
ހަވަރުގޮވައިލުން
ނ ވަޒީރުންނާއި ފުރަދާނައިން ޢީދުރޯދައަށް ހަވަރަށް ދެއްވާ ޖާފަތް
ހަތަރުބޯފޮޅި
ނ ބޯފޮޅި ފިހެގެން މައްޔިތުންގެ މައްޗަށް ފާތިޙާ ކިޔަވައި އުޅުނު 4 ދުވަސް (އަހަރެއްގައި އަންނަނީ މިބާވަތުގެ ހަތަރު ދުވަހެވެ.) އެއީ (1) ރަޖަބު ބޯފޮޅި، ޖުމާދަލްއާ ޚިރާމަހު 29 ވަނަދުވަސް، (2) ހިޔަރަކާތްބޯފޮޅި، ޝަޢުބާންމަހު 14 ވަނަދުވަސް، (3) ރޯދަބޯފޮޅި، ޝަޢުބާންމަހު 29 ވަނަދުވަސް، (4) ހައްޖުބޯފޮޅި ހައްޖުމަހުގެ 8 ވަނަދުވަސް. ). މިގޮތަށް ފިހާފޮޅި އެދުވަސް ދުވަހުގެ ހަވީރު މިސްކިތަށް ގެންގޮސްގެން ހުރިހާ މައްޔިތުންނަށް ފާތިހާ ކިޔަވައި ހަދައެވެ. އިހުގައި މި ރާއްޖޭގެ ކޮންމެ ގެއެއްގައިމެ މި ފޮޅިފިހެ ފާތިހާ ކިޔަވައެވެ.
ހަތާވީސް ކިޔެވުން
މ އިހުގައި ކޮންމެ ރޯދަމަހެއްގެ 72 ވިލޭރޭ ދަރުމަވަންތަ ރަސްގެފާނު މިސްކިތުގަޔާއި ދެގެދޭތެރެގަޔާއި ކުޑަކިބާ ބޭރު ގެކޮޅުތެރޭގައި ޤުރްއާން ކިޔެވުން. މިކަން ކުރަން ފަށަނީ ތަރާވީސްކޮށް ނިމުނީމާ ދަރުމަވަންތަ ރަސްގެފާނު މިސްކިތުގައި ބޮޑުކިޔެވެނިންނާއި ކުދިކިޔެވެނިންނެވެ. އޭރު 72 ފުކުގައި ދިއްލާފައި ހުންނާނެއެވެ. ކިޔަވާނީ ފޮތް ފޮއްޓެކެވެ. އެއަށްފަހު ގަނޑުވަރުތެރެއަށް ދުރުވެ ދެގެ ދޭތެރޭގައެވެ. މިވަގުތު ކުޑަކިބާ ބޭރުގެކޮޅު ތެރޭގައި ޚަތީބުބޭކަލަކު ފޮތް ފޮށިކޮޅެއް ބެހެއްޓެވީމާ. "ތިންމަހުރޯދަކިޔަވަން" އަށްޓަށް ދުރުވި ބޭކަލުން ނައްކާރަ ޖަހަންދެން ކިޔަވާނެއެވެ. ފަހަކަށް އައިސް މިކިޔެވުން ކިޔެވީ ހުކުރު މިސްކިތު ހަރުގޭގައެވެ
ހަތްހެއްތި
ނ )ސ ( ހަތްއަމުރު މިއީ އިހުޒަމާނުގައި ކޮންމެ ހުކުރު ދުވަހަކު ހުކުރުން ފޭބުމަށްފަހު ވެރީންގެ ފަރާތުން ރައްޔިތުންނަށް ކުރާ ހަތް އަމުރެވެ (1) މާތްކަލާގެއަށް ކިޔަމަންތެރިވާހެއްތި (2) ޒިނޭނުކުރާ ހެއްތި (3) ވައްކަން ނުކުރާ ހެއްތި (4) ދޮގުނުހަދާހެއްތި (5) ނަމާދުކުރާހެއްތި (6) ރޯދަހިފާހެއްތި (7) ވެރިންނަށް ކިޔަމަންގަންނަހެއްތި
ހަތްފުކުދިއްލުން
މ ވޮށުގައި ހަތްފުއްރޯކުރުން މިކަންކޮށްއުޅުނީ ރާއްޖޭގައި ވޮށްދިއްލި ޒަމާނުގައެވެ މިކަންކުރަނީ ރޯދަމަހުގެ އުފަލަށްޓަކައި މުލަރޯދަ ވިލޭރޭގައެވެ އަދި ބައެއް ޚާއްސަ ރޭރޭވެސް މިކަން ކޮށް އުޅުނެވެ
