radheef.info
ރަދީފު


ތޫރި
ނ (1) ބައެއްގަސްގަހުގައި ފަތްނުކުންނައިރު
 ނުވަތަ މޭވާގަންނާންވީމާ ތޮޅި ނުވަތަ މާނުކުންނައިރު ބަނޑުފަތެއްގެ ގޮތުގައި ނިކުންނަ ބައި
(2) ކަންފަތުގެ އަޑު އިވޭބައިގެ ބޭރުގައި ހުންނަ ދުލިފަށް
ތޫރި
ނ (1) ބައެއްގަސްގަހުގައި ފަތްނުކުންނައިރު ނުވަތަ މޭވާގަންނާންވީމާ ތޮޅި ނުވަތަ މާނުކުންނައިރު ބަނޑުފަތެއްގެ ގޮތުގައި ނިކުންނަ ބައި (2) ކަންފަތުގެ އަޑު އިވޭބައިގެ ބޭރުގައި ހުންނަ ދުލިފަށް
ކަރި
ނ )ބ ( (1) ކުރާގަނޑު ފޮޅިފައި ހުންނައިރު ވަކިވަކީން ފެންނާން ހުންނަ ބައިތަކުގެ ތެރެއިން އެއްބައި (2) ބައެއް ގަސްގަހުގެ ފަތްފޮޅޭއިރު ނުވަތަ ތޮޅިނިކުންނައިރު ބަޑުފަތުގެ ގޮތުގައި ނިކުންނަ ތޫރި ފޮޅޭއިރު ހުންނަ ބައިތަކުގެ ތެރެއިން ބައެއް (3) ލޮނުމެދު ހެން ބޮޑިއަކަށް ހުންނަ ތަކެތީގެ ބައިތައް ވަކިވަކިކޮށްލާއިރު ހުންނަ ބައިތަކުގެ ތެރެއިން އެކަތި (4) ފިޔާފަދަ ތަކެތީގެ ފަށަލަތައް ވަކިވަކިކޮށްލުމުން އޭގެ ބައެއް (5) ފަރިވެފޮޅޭ މަލުގެ ފިއަތަކުގެ ތެރެއިން އެއްފިޔަ
ނައްދު
ނ ބޮކަރުދުންދަނޑި ބޮަކަރާއި މާވަހަރާއި ގޮމަކަސްތޫރި ފަދަ ތަކެތި އެއްކޮށްގެން ހަދާ މީރުވަސްދުވާ ދުމެއް ނުވަތަ ދުންދަނޑިއެއް
ރަތްކަނދޮޅު
ނ ކަނދޮޅުގެ ބާވަތެއް. މީގެ ފަތްތައް ވަރިބޯވެފައި ހިމަދިގުވާނެއެވެ. މިއީ ފަތްތަކުގެ މަތީފުށް ގަދަފެހިކުލައިގައި ދަށްފުށް ރަތްދަނބުކުލައިގައި ހުންނަ ގަހެކެވެ. ހެދެމުންދަނީ ފީނިވަމުން ވަރުގަދަކޮށެވެ. މާ ނިކުންނާނީ ކޮންމެ ފަތެއްގެ ބުޑުންނެވެ. މާ ހުންނާނީ ރިނދައްޔާ ވައްތަރު ތޫރިއެއް ތެރޭގައެވެ. މީގެތެރޭގައި ހުންނަނީ ހުދުކުލައިގެ ތިންފިޔަލީ ވަރަށް ކުޑަކުޑަ ދެތިންމަލެވެ
ރާރޮހި
ނ ވާކޮށް ދިގުކޮށް ގޮފިތައް އެލިފައި ހުންނަގަހެއް މިއީ ފަތްތަކުގެ މެދުތެރެފުޅާ ދެކޮޅަށް ތޫރިކޮށް ހުންނަ މަޑުފެހިކުލައިގެ މަލެއްއަޅާ ވަރަށް ގިނަ އޮށްތަކެއް ހުންނަ ދިގު ގަހެކެވެ
ބަންކެއުހޮޅި
ނ )ސ ( ބަބުކެއުގަހުގެ ތޫރި
ބޭނޑު
