radheef.info
ރަދީފު


ދަކޮ
ނއ )ޏ
( (1) ދަހި
(2) ނ
ޚިޔާލީ ފުރޭތައެއް
ދަކޮ
ނއ )ޏ ( (1) ދަހި (2) ނ ޚިޔާލީ ފުރޭތައެއް
ހަރާންފަދަތޯއްޗެއް
އކ (1) ކަމެއް ނުކުރުމުގެ މައްޗަށް ގަދައެޅުމުގެ ގޮތުން ބުނާ ބަހެއް. މިސާލު: ހަރާންފަދަތޯއްޗެއް އަހަރެން އޭނާއާ އަނގައިން ބުނާނެނަމަ. (2) ކަމެއް ކުރުވާން ބޮޑަށް އެދުންވެރިވުމާއެކު އެކަމެއް ކުރުވާން ގަދަކޮށްލާން ބުނާބަހެއް. މިސާލު: ހަރާންފަދަތޯއްޗެއް ދޭނެނަމަ. މިހެން ބުނެއުޅެނީ ނުދޭނެހެން ހީވާ އެއްޗެއް ދީފާނަމޭ ބުނިބަސް ގަދަކުރުވުމަށެވެ
ހަރުގެ
ނ (1) އޮޑިދޯނިފަހަރު ލައިފައި ބަހައްޓާގެ (2) މީހުން އާދަކޮށް ނުއުޅޭ އެކިއެކި ޢާންމު ބޭނުމަށްޓަކައި ޚިޔާކޮށްފައި ހުންނަގެ
ހަޅަޖެހުން
މ (1) ހަޅަމޫސުމުގެ ގަދަވައި ޖެހުން (2) އިރުމަތިން ގަދަވައިޖެހުން (3) މަޖާޒު: އަޑުގަދަކޮށް ސަކަރާތްގަތުން (4) " ހަޅަ" ބަލާ!
ފަތިގަނޑު ފިރުކާލެވޭވަރުންވުން
މ މަޖާޒު: ކަމެއްގައި މީހަކާ ވާދަކޮށްލެވޭ ވަރު ނުވުން
ހައްބަމުކައްބަވެސް ނެތުން
ގބ މީހެއްގެ އަތުގައި އެއްވެސް އެއްޗެއް ނެތްކަން ގަދަކޮށްލުމަށް ބުނެއުޅޭ ބަހެއް މިސާލު: އޭނާގެ އަތުގައި ހައްބަ މުކައްބަވެސް ނެތެވެ
ހިތިބޯ
ނ އެމުގެބާވަތެއް: މިއީ ހުޅުނބުތައް ވަރުގަދަކޮށް ހުންނަ ކަށި ގިނަ އެމެކެވެ މީގެ މަތީފަރާތުގައި ހުންނަނީ ފެހިއަޅި ކުލައެކެވެ ހުޅުނބުތަކުގެ ކައިރިފަށް ހުންނަނީ ކަޅުކުލައެއްގައެވެ މީގެ ދެއަރިމަތީގައި ރިހިކުލައިގެ ފުޅާ ރޮނގެއް ހުރެއެވެ
ހުޅައްފަނި
ނ )ސ ( (1) ކިލާފަނީގެ ބާވަތެއް މިހުންނާނީ ކިލާފަންޏަށްވުރެ ކުލަގަދަކޮށް އެއަށްވުރެ ތަންކޮޅެއް ފަލަކޮށެވެ ތުންކޮޅު ހުންނާނީ ހުރަހަށް ބުރިކޮށްލީމާ ހުންނަހެންނެވެ (2) ފެންހަރުފަ
ހުޅަގަޖެހުން
މ )ސ ( (1) ހުޅަނގު މޫސުމުގެ ވިއްސާރަ އައުން (2) މަޖާޒު: އަޑުގަދަކޮށް ޒުވާބު ކުރުން
ހުކުންލުން
މ ތާސްކުޅޭއިރު ގަދަކޮށްފައިވާ ރަނގައިގެ ގަނޑެއް ޖެހުން
ހުދުރޮނޑު
ނ ރޮނޑުގެ ބާވަތެއް މިރޮނޑުގެ ހަށިގަނޑު ހުންނަނީ ހުދުކުލައިގައި ވަރަށް އޮފުގަދަކޮށެވެ ހަންގަނޑުގެ ކޮތަރިން ތިރިއަށްހުންނާނީ ހުދުކަލައެވެ ބޮލާހަށިގަނޑާ ގުޅުނު ހިސާބުގައި ހުރަހަށް ކަޅުކުލައިގެ 2 ރޮނގު ހުންނާނެއެވެ ބުރަކަށީގެ މަތީ ކޮތަރިބައި ފެށޭހިސާބުގައި ކަޅުކުލައިގެ ކައްޓެއް ހުންނާނެއެވެ
ހޭވައްޓައިލުން
މ (1) ކަމަކާމެދު މާބޮޑަށް ފޯރިގަދަކޮށްލުން (2) މާބޮޑަށް ޝައުޤުވެރިވެގެން ކަމެއްގެ ތެރެއަށް ވަނުން
އަހަރު ވަރުވާމަހުން ދެއްކުން
މ (1) އަހަރު ދުވަހުގެ ވަރުވާ އެއްފަހަރާ ދެއްކުން މަޖާޒު: (2) އާދަކޮށް އެތައް ދުވަހަކުން ކުރާކަމެއް އެއްދުވަހާ ކޮށްގަނެގެން ނިންމައިލުން
ނިކަން