ހިއްޗަށްދިއުން
މ )ސ ( ބަޔަކުމީހުން ކާއެއްޗެހި ހަދައިގެން އަތިރިމައްޗަށް ރޯދަވީއްލާން ދިއުން
ހިއްޗިގޮނު
ނ )ސ ( ރޯދަމަހު އިރުއޮއްސޭ ވަގުތަށް ރޯދަވީއްލަން އަތިރިމައްޗަށް ގެންދާން ކާތަކެތި އަޅަން ފަނުން ވިޔެފައި ހުންނަގޮނު
ހިތީކޭން
ނ ހިތީކިޔަވާން ދުރުވާ ހަނގުބޭކަލުންނާއި އަވަށު މީހުން ރޯދަވީއްލުމަށް ކައްކައިގެން ގެންދާކޭން މިކޭން ކައްކަނީ މަޖިލީހަށް އަރާ ބޭކަލުންގެ ގޭގެއިންނެވެ މި ކޭމާއި ފާރުދޮށުކޭމާ ހުންނަ ތަފާތަކީ މިކޭމުގައި ހިތި ހުންނަކަމެވެ
ކޯދޮވުން
މ (1) އަނގައިގެތެރެ ދޮވުން (2) އަނގަޔަށް ފެންއަޅައިފައި އުކައިލުން (3) މަޖާޒު: ރޯދަވީއްލުން
ނައްކާރަ
ނ ރޯދަމަހު ރޭގަނޑު މެންދަމުން އަލިވެ ދޭއްޖަހާއިރު ޖަހާބެރު މިބެރު ޖަހަނީ ހާރުވަގުތު ވަދެއްޖެކަމުގެ އިޢުލާނަކަށެވެ
ނައްކާރަޖެހުން
މ އިހުގައި ރޯދަމަހު ހާރުދަން ވެއްޖެކަން އިޢުލާން ކުރުމަށްޓަކައި ޖަހާބެރު ޖެހުން
ނާބަބަޑި
ނ (1) ރަމަޟާންމަހު އިރުއޮއްސިއްޖެކަން އެންގުމަށް ޖަހައި އުޅުނު ބަޑި ހަރޯދައިގެ ދުވަސްތަކުގައިވެސް މިބަޑި ޖަހައި އުޅުނެވެ (2) ބޮޑުދެހިތީގައި ނާބަ ފަށަންވީމާ ޖަހައި އުޅުނު ތިންބަޑި
ނިޔަތް
ނ (1) ގަސްތު (2) ނަމާދު ރޯދަ ފަދަ އަޅުކަންތައް ކުރަންފަށާއިރު ދުލުން ކިޔާ ބަސްތައް
ރަމަޟާން
ނ (1) ރޯދަމަސް (2) ހިޖުރީ ކަލަންޑަރުގެ ނުވަވަނަމަސް
ރަތްފުރޯދަނޑި
ނ )ސ ( ފުރޯދަނޑިދޫނި
ރޯ
ނ (1) އެއްޗެއްގައި އަލިފާން ހިފާހިފުން މިސާލު: ތަނެއްގައި އަލިފާން ރޯވުން (2) ނއ "ހިކި" މިބަހުގެ އިދިކޮޅު މިސާލު: )ހ( ރޯދަރު )ށ( ރޯމޭވާ (3) ދިރޭ މިސާލު: )ހ( ރޯގަސް )ށ( ރޯފާރުގަނޑު (4) ކައްކައިގެންނޫނީ ނުކާތަކެތި ކެއްކުމުގެ ކުރީގައި ކިޔާގޮތް މިސާލު: )ހ( ރޯހަނޑޫ )ށ( ރޯމަސް (5) އެއްޗެއް މިސާލު: މިތާނެތް ރޯއެއްނެތޭ (6) ގޮތް މިސާލު: ތިޔަކަންތައް ކޮންފަދަ ރޯއެއްގައި ދާނެބާވައެވެ (7) ހުރިގޮތަށްހުރި މިސާލު: )ހ( ރޯގޯސް )ށ( ރޯދޮގު (8) ހާމަ މިސާލު: ރޯދުވާލު (9) ރަނގަޅަށް ދޮންނުވާ މިސާލު: ރޯކެޔޮ