ނ ކަނޑުމަތީ ދޫންޏެއް. މިއީ ފިޔަގަނޑު ވަރަށް ތޫރިކޮށް ހުންނަ ދޫންޏެކެވެ. މިދޫނީގެ ފިޔައިގެ މަތީ ފަރާތާއި ބޮލާއި ކަނދުރާ މަތީގައި ހުންނާނީ ކަޅުކުލައާއި ގާތް ގަދަ މުށިކުލައެވެ. ބަނޑުދޮށް ހުންނާނީ ހުދުކުލައިގައެވެ. ފަޔާއި ތުނބުގައި ހުންނަނީ ކަޅުކުލައެވެ. މިދޫނީގެ ބޮޑުމިނަކީ ގާތްގަނޑަކަށް ފަނަރަ ނުވަތަ ސަތާރަ އިންޗިއެވެ
ބޮނދު
ނ (1) ރާޒުވާކުޅިބައިގެވެރިކުޅި. (2) ކަނޑުމަތީގައި އުޅޭ ކުޑަވަރެއްގެ ދޫންޏެއް. މިދޫނީގެ ފިޔަހުންނާނީ ހަނިކޮށެވެ. ވަރަފަތް ތައް ހުންނަނީ ތޫރިކޮށެވެ. (3) މަޖާޒު: ރަނގަޅަށް ބޮޑުނުވެ ހުންނަމީހާ. (4) )ގ.( ލަނޑާ
ބޮކަރުމާ
ނ (1) ތާޅަފިއްޔެއްގޮތަށް ހުންނަ ރީނދޫކުލައިގެ މަލެއް މިމަލުގެ ތަނޑާވީ ކޮޅަށް ހިމަވެފައި މަލުގެ ކުރީގެ އެތެރެއަށް ހުންނަ ބައިފުޅާވާނެއެވެ މިބަޔާއެއްކޮށް މަލުގައި ފަސްފިޔަ ހުރެފައި އެއްފިޔަ އަނެއްފިޔައަށް ހުންނާނީ ވަކިވެފައެވެ މިމަލުގައި ބޮކަރު ވަހާގާތް މަޑުލުއި މީރުވަހެއް ދުވައެވެ މިގަހުގެ ފަތަކީ އަރިމަތީގައި ވަރަށް ގިނަ ތުނޑުލައިފައި ކޮޅަށް ތޫރިކޮށް ހުންނަ ހިމަދިގު ފަތެކެވެ (2) ތުނި ފޮނިތޮށިހެން ހުންނަ ބޮކަރުވެސް ދުވާ އެއްޗެއް މިއީ ދުން އަޅާން ގެންގުޅޭ އެއްޗެކެވެ
ބޮޑުއާވިގަސް
ނ ފަރުބަދަމަތީގައި ހެދޭ އަބަދަށްފެހި ގަހެއް މިގަހުގެ އެކި ބައިތައް ބޭހަށް ބޭނުން ކުރެއެވެ ގަހުގެ ފަތް ހުންނަނީ ހިމަކޮށް ތޫރިކޮށެވެ
ކަނޑޫ
ނ (1) ޗަސްބިމުގައި ތެދަށް ހެދޭގަހެއް. މިއީ އެއްވަރަކަށް ގޮފިލަމުން ހެދޭގަހެކެވެ. (2) ކަނޑޫގަހުގެ ލަކުޑި. މިއީ ވަރަށް މޮޅު ލަކުޑިއެކެވެ. އޮޑިދޯނިފަހަރުގެ ފަށަންލުމަށް ބޭނުންކުރަނީ މިލަކުޑިއެވެ. (3) ކަނޑޫގަހުގެ ވައް. މިވަކަކީ މަލުން ނުކުންނަ ހިމަދިގުކޮށް ދެކޮޅަށްތޫރިކޮށް ހުންނަ ތޮޅިއެކެވެ. މިވައް ދޮންނުވާއިރު ހުންނަނީ ފެހިކުލައިގައެވެ. ދޮންވުމުން ރަތްފެހިކުލައަކަށް ބަދަލުވެއެވެ. މިވަކަކީ ފަލަމަޑީގެ ގޮތުގައި ކެއުމަށްވެސް ބޭނުންކޮށްއުޅޭ އެއްޗެކެވެ
ކަތިރިނދަލި
ނ ރިނދަލީގެ ބާވަތެއް މިއީއާދައިގެ ރިނދައްޔަށްވުރެ ހިމަދިގުކޮށްހުންނަ ރިނދައްޔެކެވެ މީގެ އެއްކޮޅުއޮންނާނީ ފަޅިބުރެއްގޮތަށެވެ އަނެއްކޮޅު ކުޑަކޮށް ތޫރިވާނެއެވެ މީގެދެފަޅިވަރު ހުޅުވައިލީމައި ފެންނާނީ ކޮކާހުންނަ ބައްޓަމަށްވުރެ ދިގުބައްޓަމެއްގެ ކޮކާލެއް ގޮތަށެވެ
