radheef.info
ރަދީފު


ދުއްރަ
ނ ތަޢުޒީރުކުރުމާއި ހައްދުޖެހުމަށް ހަމުން ހަދައިފައި ހުންނަ އެއްޗެއް
ދުއްރަ
ނ ތަޢުޒީރުކުރުމާއި ހައްދުޖެހުމަށް ހަމުން ހަދައިފައި ހުންނަ އެއްޗެއް
ހަންގަނޑުޖެހުން
މ (1) ހަންގަނޑުން ކުރަފަތް ތޫނުކޮށްލުން (2) ބެރުއެދުރުގޭގައި ދަސްކުރާންޖަހާ ހަމުގެ ކެހެރިނުކޮށާ ދޫކޮށް އަޅައިފައި އޮންނަބެރު ޖެހުން (3) މަޖާޒު: ދުއްރައިން ތެޅުން
ހައްދު
ނ (1) ޒިނޭކުރުމުން ނުވަތަ ރާބުއިމުން އެމީހާގެ ގައިގައި ދުއްރައިން ތަޅާތެޅުން. (2) މީހަކާ ދިމާއަށް ޒިނޭކޮށް ފިޔޭ ބުނެ ޒިނޭ ސާބިތުނުވީމާ އެބުނި މީހާގެ ގައިގައި ދުއްރައިން ތަޅާތެޅުން. (3) މިން. (4) ހިސާބު. މިސާލު: )ހ( ހައްދުފަހަނަޅައި ހިނގައްޖެއޭ ބުނެފިނަމަ އެއީ މިނަށްވުރެ އިތުރަށް ދިޔައީއެވެ )ށ( މީނާ ދުންބުއިމުގެ ހައްދެއްނެތޭ ބުނެފިނަމަ އެއީ ދުންބުއިމުގެ ވަކިމިންވަރެއްނެތީއެވެ
ހުކުރު ހިނގުން
ނ އިހުގައި ނަމާދުނުކުރާ މީހުންނާއި ހުކުރަށް ނުދާމީހުން ބެލުމަށް ހުކުރުދުވަހު ހަވީރު ފަނޑިޔާރުގޭގެ ނާއިބުބޭކަލަކާއި ދޭވާންޏަކާއި މަޖިލީހަށް އަރާ ބޭކަލަކާއި ދުއްރަހިފައިގެން ކޮލިހިނގާމަގު ވަށައިގެން ހިނގައިއުޅުނު ހިނގުމެއް. މިގޮތަށް ހިނގާއިރު މަގުމަތިން ފެންނަ ފިރިހެނުންކުރެން ހުކުރައްދިޔަތޯއާއި ނަމާދުކުޅަތޯ އަހައި ނޫންކަމަށްވާނަމަ އެމީހުން ތަޢުޒީރުކޮށްހަދައެވެ ރާއްޖެތެރޭގެ ރަށްރަށުގައި ވެސް ނައިބުންގެ ފަރާތުން މިކަން ކޮށް އުޅުނެވެ
އަނދިރިއަނދިރީން
ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ
ދަފަތް
ނ (1) ބައިސްކަލާއި ސައިކަލްފަދަ ތަކެތީގެ ފުރޮޅުގެ ބޭރުގައި ހުންނަ ނިވާފަތްގަނޑު. (2) ދުއްރަ ހަދާއިރު ދުއްރައިގެ އެތެރެއަށް ލައްވާ ތުނިކޮށް ފުޅާކޮށް ހުންނަ ދަގަނޑުފަތި
ދުއްރާ
ނ )ޏ ( ދުއްރަ
ދުއްރެޔާ
ނ )ގ ( ދުއްރަ
ތަޢުޒީރު
ނ ކުށެއްގެ އަދަބެއްގެ ގޮތުން ޙައްދަކަށް ވުރެ މައްޗަށް ނުދާ ވަރަށް ދުއްރައިން ތަޅާތެޅުން
ތަޢުޒީރުކުރުން
މ ކުށެއްގެ އަދަބެއްގެ ގޮތުން ޙައްދަކަށްވުރެ މައްޗަށް ނުދާވަރަށް ދުއްރައިން ތެޅުން
ޙައްދުޖެހުން
މ ދީނުގައި ޙައްދު ކަނޑައެޅިގެންވާ ކުށެއްކުރިކަން ސާބިތުވެއްޖެނަމަ ކުރެވޭ ޙުކުން ތަންފީޒުކުރުމަށް ދުއްރައިން ތެޅުން