radheef.info
ރަދީފު


ލާގެ
ނ (1) މައުލޫދު ހަރުގޭގައި ބޮޑެތި މީހުން ތިބުމަށް ހަމަޖެހިފައިވާ ދިމާގައި ދަމައިފައި ހުންނަ ކުޑަ ސަނދުވާ. (2) ބައެއް މިސްކިތުގެ މެދުތެރެއިން މަތިވަޑާން ގަނޑުގެ ދަށުގައި ލަކުޑީގެ އެތިކޮޅުތަކަކުން
ވަށްކޮށް ނުވަތަ އަށް އަރިއަށް ނުވަތަ ހަތަރު އަރިއަށް ހަދައިފައި ހުންނަ ތަނެއް
 މިތަން ހުންނާނީ ވަރަށް ރީތިކޮށް ލިޔެލާޖަހައިފައެވެ
ލާގެ
ނ (1) މައުލޫދު ހަރުގޭގައި ބޮޑެތި މީހުން ތިބުމަށް ހަމަޖެހިފައިވާ ދިމާގައި ދަމައިފައި ހުންނަ ކުޑަ ސަނދުވާ. (2) ބައެއް މިސްކިތުގެ މެދުތެރެއިން މަތިވަޑާން ގަނޑުގެ ދަށުގައި ލަކުޑީގެ އެތިކޮޅުތަކަކުން ވަށްކޮށް ނުވަތަ އަށް އަރިއަށް ނުވަތަ ހަތަރު އަރިއަށް ހަދައިފައި ހުންނަ ތަނެއް މިތަން ހުންނާނީ ވަރަށް ރީތިކޮށް ލިޔެލާޖަހައިފައެވެ
ހަށަވާލި
ނ ވާލި އާއިލާގެ ފަރުމަހެއް މިމަސް އެހެނިހެން ވާއްޔަށްވުރެ ދިގުވާނެއެވެ މިވާލީގެ ބުރަކަށި މަތީ އެއްވަރަކަށް ހުންނަ ކަށިތަކެއް ހުންނާނެއެވެ މަހުގެ ކުލައަކީ ރިހިއަޅި ކުލައެވެ މަހުގެ އަރިމަތީގައި ދެބަރިއަކަށް ހުންނަ ކަޅު ލައްތަކެއް ހުރެއެވެ
ހަތްހެއްތި
ނ )ސ ( ހަތްއަމުރު މިއީ އިހުޒަމާނުގައި ކޮންމެ ހުކުރު ދުވަހަކު ހުކުރުން ފޭބުމަށްފަހު ވެރީންގެ ފަރާތުން ރައްޔިތުންނަށް ކުރާ ހަތް އަމުރެވެ (1) މާތްކަލާގެއަށް ކިޔަމަންތެރިވާހެއްތި (2) ޒިނޭނުކުރާ ހެއްތި (3) ވައްކަން ނުކުރާ ހެއްތި (4) ދޮގުނުހަދާހެއްތި (5) ނަމާދުކުރާހެއްތި (6) ރޯދަހިފާހެއްތި (7) ވެރިންނަށް ކިޔަމަންގަންނަހެއްތި
ހަސަންދަރި
ނ )ސ ( ދޯނިފަހަރުގެ ހުރަސް ފިލާގެ ކަނާތްފަރާތުގައި ވާ އައްސާން ލަކުޑިން ޖަހައިފައި ހުންނަ ދެމޫޓު
ހިމަބޯދު