ކަސްސުރި
ނ )ސ ( ކަސްތޫރި އޮށް
ކުޑަރިޔާ
ނ (1) އޮޑިދޯނިފަހަރުގެ ރިޔާބައިގައި ހިމެނޭ އެންމެ ކުޑަރިޔާ. މިއީ މައިކުނބަށްނަގާ ރިޔަލެކެވެ. މިރިޔާ ބޭނުންކުރަނީ ވިލާގަނޑުގެ ވައިތެރޭގައި އުޅަނދު ކަނޑުހެޔަށް ނުބާއްވައި ދުއްވުމަށާއި ހަޅައިގެ ގަދަވައިގައި ދުއްވުމަށެވެ. އަދި ވައިމަޑުއިރު ބާރަށް ދުއްވުމަށްޓަކައި އޮޑީގެ ކުރިއަށް ދައްސޫރައިގައި ދިއްކޮށް ތޫރިކޮޅުމަތީވަލުން ކުނބުކުރިޔަށް މިރިޔާ ނަގައިފައިހުރެއެވެ (2) ޖީބުރިޔާ
ވަޅޯދޫނި
ނ ފިޔަގަނޑުތޫރި ކަޅުއަޅިކުލައިގެ ކުޑަދޫންޏެއް
ފިލިގަސް
ނ ނިކަފަތާ ފަތް ވައްތަރު ގަހެއް މިގަހުގެ ކުރިތައް ހުންނާނީ ރަތްކުލައިގެ ތޫރިއެއް ހެންނެވެ މިގަހުގެ ކުރިޔާއި ތޮއްޓަކީ ބޭހަށް ބޭނުންކުރާ ތަކެއްޗެވެ
ފެންތުޅާ
ނ (1) ފޮނިތުޅަޔާ މުޅިން އެއްވައްތަރަށް ހުންނަ އެކަމަކު އެކަހަލަ މީރުވަހެއް ނުހުންނަ ބޭހަށް ބޭނުންކުރާ ކުޑަވަރެއްގެ ގަހެއް މީގެ ފަތް ތަކުގެ ކޮޅުތޫރިކަން ކުޑަވާނެއެވެ (2) ފެނާއިއެކު ހުންނަ ތުޅާ
ފޮނިތުޅާ
ނ ކުޅިތުޅަޔާ އެއްވައްތަރަށް ހުންނަ އެއަށްވުރެ ފަތްތައްތަން ކޮޅެއްބޮޑެތި ކޮށް ބޯކޮށް ހުންނަ ބޭހަށް ބޭނުންކުރާ ކުޑަވަރެއްގެ ގަހެއް. މީގެ ފަތްތައް އޮމާންވެފައި މީރުވަހެއް ހުންނާނެއެވެ އަދި ފަތްތަކުގެ ކޮޅުތޫރިވާނެއެވެ
ދެބު ދާރު
ނ ދަނބުގަހާ ވައްތަރު ފަތްތައް އެއަށްވުރެ ތޫރިކަންބޮޑު ލަކުޑީގެ ކުލަ ރަތްބަބުރު ކެލަޔާ ގާތްކުރާ ކުލައަކަށްދާ ބިޔަކޮށްހެދޭ ލަކުޑިހަރު ކީލިހިމުން ގަހެއް
ތޫނު
ނއ (1) ކޮށި މިބަހުގެ އިދިކޮޅު (2) އެއްޗެއްގައި ހުންނަ ކެނޑޭގޮތް ނުވަތަ ވިރުވާލާގޮތް (3) މިޔަލީ ތަކެތީގެ މިޔައިގައި ހުންނަ ފަސޭހައިން ބުރިކުރެވޭ ނުވަތަ ކެފޭގޮތް (4) ވިސްނުންތެރި (5) ހިތްއަލި (6) ތޫރިކޮށްހުންނަ (7) އިވުމާއި ފެނުމުގެ ބާރުގަދަ
ތޫރިކޮޅު
ނ (1) ކަތިރިޔާ ފަރުމާނުގައި އަޅައިފައި ހުންނައިރު އެންމެ މައްޗަށްހުންނަ ކޮޅު (2) އެއްކޮޅަށް ހިމަކޮށް ހުންނަ ބައެއް އެއްޗެހީގެ އެންމެ ކުރި މިސާލު: ދުންމާރީގެ ތޫރިކޮޅު