radheef.info
ރަދީފު


ރުޅިގަދަ
ނއ (1) ގަދަޔަށް ރުޅިއަންނަ
(2) ރުޅިއިސް
ރުޅިގަދަ
ނއ (1) ގަދަޔަށް ރުޅިއަންނަ (2) ރުޅިއިސް
ހޫނުވުން
މ (1) ހޫނުގެ އަސަރުކުރުން (2) މަޖާޒު: ރުޅިގަދަވުން މިސާލު: އޭނާ ހުރީ ވަރަށް ހޫނުވެފައެވެ (3) ކަމެއްގެ ފޯރި ގަދަވުން މިސާލު: އެމެޗު ވަރަށް ހޫނުވެއްޖެއެވެ (4) ކަމެއްގެ ތަޙްޤީޤު ފަދަ ކަމެއް މާބޮޑަށް ހޫނުވުން މިސާލު: އެމައްސަލަ މިހާރު އޮތީ ވަރަށް ހޫނުވެފައެވެ
ބުއްރާސް
ނ (1) ކުކުޅުހައު ކުއްލިއަކަށް އަޑުގޮއްވަމުން އުދުހިގެންދާ ދިއުން (2) މަޖާޒު: ރުޅިގަދަ އަންހެނުން ރުޅިއައިސްގެން ހަޅޭލަވައިގަންނަ ގަތުން
ބުއްރާސްޖެހުން
މ (1) ކުކުޅު ހައު ކުއްލިއަކަށް އުދުހިގެން ދިއުން (2) މަޖާޒު: ރުޅިގަދަ އަންހެނުން ރުޅިއައިސްގެން ހަޅޭލައިގަތުން
ކަނޑީރަސްގެއެއްކަހަލަ
)މިސާލުބަހެއް( މާރުޅިގަދަ ގޮތްދޫނުކުރާ މީހުންނާ މެދު ބޭނުންކޮށްއުޅޭ މިސާލުބަހެއް
ފީވުން
މ (1) ލަކުޑިއާއި މައުދަނުގެ ތަކެތި ބާވެ އެތަކެތީގެ ބާރުދިޔުން (2) މޭވާއާއި ގޮވާން ފަދަ ތަކެތި ގިނަދުވަސް ވެގެން ބޭނުން ނުހިފޭ ވަރަށް ހަލާކުވުން (3) ކުޑަކުދިން ރުޅިގަދަ ވެފައި ފިނޑިވުން (4) ބިސްފީކުރާ ދުވަސްވަރު ކުކުޅަށްވެފައި ހުންނަ ގޮތްވުން (5) މަޖާޒު: ވެރިކަމާއި ޢާއިލާ ތަކާއި މީހުންގެ ބާރުކެނޑުން
ދުނިގަދަވުން
މ މަޖާޒު: (1) ރުޅިގަދަވުން (2) ހަރުކަށިވުން (3) ރުންކުރުވުން
ތެޔޮތާހަށްފެންޖެހުން
މ މަޖާޒު: ރުޅިއައިސްފައިހުރި މީހެއްގެ ރުޅިގަދަވާނެ ކަހަލަ ކަމެއްކުރުން ނުވަތަ އެފަދަ އެއްޗެކޭ ބުނުން
ގަދަވުން
މ (1) ބަލިން ސަލާމަތްވުން (2) ކުޅޭބައެއް ކުޅިވަރުން މޮޅުވުން (3) ވަރުގަދަވުން (4) ވައިބާރުވުން މިސާލު: ވައިގަދަވުން (5) ކަނޑުބޮޑުވެ ރާޅުތައް އުފުލުން މިސާލު: ކަނޑު ގަދަވުން (6) ބައެއްކަންތައް ހުންނަންވީ ވަރަށްވުރެ މައްޗަށް ދިއުން މިސާލު: )ހ( ރުޅިގަދަވުން )ށ( ހުންގަދަވުން