radheef.info
ރަދީފު


ދިމާ
ނ (1) ސީދާ
(2) ކުރިމަތި
(3) ބައްދަލު
 (4) ފަރާތް
(5) ހާމަ
ދިމާ
ނ (1) ސީދާ (2) ކުރިމަތި (3) ބައްދަލު (4) ފަރާތް (5) ހާމަ
ހަނދުކޭތަ
ނ އިރާއި ހަނދާއި ބިން އެއެއްޗެހީގެ ދަތުރުކުރާ މަގުގައި ދަތުރު ކުރަމުން ގޮސް އެއްދަނޑިއަކަށް ދިމާވާ ހިނދު ހަނދަށްއެޅޭ ބިމުގެ ހިޔަނި
ހަންނެގުން
ނ (1) ދިރޭ އެއްޗެތީގެ ހަން މަހުން ވަކިކުރުން (2) ދަތުރުކުރާއިރު ކަނޑުމަތިން ނުރައްކަލެއް ދިމާވެގެން އެކަން އެންގުމަށް ނިޝާނެއް އުފުލުން
ހަންޑިޓައްކެނޑުން
މ ރޭގަނޑު މީހުން ނިދައި ފައިހިލަވަޅު އޮބުނީމާ އިވޭ އަޑެއް މި އަޑު އިވެނީ އަނގައިން ޓައްކަނޑާއިރު އިވޭ ގޮތަށެވެ މިއަޑުއިވޭވަކި ދިމާއެއް ފާހަގައެއް ނުކުރެވޭނެއެވެ
ހަންޖެހުން
މ (1) ކަނޑުމަތީގައި ބިރުވެރި ކަމެއްދިމާވެގެން އެހީއަކަށް އެދި ކައިރީގައިވާ ރަށަކަށް ނުވަތަ ކަނޑުމަތިންދާބަޔަކަށް އަންގައިލާން އެއްޗެއް އުފުލުން (2) ދިބާޣުކުޅަ ހަން ފޮތުގެ ނުވަތަ ފޮށީގެ ބޭރުގައި ހިއްޕުން (3) ވިދުހަންޖެހުން
ހަޅިބޭވުން
މ )ޏ ސ ( ދެކޮޅުވެރި ގޮތުން ނުވަތަ ސަމާސާގެ ގޮތުން އަނެކަކާ ދިމާކުރުން
ހާއްޔޯ
އކ ޖަނާވާރު ދުއްވުމަށް ބުނެއުޅޭ ބަހެއް ހިތާނުވުމުގެ ގޮތުން އިންސާނުންނާ ދިމާއަށްވެސް މިބަސް ބުނެއުޅެއެވެ
ހާމަ
ނއ (1) ނިވަލެއްނެތް (2) ހުރަހެއްނެތް (3) ދިމާޔަށް (4) ހާސާ
ބަހުންޖެހުން
މ މީހަކަށް އަސަރުކުރާނޭ ކަހަލަ މާނައެއްލައިފައި އެމީހާއާއި ދިމާއަށް ނުވަތަ އެމީހާއަށް އިވޭނޭހެން އެހެންމީހަކާ ދިމާއަށް ސަމާސާގެގޮތުން ބަހެއް ބުނުން
އިނގިލިމެޅުން
މ (1) އިނގިލި ލެއްޕުން. (2) ސިހުރުކޮށްފައި ނުވަތަ ރުޅިއައިސްގެން މީހަކާ ދިމާއަށް ނުވަތަ އެއްޗަކާ ދިމާއަށް ޝަހާދަތް އިނގިލިން އިޝާރަތްކުރުން ބައެއްފަހަރަށް ސަމާސާގެ ގޮތުންވެސް މިހެން ހަދައެވެ
އެސްމައު
ނ އޮށްބޭހުގެ ތެރޭގައި ހިމެނޭ އެއްޗެއް. ވަށްކޮށް ފަތިކޮށް އެއްފަރާތަށް ކުޑަ ފުއްޕުމެއް ލައިފައި އަދި އެފުއްޕުމާ ދިމާއިން އަނެއްފަރާތުގައި ކުޑަ އަޑިކަމެއް ހުންނަ ހުދުކުލައިގެ ހަރު އެއްޗެއް އޭގެ ކައިރިފަށުގައި ދެފަޅި ތަތްކޮށްފައި ހުންނަ ކަހަލަ ގޮތެއް ހުންނާނެއެވެ އަދި ގޭނީމާ ތެރަސްކަންވެސް ހުންނާނެއެވެ
