radheef.info
ރަދީފު


ފޯލި
ނ (1) ގަތާފައިގައި އެއްޗެހި ގެތުމަށްޓަކައި ރޮދިއަޅަން ގެންގުޅޭ އެތި. މިހުންނާނީ އެއްކޮޅަށް ފަލަކޮށް އަނެއް ކޮޅަށް ހިމަކޮށް ބޮލެއް ލައިފައެވެ. (2) މަންޑި
ކުއްލިފަދަ އެއްޗެހި ކުޅޭ އިރު ގެންގުޅޭ ދަނޑި ބުރިތައް
(3) ބަށިކުޅޭ އިރު މައްޗަށް ބޯޅައެއްލައިފައި ފިލާގަނޑުން ނުވަތަ އަތުން ޖަހާ ކޮންމެ ފަހަރެއް
(4) ވިޔަފިލާގަނޑުގައި ލިއަން ގެންގުޅޭ ހިމަދިގު އެއްޗެއް
ފޯލި
ނ (1) ގަތާފައިގައި އެއްޗެހި ގެތުމަށްޓަކައި ރޮދިއަޅަން ގެންގުޅޭ އެތި. މިހުންނާނީ އެއްކޮޅަށް ފަލަކޮށް އަނެއް ކޮޅަށް ހިމަކޮށް ބޮލެއް ލައިފައެވެ. (2) މަންޑި ކުއްލިފަދަ އެއްޗެހި ކުޅޭ އިރު ގެންގުޅޭ ދަނޑި ބުރިތައް (3) ބަށިކުޅޭ އިރު މައްޗަށް ބޯޅައެއްލައިފައި ފިލާގަނޑުން ނުވަތަ އަތުން ޖަހާ ކޮންމެ ފަހަރެއް (4) ވިޔަފިލާގަނޑުގައި ލިއަން ގެންގުޅޭ ހިމަދިގު އެއްޗެއް
ހަންޑިފޯލި
ނ މޭއްޔަފޯލި
ހޮޅި
ނ (1) ފޯލިކޮށް ދިގުކޮށް އެތެރޭގައި ހޮއި އޮންނަ އެތި މިސާލު: )ހ( ބައްތިހޮޅި )ށ( ފެންހޮޅި )ނ( އާގުބޯޓުގެ ދުންހޮޅި (2) ދިގުނޫން ނަމަވެސް މެދުގައި ހޮއިއޮންނަ ބައެއްތަކެތި މިސާލު: )ހ( މޫދުގައި ފަތަން ގެންގުޅޭ ހޮޅި )ށ( ފަންހޮޅި )ނ( ފޮނިރޮށި ކަނޑާ ހޮޅި (3) ލަވަކިޔާ ފޮށީގެ ލަވަ އަޅައިފައި އެއޮންނަ ފަތިބުރު (4) އޮނުފަޅި މިސާލު: )ހ( ހޮޅިކުރަފަތް )ށ( ހޮޅިވަޑާންކަށި (5) ނއ އުތުރުކަރައިގެ މީހުންގެޒާތް (6) ތާކުންތާކުނުޖެހޭ ކަންތައް (7) ތާކުންތާކުނުޖެހޭ ވިޔާނުދާ ވާހަކަ (8) އުތުރު ކަރައިގެ އިސްލާމުންގެ ޖަމާޢަތެއް
ހޮވުން
މ (1) ބިމައްވެއްޓިފައި ހުންނަ ބައެއްތަކެތިނެގުން (2) އެތަކެއް ބާވަތުގެ އެއްޗެހި އެއްވެފައި ހުރިތާކުން ވަކިބާވަތެއްގެ އެއްޗެހި ނެގުން މިސާލު: )ހ( ހަނޑޫ ހޮވުން (3) ގެއްލިފައި ހުންނަ ތަކެތި ފެނިގެން ނެގުން (4) ވަކިކަމަކަށް ބަޔަކު ނުވަތަ މީހަކު އިޚްތިޔާރުކުރުން (5) ބައެއް ކުޅިވަރުގައި ކުޅޭ ބައިނޫން އަނެއްބައިގެ މީހުން ކުރާކަންތައް މިސާލު: ކުރިކެޓް ކުޅޭއިރު ބޯޅަހޮވުން މަންޑިކުޅޭއިރު ފޯލި ހޮވުން
ހޯލި
ނ (1) ހިމަދަރު (2) ގަސްގަހުންކޮށާ ހިމަ އޮފިއޮފިކޮޅު ބައެއް ރަށްރަށު މީހުން މިއަށް "ފޯލި" ވެސް ކިޔައެވެ
