radheef.info
ރަދީފު


ދިގެ
ނއ ދިގު
ދިގެ
ނއ ދިގު
އިނގިލިބަޑިހައިވުން
މ. (ގ) އިނގިލި ފޫދިގެންގޮސް މޭއްޔަބުއިން
ވަރިފަށަށްއެރުން
މ ދެމަފިރިއެއްގެ ދެމެދުގައި ހަމަނުޖެހުން އުފެދިގެން ވަރިކުރަންޖެހޭ ހިސާބަށް ދިއުން
ހަތަރު ހިތި
ނ އިހުގައި ރަމަޟާންމަހު 22، 24، 26، 28 މިދުވަސްދުވަހާއި މިދުވަސްދުވަހާއި ވިދިގެން އަންނަ ރޭރޭ ކޮށް އުޅުނު ރަސްމީ ކަންތައްތައް (1) ހެންވޭރުބޮޑުހިތި (ރަމަޟާންމަހުގެ 22 ވަނަދުވަހާއި އެދުވަހުގެ ރޭ) (2) މާފަންނުބޮޑުހިތި (ރަމަޟާންމަހުގެ 24 ވަނަދުވަހާއި އެދުވަހުގެރޭ) (3) ހެންވޭރުކުޑަހިތި (ރަމަޟާންމަހުގެ 26 ވަނަދުވަހާއި އެދުވަހުގެރޭ) (4) މާފަންނު ކުޑަހިތި (ރަމަޟާންމަހުގެ 28 ވަނަދުވަހާއި އެ ދުވަހުގެ ރޭ)
ހަތާ
ނ (1) މޫދުގައި ތުނިކޮށް ފަތިކޮށް ފެތުރި ހެދޭ ގައު (2) ތުނިގައު ފޮތި ފޮތި (3) ކުޅަނދުރު އުޅޭން އެ އެއްޗިހި ހަދާގެ (4) ދިރޭއެއްޗެއްގައި ދިރުންހުންނަ އެންމެ ކުޑަބައި ހުރިހާ ދިރޭއެއްޗެހި އެއެއްޗަކުން އުފެދިގެންވާ އަސާސީމާއްދާ މައިކްރޯބްފަދަ ސާދާ ދިރޭއެއްޗެހި އުފެދިފައިވަނީ އެންމެ ހަތަޔަކުންނެވެ އިންސާނުންފަދަ އޮޅުން ބޮޅުން ބޮޑުއެއްޗެހި އުފެދިގެންވަނީ އެތައް މިލިޔަން ހަތާތަކަކުންނެވެ
ހިއްޗަށްވަޑައިގަތުން
މ (1) ރަމަޟާންމަހު 22، 24، 26، 28 މިދުވަސް ދުވަހު ހަވީރު ނުވަތަ މިދުވަސް ދުވަހާއި ވިދިގެން އަންނަ ރޭރޭ ކުރާރަސްމީ ކަންތައް އަދާ ކުރެއްވުމަށް ރަދުން ނުވަތަ ހަތްކޮޅު ނަގާ ބޭފުޅުން އެދުވަހަށް ޚާއްޞަ ވެގެންވާ ޒިޔާރަތެއްގެ ދޮށަށް ރަސްމީގޮތުގައި ވަޑައިގަތުން (2) "ހިތި" ބަލާ!
ހިމަބޯދު
ނ ބޯދީގެ އާއިލާގެ ބާވަތެއް މިއީ އެހެނިހެން ބޯދީގެ ބާވަތްތަކަށްވުރެ ހިމަ އެއްޗެކެވެ މީގެ ބަނޑުދޮށް ފަރާތުން ކަރުތާފަތާ ދިމާ ތިރީގައި ހުންނަ ކޮތަރިބައި ބޮލުގެ ދިގުމިނުގެ ދެބައިކުޅަ އެއްބައިހާ ދިގެވެ މަހުގެ ކުލައަކީ މަޑު ފިޔާތޮށި ކުލައެވެ މަހުގެ ތުނބުން ފެށިގެން ލޯހުރަސްކޮށް މަހުގެ ކަރުތާފަތްގަނޑުގެ ކޮޅަށް ގަދަމުށި ކުލައިގެ ރޮނގެއް ދެމިފައި ހުރެއެވެ
ހިތި
