radheef.info
ރަދީފު


ރިޔަ
ނ ރާޒުވާގެ ކުޅިބައިގެ ކުޅިއެއް
ރިޔަ
ނ ރާޒުވާގެ ކުޅިބައިގެ ކުޅިއެއް
ހަށިވައު
ނ )ހ ( (1) ދަނޑީވައު (2) ތުންމަތީ ރިޔަލުގެ ދަނޑި ހިފެހެއްޓުމަށް ދަނޑީގެ ކުރީގައި ޖަހާ ވައު
ހަނދުބަލާމަސް
ނ ހިނގާމަހުގެ ކުރިޔަށް އޮންނަ ހަނދުމަސް
ހަނދޭގިރިކަން
ނއނ (1) ހަނދޭ ގިރި ކަމުގެ ވަޒީފާ (2) ހަނދޭގިރިޔަކާ ޙަވާލުވާ ކަންތައް
ހަނޑުފޮޅާނާށިގަނޑު
ނ ހަނޑޫފޮޅާއިރު ކުރިޔަށްއަރާނީ ހަނޑޫ ނަގާށާއި ބަތްޕޮޅިޔަށް ހަނޑޫއެޅުމަށް ބޭނުންކުރާނާށިގަނޑު. މިއީ ބޮޑެތިކާށި ދިގަށްކީހައި ބޭރުމަށާއި އޮފުއަރުވައިފައި އޮންނަނާށިގަނޑެކެވެ
ހަނާ
ނ (1) އަލިފާނުގެ ހޫނުން ތަކެތި ކުރާ މުރަނަ. (2) ހަވާދުލައިގެން ހިކިކޮށް މަސްހަދާގޮތް. (3) ފުރާނަހުރި އެއްޗެހި ކޮންމެވެސް ހޫނަކުން ނުވަތަ ބަނޑުހައި ކަމުގެ ސަބަބުން ވާ މަރު ނުވަތަ މަރުވުމާ ކައިރިވާވުން (4) ދުރުގައި ހުރެގެން ކައިރިޔަށް އައުމަށް ކުރާ އިޝާރާތް
ހަރަމަލި
ނއ )ސ ( މޭވާފަދަ ތަކެތި ގަހުގައި ވަރިވަރިޔަށް އަންނައިރު ހަރުވާން ކައިރިވެފައި ހުންނަވަރި
ހަރާންކޯރުވުން
މ ތިމާގެ ވެރިޔަކަށް ސާހިބަކަށް ޚިޔާނާތްތެރިވުން
ހަކުންފަލި
ނ (1) މަސްދޯނިފަހަރުގެ މާވަތުގައި ބޭނުންކުރާ ފަލި (2) ބަނޑުފައްޔާއި ޖެހިގެން ކުރިޔަށް އޮންނަ ފަލި
ބަށި
ނ (1) ތަރުކާރީގެ ބާވަތެއް. މީގެ ކިތަންމެ ބާވަތެއް ހުރެއެވެ. މިސާލު: ދަނބުބަށި ހުދުބަށި ދިގުބަށި (2) ފަނުން ހައަރިޔަށް ވިޔެގެން ތައްޔާރުކުރާ އެއްޗެއް )މިއީ އިހުޒަމާނުގައި އަންހެނުންގެ ޚާއްޞަ ކުޅިވަރެއް ކުޅުމަށްޓަކައި ފަނުން ވިޔާއެއްޗެކެވެ ( (3) ދިވެހި އަންހެނުން ކުޅެއުޅޭ ކުޅިވަރެއް
ބަށިފުޅި
ނ ފޫއަޑިކޮށް ތިރިޔަށް ފަލަކޮށް ކަރުހިމަކޮށް ތުން ފުރޮޅައިފައި ހުންނަ ފުޅިޔެއް
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެލުން
މ (1) އެއްޗެއްގެ މަތީކޮޅު ތާކު ހަރުވެފައި އަނެއްކޮޅުތިރިއަށް ވީއްލިފައި އޮތުން. (2) ގަސްގަހުގެ ގޮފީގެ ކުރީކޮޅު ހުންނަންވީ ވަރަށްވުރެން ތިރިޔަށްޖެހިފައި އޮތުން. (3) ތެދަށް އޮންނަންވީ އެއްޗެއްގެބައެއް އޮންނާންވީ ވަރަށްވުރެ ތިރިޔަށް ޖެހިފައި އޮތުން. (4) މަޖާޒު: ނާކާމިޔާބުވެގެން ދެރަވުން. )އެލުނު ނނކ އެލިއްޖެ ނކ އެލެނީ ވވ އެލޭނެ ވނ އެލޭ! އމ
ހަވީރުކުރުން
މ ޅެމަކާމެދު ނުވަތަ ޅެންވެރިޔަކާމެދު އަދަބީ ގޮތުން ވާހަކަ ދެއްކުން
ހަތޭލިކަށި
ނ ނާފަހަރުގެ ރިޔަލާއި ސަތަރިއާއި ގޯނިފަދަތަކެތި ފަހަން ގެންގުލޭ ފަގަ ހުންނަ ކައްޓެއް މީގެ ތުނޑަށްވީކޮޅު އޮންނާނީ ތިން އަރިއަށް ވާގޮތަށް ކުޑަކޮށް ފަތާކޮށެވެ ތުނޑު ހުންނާނީ ކުޑަގޮތަކަށް މައްޗަށް ޅެނބިފައެވެ
ހަތްއަތްތަވާޅީންގާނެގުން
މ ރިޔަނު ދެކޮޅުން މުގޯއްޔެއް އަޅަމުން ގޮސް ހަތްމުގޯލި އަޅައި ކޮންމެ މުގޯއްޔެއްގައި ހަތްގައުކޮޅު ބާއްވައިގެން ކުޅޭ ކުޅިވަރެއް މިކުޅިވަރުގައި އެއް މުގޯލި ދޮށުގައި އުޑަފައިން އިށީނދެ ގައުކޮޅެއް ހިފައިގެން ތެދުވެ ހިންދަމާލައި ދެން ޖެހިގެން ހުރި މުގޯލި ކައިރީގައި އުޑަފައިން އިށީދެ ބާއްވަނީއެވެ މިގޮތް މަތީން އެއް މުގޯއްޔަށް ފަހު އަނެއް މުގޯލި ހުސްކުރަމުންގޮސް ހަތްމުގޯލި ހުސްކުރަނީއެވެ
ހަސްކާ
ނ (1) ކުއްލި (2) އެއްވާމަކަށް ވާންވެފައިހުރެފައި ދުލެއް ޖެހިލައިފައި ޖެހޭލަކި މިބަސް ގިނައިން ބޭނުންކުރަނީ ވައިމަޑު އިރަށް ރިޔަލުގެ ދަންމާނުން ޖަހާ ލަތްކަށާއި ނަގިލީގެ ކެނބަށް އަރާ ކުއްލިއަށެވެ (3) މަޖާޒު: ވެރިޔަކު ދަށުގައިވާ މީހަކަށްވާ ކޯފާ
ހަސްކާދިނުން
މ މަޖާޒު: (1) އެއްޗެހިގޮވުން (2) ވެރިޔަކު އޭނާގެ ދަށުގައިވާ މީހަކަށް ކޯފާވުން (3) )ސ ( މާބޮޑަށް ތަޅައި ހާނީއްކަކުރުން
ހާޑުމަޅި
ނ ރިޔަލުގާ ހާޑުލާން ބޭނުންކުރާ ވަޅުގައި ފަރުމާނާއެކު ކުނބު ކުރީގައި އަޅުވަން ހަދާމަޅި
ހާޑުފަށް
ނ (1) ރިޔަލުގައި ހާޑުލުމަށް ބޭނުންކުރާ ވައުގަނޑު (2) ހާޑު ހަކަށް ލައްވައިފައި ހުންނަވައު
ހިހޫލުން
މ ކުނބު ނަގައިފައި ހުންނައިރު ކުނބު ވަނޮޅުން މައްޗަށް އެރިޔަނުދިނުމަށް އޮޅު އެޅުން