ނ ބޯދީގެ އާއިލާގެ ބާވަތެއް މިއީ އެހެނިހެން ބޯދީގެ ބާވަތްތަކަށްވުރެ ހިމަ އެއްޗެކެވެ މީގެ ބަނޑުދޮށް ފަރާތުން ކަރުތާފަތާ ދިމާ ތިރީގައި ހުންނަ ކޮތަރިބައި ބޮލުގެ ދިގުމިނުގެ ދެބައިކުޅަ އެއްބައިހާ ދިގެވެ މަހުގެ ކުލައަކީ މަޑު ފިޔާތޮށި ކުލައެވެ މަހުގެ ތުނބުން ފެށިގެން ލޯހުރަސްކޮށް މަހުގެ ކަރުތާފަތްގަނޑުގެ ކޮޅަށް ގަދަމުށި ކުލައިގެ ރޮނގެއް ދެމިފައި ހުރެއެވެ
ހިލަނބަށްދިއުން
މ ފިރިހެނަކު ބޭރު ރަށަކުން މީހަކާ އިނދެފައި ރަށަށްއައިމާ އެފިރިހެނެއްގެ ޢާއިލާގެ މީހުން )މައިންބަފައިން ފިޔަވައި( އެއަންހެނަކުބަލައި އެމީހެއްގެ ރަށަށް ދިއުން
ހިލާލީދަރިކޮޅު
ނ ރާއްޖޭގައި ރަސްކަން ކުރި 7 އާއިލާގެ ތެރެއިން 3 ވަނަ އަށް ރަސްކަންކުރި ދަރިކޮޅު މިދަރިކޮޅަށް "ބަދުރުއްދީން" ދަރިކޮޅޭވެސް ކިޔައެވެ މިދަރިކޮޅުގެ ފުރަތަމަ ރަސްކަލަކީ ހުޅުލޭ ހިލާލީކަލޯއާއި ގޯލާވެހި ކަނބުލޯގެ އައްސުލްތާން ޙަސަނުލް ހިލާލީއެވެ މިދަރިކޮޅަކީ ރާއްޖޭގައި އެންމެ ގިނަރަސްކަލުން ރަސްކަން ކުރެއްވި އެކަމަކު ހަމަޖެހުން ކުޑަދަރިކޮޅެވެ
ހީރާންސި
ނ ފައްތުފިލާގެ ދަށުން ބޮޑުފަށްގަނޑުގެ ފަހަތުކޮޅުގައި ހުރަހަށް ކަނޑައި ފައްތާފިލާ މިއީ ބޮޑުފަށްގަނޑު ފޭވިޔަނުދޭން ހަރުކުރާ ފިލައެވެ
ހުނގުގަސް
ނ އިރުމަތީގެ ޤައުމުތަކުގައި ހެދޭ ކެރެޓްއާއިލާގެ ގަހެއް މިގަހުން ނުބައިވަސްދުވާ ތަތްކިރެއް ނެގެއެވެ އެކިރަކީ ބޭހަށް ބޭނުންކުރާ އެއްޗެކެވެ އެއަށް ކިޔަނީ ހުނގެވެ
ހުރައްސަލަ
ނ )ގ ( ރަގޯޔާ ފެންފިލާގެ ދިރުނބާ ކޮޅުގެ އޮޅިގަނޑުގެ މަތީގައި ގުދުކޮށްފައި އޮންނަ ބައި
ހުރާގޭދަރިކޮޅު
ނ ރާއްޖެ އިސްލާންވީފަހުން ހަތްވަނަޔަށް ރާއްޖޭގައި ރަސްކަންކުރި ޢާއިލާ މި ޢާއިލާގެ ފުރަތަމަ ރަސްކަލަކީ ހުރާ ދޮންމަރުދުރު ފަޑިއްތަކުރުފާނުގެ ޙުސައިން ދަހަރާ ތަކުރުފާނުގެ މުޙައްމަދު ފާމުލަދޭރި މަނިކުފާނުގެ ދަރިކަލުން އަލްޣާޒީ ޙަސަން އިއްޒުއްދީނު ދޮންބަންޑާރައިންނެވެ މިޢާއިލާއިން ތޭރަ ރަސްކަލުން ރަސްކަން ކުރެއްވިއެވެ
ހުވަނދުކެލާ