ނ (1) ހަބަރުގައި ހުންނަރަހަ. (2) ބާވަތެއްގެ ފަތްކުދި ބޮޑުގަހެއް. (3) ހިތިގަހުގެ އޮށް. (4) ބަތާލައިގެން ކާން ފުނޑި ހަވާދުނުލާ ކައްކާ ދޮންރީނދޫ ކުލައިގެ ދިޔައެއް. މީގެ ތެރެއަށް ހިތި ދަމުއިލުމީ ކޮންމެހެން ބޭނުން ކަމެކެވެ. (5) ހިޔާނުކޮށް ހުންނަ ފެންގަނޑުގައި އުފެދޭ ދޮން ފެހި ކުލައިގެ ކުދިކުދި ދިރޭއެއްޗެއް. މީގެ ބޮޑުމިންވާނީ ގެރެވިފުކެއް ވަރެވެ. އެކަމަކު އޭގެ ސަބަބުން މުޅި ފެންގަނޑު އޮންނާނީ އޮލަވެފައެވެ. (6) ބަބުކޭލުގެ ތެރޭގައި ހެދިފައި ހުއްޓާ ފެންނަ ފެހިކުލައިގެ ބައްޔެއް. (7) ރަމަޟާންމަހުގެ 22، 24، 26، 28 މިދުވަސް ދުވަހާއި މިދުވަސްދުވަހާއި ވިދިގެން އަންނަރޭރޭ ކޮށްއުޅުނު ރަސްމީ ކަންތައްތަކެއް (8) ނއ ރަހައާއި ގުޅޭ ގޮތުން ބޭނުންކުރާ ނަންއިތުރެއް މިސާލު: ހިތިބޭހެއް (9) މަޖާޒު: ކަމަކުންނުކުންނަ ދެރަނަތީޖާ: މިސާލު ހިތިނަތީޖާ (10) ހިތަށްކުރާ ވޭނީ އަސަރު މިސާލު: ހިތިހިތާމަ (11) "ހިތުން" މިބަހުގެ ނިމިނިމުނުކަން
ހިތިވިލޭރޭ
ނ ހިތިދުވަހާ ވިދިގެން އަންނަރޭ
ހިތީބޯޓް
ނ (1) ހިތިދުވަހަށް ހިތީ ކުޅިވަރަށް ހަދާ ވައްތަރުގެ ނައުޒޯނގު (2) މަޖާޒު: އަޞްލުގައި ނެތްއެއްޗެއް ކަމުން ދެއްކުން މިސާލު: ފޮތްތެރިއަކަށް ނުވާ މީހަކު ފޮތްތަކެއް އެއްކޮށްގެން ފޮތްތެރިއަކަށް ހެދިގެން އުޅުން
ހިޔަނިފުޅު
ނ މަޖާޒު: ވަކިބޭފުޅަކަށް ހެދިގެން އުޅޭ މީހާ
ހުށިގެނޑި
ނ )ސ ( އެއްލަކުޑި ގަނޑަކުން ދެފައި ހުންނަގޮތަށް ހަދައިފައި ހުންނަ ތިރިގޮނޑި މިއީ އާއްމު ގޮތެއްގައި ބަދިގެދޮށުގައި ބޭނުންކޮށް އުޅޭ އެއްޗެކެވެ
ހުއްބުކޭން
ނ ހުއްބުކިޔަވާ މީހާއަށް ކައްކާ ބަދިގެއިން ގެންދާ ބޮނޑިބަތް މަލާފަތެއް
ނާސިމަޅު
ނ ނާލު ބައްތެލީގެ ހިޔަލާ ބަދިގެޔާ ދޭތެރޭ އޮންނަ މަޅު
ނާޗާރުވުން
މ (1) ގޮތް ހުސްވުން (2) ނުކުޅެދިގެންވުން
ކޯފާލެއްވުން
މ ކުޅަނުބައިކަމަކާ ވިދިގެން މުސީބާތެއް ޖެއްސެވުން
ކޯޓުވުން
މ (1) ތާހުގެ ބުރިޖްކުޅޭއިރު އެއްބަޔަށް ހުރިހާއަތް ލިބުން (2) އާދައިގެ ގޮތަށް ތާސްކުޅޭއިރު ވިދިވިދިގެން އެއްބަޔަށް ހަތްއަތްބައި ލިބުން މީން ކޮންމެގޮތެއްގައިވެސް ކޯޓުވާނީ ދެރަވާ ބަޔެކެވެ
މަހަށްއަތްއެޅުން
މ ބޭކެނބިންގެ ފަރުވާއެއް. މިއީ ވިހެއުމާއި ވިދިގެން މަސް މޭދަށަށް އަރިއަފާނެކަމަށް އެދިމާގައި އިހުގެ ފޫޅުމައިން އަތްއަޅާ އެޅުމެކެވެ
ނަހަމަ
ނ (1) ހަމައިގެ އިދިކޮޅު (2) ބޭއިންސާފު ނއ (3) އަރަފޯދިގެންނުވާ (4) އެކަށީގެންނުވާ
ނަކަލުކުރުން
މ (1) އަސްލާ އެއްގޮތަށް އެއްޗެއް ހެދުން ނުވަތަ ލިއުން (2) ލިޔެފައިވާ ލިޔުމެއް އެހެން އެއްޗަކަށް ނެގުން (3) ހެދިގެން އުޅުން މިސާލު: އޭނާ އުޅެނީ އަހަރެން ނަކަލުކޮށްގެންނެވެ
ނަޞޭޙަތްތެރިވުން
މ މީހަކަށް ހެޔޮއެދިގެން ނަސޭޙަތުގެ ގޮތުން ވިސްނައިދިނުން