އޭހޭ
އ (1) މީހުންނާއި ދިމާޔަށް ރަކިކޮށްލާން ބުނާއަކުރެއް (2) އެއީހޭ
ހައްދު
ނ (1) ޒިނޭކުރުމުން ނުވަތަ ރާބުއިމުން އެމީހާގެ ގައިގައި ދުއްރައިން ތަޅާތެޅުން. (2) މީހަކާ ދިމާއަށް ޒިނޭކޮށް ފިޔޭ ބުނެ ޒިނޭ ސާބިތުނުވީމާ އެބުނި މީހާގެ ގައިގައި ދުއްރައިން ތަޅާތެޅުން. (3) މިން. (4) ހިސާބު. މިސާލު: )ހ( ހައްދުފަހަނަޅައި ހިނގައްޖެއޭ ބުނެފިނަމަ އެއީ މިނަށްވުރެ އިތުރަށް ދިޔައީއެވެ )ށ( މީނާ ދުންބުއިމުގެ ހައްދެއްނެތޭ ބުނެފިނަމަ އެއީ ދުންބުއިމުގެ ވަކިމިންވަރެއްނެތީއެވެ
ހަމަ
ނ (1) އިންސާފު (2) އެއްވަރު (3) ތިންހަމަ ކުޅޭއިރު އެއްކަހަލަ ތިންފުށްވާދިމާ (4) ބެރާލަވަޔާވާއެކު (5) އކ އެއްވެސް ބޭނުމެއްނެތް ކަމުގެ މައްޗަށް ދަލީލުކުރާ ބަހެއް މިސާލު )ހ( ހަމައައީ )ށ( ހަމައިނީ (6) ވުމުގެ މައްޗަށް ނުވަތަ ނުވުމުގެ މައްޗަށް ބަސްގަދަކުރުމަށްބުނާ ބަހެއް މިސާލު: )ހ( ހަމަނުފެނުނޭ )ށ( ހޯދީވިއްޔާ ހަމަފެންނާނެއޭ
ހަމަބިމަށްފޭބުން
މ (1) މަތީ މަޤާމަކަށް ދެވުމުން ބޮޑާވެ ކިބުރުވެރިވެފައި ހުރި މީހަކު ދަށް މަޤާމަކަށް ބަދަލުވުން (2) ކުއްލިއަކަށް ދިމާވާ ކަމެއްގެ ސަބަބުން އައިސްފައި ހުންނަ ރުޅިގަނޑު ފިލައިގެން ދިއުން
ހަމައެޅުން
މ ތިންހަމަ ކުޅުމުގައި އެއްވައްތަރުގެ ތިންފުއް ދިމާކުރުން
ހަމަވައި
ނ (1) ހަމަރޯޅި (2) ނިވަލެއްނެތި ޖެހޭވައި (3) މަޖާޒު: ދިރިއުޅުމުގައި ދިމާވާ އުނދަގުލަށްފަހު ލިބޭ ފަސޭހަ
ހަމަދުވެލި
ނ (1) ހަމަވައިގައި ދުވާދުވެލި (2) ފުރިހަމަ ދުވެލި (3) މަޖާޒު: ދިރިއުޅުމުގައި ދިމާވާ އުނދަގުލަށް ފަހު ލިބޭފަސޭހަ
ހަމަލަ
ނ ދޭދޭ މީހުން ނުވަތަ އެކަކުގެ މައްޗަށް އަނެކަކު ދެކޮޅުވެރި ކަމުގައި ކުރާދިމާ
ހަމަލަ ދިނުން
މ ރުޅިވެރިކަމުގައި ނުވަތަ ވާދަވެރިކަމުގައި ދިމާކުރުން
ހަފޮޅުން އެތެރެވެއްޖިއްޔާ ބަޔެއް އޮންނާނެ
(މުސްކުޅިބަހެއް) އެއްވެސްކަމެއް ނުވެވުނަސް މަހަށް ދިޔައީތީ ބައިދޭ މީހުނާމެދު ބުނެއުޅޭ މިސާލެއް މިސާލުދީ އުޅެނީ ކޮންމެވެސް ބައެއްގެ ތެރޭގައި އުޅޭ އެބަޔަކަށް ލިބޭ އެއްޗެއް ލިބިމެ އެއްވެސް ބޭނުމެއްނެތް މީހަކާ ދިމާއަށެވެ