އތ (1) ވަރަށް. މިސާލު: ނިކަން ރަނގަޅަށް ނިކަންނުބައި (2) އާދޭހުގެ ގޮތުންނާއި ރުޅިވެރިކަމުގެ ގޮތުންނާއި ބަސްގަދަކޮށްލުމުގެ ގޮތުން ބުނެއުޅޭ ބަހެއް މިސާލު: ނިކަން އައިސްބަލަ
ނިގުޅައިލުން
މ ނިގުޅުން މިބަސް ލުއިކޮށްލުމުގެ ގޮތުންނާއި ގަދަކޮށްލުމުގެ ގޮތުން ބޭނުންކޮށް އުޅޭގޮތް
ރަތްކަނދޮޅު
ނ ކަނދޮޅުގެ ބާވަތެއް. މީގެ ފަތްތައް ވަރިބޯވެފައި ހިމަދިގުވާނެއެވެ. މިއީ ފަތްތަކުގެ މަތީފުށް ގަދަފެހިކުލައިގައި ދަށްފުށް ރަތްދަނބުކުލައިގައި ހުންނަ ގަހެކެވެ. ހެދެމުންދަނީ ފީނިވަމުން ވަރުގަދަކޮށެވެ. މާ ނިކުންނާނީ ކޮންމެ ފަތެއްގެ ބުޑުންނެވެ. މާ ހުންނާނީ ރިނދައްޔާ ވައްތަރު ތޫރިއެއް ތެރޭގައެވެ. މީގެތެރޭގައި ހުންނަނީ ހުދުކުލައިގެ ތިންފިޔަލީ ވަރަށް ކުޑަކުޑަ ދެތިންމަލެވެ
ބަރަބޯ
ނ ތަރުކާރީގެ ބާވަތެއް. ބަރަބޮލަކީ ސިފަޔާއި ބޮޑުމިނާއި ކުލަ ތަފާތުކޮށް ހުންނަ ތަރުކާރީއެކެވެ. ވަށްކޮށް ފަތާކޮށާއި އަދި ވަށްކޮށް ދިގުކޮށްވެސް ހުރެއެވެ. ބަރަބޯ ހުންނަނީ އެކި ބޮޑުމިނުގައެވެ. ބަރަބޮލުގެ ތެރޭގައި ފެހިކުލައިގެ ބަރަބޮލާއި މުށިކުލައިގެ ބަރަބޯހުރެއެވެ. ލައްލައް ޖަހައިފައި ފެހިކުލައިގައި ހުންނަ ބަރަބޮލާއި މަޑުމުށި ކުލައެއްގައި ހުންނަ ބަރަބޯވެސް ހުރެއެވެ. ބަރަބޯވެލަކީ ވަރުގަދަކޮށް ފެތުރިހެދޭ ފަތް ބޮޑެތިކޮށް ވެޔޮގަނޑުގައި ހަރުކެހެރިއެއް ހުންނަ އަދި އިސްފިރޭނުތަކެއްހެން އޮޅިފައި ހުންނަ ނަރުވާތަކެއް ހުންނަ ވެލެކެވެ
ބުންބާސައި
ނ (1) ސައިފަތު ކުލަގަދަކޮށް ގިނައިންކިރު އަޅައިގެން ފޮނިމަޑުކޮށް ހަދައިފައި ހުންނަ ސައި (2) މިއީ ބުންބާ މީހުން މާލޭގައި އުޅުނު ޒަމާނުގައި އެމީހުން ހަދައި އުޅުނު ސައެކެވެ (3) ބުންބާޓީ
ބުޅަލުދޫ
ނ އާދަކޮށް ހަދާ ވަރަށްވުރެ ކުދިކޮށް ހަދައިފައި ހުންނަ ހުނިހަކުރު ފަތަފޮޅި
ބޮޑުހޯގުޅާ
ނ ކަނޑުމަތީ ދޫންޏެއް މިދޫނީގެ ބޮޑުމިނަކީ ގާތްގަނޑަކަށް 51 ވަރަކަށް އިންޗިއެވެ މުޅިދޫނީގެ ކުލައަކީ ކަޅުކުލައާއި ގާތްކުރާ ގަދަމުށިކުލައެވެ ތުން ހުންނަނީ ކަޅު އަޅިކުލައެއްގައެވެ ފައިގެ ކުލައާއި ހަށިގަނޑުގެ ކުލަ އެއްގޮތްވާނެއެވެ ދޫނީގެނިސްބަތުން ތުންދިގުކޮށް ގަދަފަދަކޮށް ދައްކައެވެ ފިނދުފަތް ހުންނާނީ ކުރިއަށް ފޭހިފައި ހުންނަގޮތަށެވެ ބިސްއަޅާއުމުރުގެ ދޫނީގެ ފިޔައިގެ ދަށްފަރާތާއި އެކުބަނޑުދޮށް ފަރާތް ހުންނާނީ ހުދުކުލައިގައެވެ
ކަޅުވެން
ނ ވެނުގެ ބާވަތެއް މިއީ އެންމެބިޔަވާ ވައްތަރުގެ ވެނެވެ މިވެން ގާތްގަނޑަކަށް 2 2 މީޓަރަށް ބޮޑުވެއެވެ ދަތްތައް ހުންނާނީ ވައްކޮށް ވަރަށް ވަރުގަދަކޮށެވެ މިބާވަތުގެވެން އިންސާނުންނަށް ނުރައްކާތެރި ހަމަލަދީ އުޅެއެވެ މިވައްތަރުގެ ވެނުގެ ކުލަ ހުންނާނީ ކަޅުކުލައަކާއި ގަދަމުށި ނުވަތަ ކަޅުރަތް ކުލައަކަށެވެ