Radheef, ދިވެހިބަހުގެ ރަދީފު، ނަތީޖާގެ މާނަ

radheef.info

ނ ކުރިކަމަކުން ޙާޞިލްވިކަމެއް

ނ ކުރިކަމަކުން ޙާޞިލްވިކަމެއް

ހިކިފަސްތާބަކަތެޅުން

މ މަޖާޒު: ނަތީޖާއެއްނެތް ބޭކާރު މަސައްކަތް ކުރުން

ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން

ނުކުތްގުނަ

ނ ގުނަކުރީމާ ނިކުންނަ ނަތީޖާ

ނުކުތްގެލަ

ނ ގެއްލީމާ ނުކުތް ނަތީޖާ

ރަހަލިބުން

މ (1) އެއްޗެއްގެ ރަހަ އެނގުން (2) މަޖާޒު: ކުޅަ ނުބައިކަމެއްގެ ނަތީޖާ ލިބުން

ކަޅިފުށީކަލޭގެކޮކަޑި

ނ )މިސާލުބަހެއް( ކުރާކަމަކުން ނުކުންނަންވީ ނަތީޖާއެއް ނުނިކުތީމާ ޖަހައި އުޅޭ މިސާލެއް

ކަދަރާތު

ނ ދެބިތެއްގައި ހުރި ދެމިނެއްގެ ދެޢަދަދު ގުނަކޮށް ވަކި ޢަދަދަކުން ގެއްލައި ނަތީޖާ ހޯދަންކުރާ ވިޔަ

ވާންވީގޮތްވުން

މ ނުރަގަޅު ޢަމަލެއްގެ ނަތީޖާއެއްގެ މައްޗަށް ބުނެއުޅޭބަހެއް

މަސައްކަތް

ނ (1) ކުރާކަންތައް (2) ޢަމަލު (3) ނަތީޖާއެއް ނެރުމަށްޓަކައި އުފުލާ ބުރަ (4) ކަމެއް ކުރުމަށް ކުރާ ޙަރަކާތް (5) އާމްދަނީއެއް ލިބޭނޭކަމެއް

މަސައްކަތްކުރުން

މ (1) ނަތީޖާއެއް ނެރުމަށް ނުވަތަ ހޯދުމަށް ބުރަ އުފުލުން (2) ޢަމަލުކުރުން (3) އާމްދަނީއެއް ލިބޭނެކަމެއް ކުރުން

ފިލާސާފުކުރުން

މ ފިލާއެޅުމަށްފަހު ހިސާބު ހަދައި ނަތީޖާ ހޯދުން

ފެންނެތްތާބަކަތެޅުން

)މިސާލުބަހެއް( އެކަށީގެންވާ ރަނގަޅު ނަތީޖާއެއް ނުލިބޭ ތަނެއްގައި މަސައްކަތް ކުރުން

ދުންބަޑި

ނ (1) ވަޒަންނުލައި ހަމައެކަނި އަޑުއިވޭގޮތަށް ޖަހާބަޑި މަޖާޒު: (2) ނަތީޖާއެއްނެތް ޢަމަލު