ނ ކެލާގެ ބާވަތެއް. މިއީ ބޭހަށް ގެންގުޅޭ މީރުވަސްދުވާ ދޮންކުލައިގެ ލަކުޑިއެކެވެ
ހުސެންދަރި
ނ (1) އޮޑިދޯނިފަހަރުގެ ހުރަސްފިލާގެ ދެކޮޅުގައި ވާއައްސާން ލަކުޑިން ޖަހާފާ ހުންނަ ދެމޫޓު (2) )ޒ ސ ( އޮޑިދޯނިފަހަރުގެ ދިރުނބާކޮޅުގައި ވާއައްސާން ހުންނަ ދެމޫޓުގެ ތެރެއިން ކުޑަވަނި ފަރާތުގައި ހުންނަ މޫޓު
ރާތާ
ނ (1) ހަތަރުގަލުގެ ބަރުދަން (2) 04 ތޯލާގެ ބުރަދަން (3) 454 ގްރާމް
ނަރުގިސް
ނ ފިޔާގަހުގެފަތް ކަހަލަ ހިމަފަތްތަކެއް ހުންނަ ތަނޑިދިގުމަލެއް އަޅާގަހެއް މިއީ އަޑިއަށް ގޮނޑިފައިބާ ލިލީއާއިލާގެ ބާވަތެކެވެ
ނަދޮޅުވައްގަނޑު
ނ (1) )ޅ ( ކޮށިފިލާގެ ދިރުނބަލަށް ކުނބުގެކޮޅު ފަހުގައި އޮންނަ ވައްގަނޑު (2) )މ ( ދަންމަޅާކޮށިފިލަޔާ ދޭތެރޭ އަޅާ ވައްގަނޑު
ނަޑަރު
ނ ވެލާގެ ޒަކަރު މީހަކު ދެރަކޮށްލުމަށް އެމީހާއީ އެއްވެސް އެއްޗެއްނޫން ކަމުގައި ހަދައިފައި މިނަމުން ބުނެއެވެ
ނިގޫހުދުކާޅު
ނ ކަނޑުކާޅު ޢާއިލާގެ މަހެއް މިއީ ފަތިކޮށް ހުންނަ ކުޑަ މަހެކެވެ މަހުގެ ކުލައަކީ ގަދަމުށިކުލައެވެ ނިގޫފަތުގެ ކުލައަކީ ހުދުކުލައެވެ
ނޫކަށިމަސް
ނ )ޅ ( މޫދުގައި އުޅޭ މަހެއް މިމަހުގެ ނަގޫކޮޅުކައިރީގައި ދެއަރިމަތީގައި ބައި އިންޗި ހުންނަވަރުގެ ނޫކުލައިގެ ކައްޓެއް ހުރެއެވެ މިމަހުގެ އެތެރޭކަށިވެސް ހުންނާނީ ނޫކުލައިގައެވެ މިއީ ގުދަންމަހާ އިލިގަނޑު މަހުގެ ޢާއިލާގެ މަހެކެވެ
ނޫމަސް
ނ ރަތްމަހުގެ ޢާއިލާގެ މަހެއް މިއީ ދޮންނޫމަހާ ވަރަށް ވައްތަރު ސިފައެއް ހުންނަ މަހެކެވެ މަހުގެ ކުލައަކީ ގަދަނޫކުލައެވެ ބަޑުދަށްފަރާތް ހުންނަނީ ހުދު ކުލައެއްގައެވެ ކޮތަރިބައިތައް ހުންނަނީ ފަނޑުމުށިކުލައަކަށްދާ ރީނދޫ ކުލައެއްގައެވެ ނުވަތަ ހުދުކުލައެއްގައެވެ
ރަންމަންފުއްލާ
ނ ފުއްލާގެ ބާވަތެއް މިއީ ހުދުތިއްކާއި ރަތްކުލައިގެ ތިކި ޖަހައިފައި ހުންނަ ފުއްލާއެކެވެ މިއަށް ރަންވަން ފުއްލާ ވެސް ކިޔައެވެ