radheef.info
ރަދީފު


ސައިބޯނި
ނ ދޮވެސާފުކުރުމަށް ގެންގުޅޭ ފޮނުއަރާ އެއްޗެއް. މިހަދައިފައި ހުންނަނީ ތެލާއި
ޕޮޓޭޝިޔަމާއި ސަރުބީ ފަދަ ބާވަތް ތަކުންނެވެ
ސައިބޯނި
ނ ދޮވެސާފުކުރުމަށް ގެންގުޅޭ ފޮނުއަރާ އެއްޗެއް. މިހަދައިފައި ހުންނަނީ ތެލާއި ޕޮޓޭޝިޔަމާއި ސަރުބީ ފަދަ ބާވަތް ތަކުންނެވެ
ރަންމަތީލުން
މ ދިރޭރަހަޔާއި އިބްރާހީމު ރަނުގެ ކުނޑިޔާ އޮޑިހަނަކަށް އަޅައިގެން 27 ގަޑިއިރުވަންދެން އެއްކުރުމަށްފަހު ރަންމަތީލާންވީ އެތި އަލިފާނުން ރަނގަޅަށް ދޮންކޮށް ތެޔޮކަނޑުވައިލައި ހިހޫވީމާ ލުނބޯހުތާ ސައިބޯނިއޮށުގެ ފެނުން ލޯނަރު ބުރުސް އަޅައި ރަނގަޅަށް ދޮވެސާފުކޮށްލައި އޭގެފަހުން ރަންމަތީލާއެތީގައި ރަނގަޅަށް އޮޑިހަނުގައި ގާނައިފައި ހުރި ކުނޑިތައް ކުޑަ ފިއްސަކުން ހާކައިލައި އެއްވަރުކޮށް ލުމަށްފަހު އަނެއްކާވެސް އަލިފާން މަތީބާއްވައިލައި ހޫނުކޮށް ލާނެއެވެ. އެއިރުން ދިރޭރަހައިގެ ބައި ދުމަށްވެގެން ހިނގައިދާނެއެވެ. އެއިރުން ރަންކުނޑި ހުންނާނީ އޭގައި ހަރުލައިފައެވެ. ދެންއޭގެމަތީގައި އޮފުއަރުވާކަށި ކާއްތާ އޮފުއަރުވާ ކުރެހުން ނުވަތަ ލިޔުން ގަނޑެއް ނަމަ އޭގެތެރޭގައި ކަށިކާއްތާ އޮފުއަރުވައި ހިކިކޮށް ހުރި އުއްތަން ހަދައިފައި ހުންނަ ބޭހުން އެތިފޮދެއް އޭގެ މަތީގައި ހާކައިލައި އަނެއްކާ އަލިފާނުން ހޫނުކޮށްލާނީއެވެ އޭރުން ހުންނާނީ އޭގެމައްޗަށް ރަންކުލަ އައިސްފައެވެ ދެން ފެންފޮދަކުން ދޮވެލައި ބުރުހުން ސާފުކޮށް ލުމުން ރަންމަތީލެވުނީއެވެ
ބުރިކުރާސައިބޯނި
ނ ހަތަރު އަރިޔަށް ދިގުކޮށް ހަދައިފައި ހުންނަ ދޮންނަ ސައިބޯނި
ބޮޑުގުންބާކުރުން
މ ބޮޑުގޮހޮރު ސާފުކުރުމަށްޓަކައި ފުރަގަސް ފަރާތު ދޮރުން އެތެރެހަށްޓަށް ލޮނު ނުވަތަ ސައިބޯނިފެން ފަދަ އެއްޗެއް ފޮނުވުން
މޫދުމާގަނޑު
ނ ފަރުފަރުގެ ބޭރުމަތީގައްޔާއި ފަޅުފަޅުގައި މާގަނޑެއްހެން ހުންނަ މުރަކަ ޢާއިލާގެ އެއްޗެއް ޚައްޠު އިސްތަވާގެ ކަނޑުތަކުގައި ހުންނަ މިބާވަތުގެ ބޮޑެތި މާކަނޑުގައި މާގަނޑުމަސް ނުވަތަ ސައިބޯނިމަސް ދިރިއުޅެއެވެ
ފޮނު
ނ (1) ދިޔާ އެއްޗަކަށް އަންނަ ބަދަލަކުން ނުވަތަ އަންނަ ހަރަކާތަކުން އެއެއްޗެއްގެ މަތީގައި އުފެދޭ ކުދިކުދި ބޮކިތަކަކުން އެކުލެވިފައިވާ ހުދު ކުލައިގެ އެއްޗެއް. (2) އަނގައިގެ ތެރޭގައި ކުޅުން އުފެދޭ ކުދިކުދި ބޮކިތަކެއްހެން ހުންނަ އެއްޗެއް. (3) ރާޅު މުގުރާ އިރާއި ރާޅުޖަހާއިރާއި ބިންދާއިރު އަރާވައިގެ ބޮކި ތަކަކުން އުފެދޭ ހުދުކުލައިގެ އެއްޗެއް. (4) އަލިފާން ނިއްވުމަށްޓަކައި އުފައްދައިފައި ހުންނަ ލޮލަށް ނުފެންނަހާ ކުދިކުދި ބޮކިތަކަކުން އެކުލެވޭ ހުދުކުލައިގެ އެއްޗެއް. (5) ސައިބޯނި އޯމޯ ފަދަ ތަކެތި ފެނާ އެކުވުމުން އަރާވައިގެ ބޮކިތަކެއް
ފޮނުއެރުވުން
މ (1) ބިންމަތި ފަސޭހަވާ ބަލީގައި އަނގައިން ފޮނުތައް ނުކުތުން (2) ދޮންނަ ކުނޑި ނުވަތަ ސައިބޯނި ފަދަ އެއްޗެހިން ފޮނު ހެއްދުން )ވައިގެ ބޮކިތައް ހެއްދުން(
ދަނޑިސައިބޯނި
ނ ބުރިކުރާ ސައިބޯނި
ދޮންނަކުނޑި
ނ (1) އެއްޗެހި ދޮވުމަށް ތައްޔާރުކޮށްފައި ހުންނަ ކުނޑި (2) ކުނޑި ސައިބޯނި
ދޮންނަސައިބޯނި
ނ އެއްޗެހި ދޮންނަން ހަދައިފައި ހުންނަ ސައިބޯނި
ލޭބޯފަނި
ނ ވައިގައި ތެތްކަންކުޑަ ވަކިމިންވަރަކަށް ފިނި ސަރަޙައްދުގެ ވިނަ އާއި ތިރިގަސްތަކުގެ ތެރޭގައި އުޅޭ ފަންޏެއްެ. މިފަނި ހަރަކާތްތެރިވަނީ އޭގެ ދެކޮޅުޖައްސާ ހިންދެމޭގޮތަށް ފިރުކިގެންނެވެ. މިފަނި އިންސާނުންގެ ހަމުގައިޖެހުމުން ލޭބޮއި ހަދައެވެ. މިފަނި އިންސާނާގެ ހަށިގަނޑުން ނައްޓުވައިލަން އެންމެ ފަސޭހަގޮތެއް ކަމަށް އެނގިފައިވަނީ ގަދަކޮށް ގިރައިފައި ހުންނަ ލޮނުތިއްކެއް ޖައްސައިގެން ނުވަތަ ސައިބޯނި ލައިގެންނެވެ
ގަރަސައިބޯނި
ނ )ސ ( ދޮންނަސައިބޯނި
ގަރަސާބޫނި
ނ )ސ ( ދޮންނަސައިބޯނި
ގުންބާކުރުން
މ (1) ބޮޑުކަމު ބޭރަށް ނުދެވިގެން ފުރަގަސް ފަރާތުދޮރުން އެތެރެއަށް ގުންބާއަކުން ސައިބޯނިފެން ފަދަ އެއްޗެއް ދުއްވުން (2) ބިގަރު ފަދަ އެއްޗެއްސަށް ވައިޖެހުން
ސައިބޯނިބަޑި
ނ ސައިބޯނިބޮކި
ސައިބޯނިބޮކި
ނ (1) ސައިބޯނި ފެނުން އެތެރެޔަށް ވައިވަދެގެން ހެދިފައި ހުންނަބޮކި (2) މަޖާޒު: ހަރުދަނާ ކަމެއް ނުހުންނަ ކަންތައް
ސައިބޯނިއޮށް
ނ ސައިބޯނި ގަހުގެ އޮށް މިއީ ކުންނާރު އޮށާ އެއްބޮޑު މިނެއްގައި ކުލަކުލައިގައި ހުންނަ އޮށްތަކެކެވެ މިއޮށްތައް ފެން އެއްޗަކަށް އެޅުމުން ފޮނުއަރާނެއެވެ މިބޭނުން ކުރަނީ ގިރިޓީކުރާއިރު އެ ގިރިޓީ ކުރާ އެއްޗެހި ސާފުކުރުމަށެވެ
ސައިބޯނިފެން
ނ ސައިބޯނި ގިރުވައިފައި ހުންނަފެން
ސައިބޯނިފޮނު
ނ ސައިބޯނި ފެނާއެކުވުމުން އުފެދޭ ފޮނު
ސައިބޯނިދަޅު
ނ ސައިބޯނިލާން ހަދައިފައި ހުންނަ ދަޅު
ސައިބޯނިލުން
މ ސައިބޯނި އުނގުޅުން