ނަރު
ނ (1) މަޢުދަނީ ބާވަތަކުން އުފައްދާ ހިމަފަށް. (2) ބޮނބި، ކަށިކެޔޮ، ތޮރާ، މިފަދަތަކެތީގައި ހުންނަ ހިމަ ހަރު ފަށް. (3) މިއުޒިކު ކުޅޭސާމާނުގައްޔާއި ކުޅިވަރުކުޅޭ ބައެއް ކަހަލަ ރެކެޓްގައި ފުރާފައި ހުންނަ ފަށް (4) ހިމަ ފަށްފަށަށް ވާގޮތަށް ތައްޔާރުކޮށްފައި ހުންނަ ބައެއް ކާތަކެތި މިސާލު: (ހ) ހަލުއިދާނަރު (ށ) ފަޅޮލު އަސާރައިގެ ނަރު (5) ވެޔޮވެލުގެ ފަތްވަޅުން ފަޅައިފައި ހުންނަ ހިމަފަށް (6) ފުރާދުއްވާތަކެތީގެ ހުންގާނުގައި މާދާއަޅުވަން މައްޔަލުގައި ހަރުކޮށްފައިހުންނަ ލޯފޯލި (7) (ބދ) ހިމަކަން
ނީވާބަތް
ނ އިނގިއްޔެއްގެ ފަލަމިނުގައި ފޯލިކޮށް ވަށައި ކެޔޮފަތަށް ލައިފައި ހުންނަ ބޮނޑިބަތެއް މިއީ އިހުގައި ބޯފޮޅި ދުވަސް ދުވަހު ބޯފޮޅިޔާއެކު ގަނޑުވަރު ތެރެއިން މިސްކިތަށް ގެންދާބަތެކެވެ
ރަމަންރަމަންފޯލި
ނ ކުޑަކުދިން މުގޯލި އަޅައިގެން ކުޅޭ ކުޅިވަރެއް މިކުޅިވަރުގައި މުގޯލިތައް ހުންނަނީ މެދުގައި އެއް މުގޯލި އަޅައި އޭގެ ވަށައިގެން އެހެން މުގޯލިތައް ހުންނަ ގޮތަށެވެ މިމުގޯލިތައް އަޅާނީ ކުދިން ތިބި ޢަދަދަކަށެވެ މެދު މުގޯލީގައި ހުންނަ ކުއްޖާ ހުންނާނީ ތުނި ފޮތިކޮޅަކުން ކަނުބަނދެފައެވެ އެކުއްޖާ ރަމަންރަމަންފޯލި ކޮބައިހޭ ކިޔާފައި އެއް މުގޯލިން އަނެއް މުގޯއްޔަށް ހިނގާއިރު އޭނާގެ އަތުނުޖެހޭން ވެގެން ކުދީން އެއް މުގޯލިން އަނެއް މުގޯއްޔަށް ދުވާނެއެވެ ކަނުބަނދެފައިވާ ކުއްޖާ މުގޯލިން ބޭރުގައި ހުރި ކުއްޖެއްގެ ގައިގައި އަތްލެވިއްޖެނަމަ އެ އަތްލެވުނު ކުއްޖާ ނުބައިވާނެއެވެ އެއީ ރަމަންރަމަން ފޯއްޔެވެ
ރީނދޫ
ނ (1) ފޯލިކޮށް ހުންނަ ދޮންރަތްކުލައިގެ ގޮނޑިއެއް މިއީ ހަވާދާއި ބޭހަށް ބޭނުންކުރާއެއްޗެކެވެ (2) ވިއްސާރަދުނީގައި ހުންނަ ހަތްކުލައިގެ ތެރެއިން ފެހިކުލަޔާ އޮރެންޖް ކުލަޔާ ދެމެދުގައި ހުންނަކުލަ
ރޭޒާ
ނ ވިރިކެކޭ ބައެއް މަޢުދަނުންނާއި ފައިބަރުފަދަ ތަކެތިން އެކިބޭނުމަށް ހަދައިފައި ހުންނަ ފުއް ނުވަތަ ފޯލި މިއީ އެނބުރޭ ބައެއްކަހަލަ ތަކެތީގެ އެނބުރުން ހަލުއިކުރުމަށް އެތަކެއްޗަށް ލައްވާއެއްޗެކެވެ
ރޯލު
ނ (1) ކަރުދާސްފަދަ ތަކެތީގައި ރޮނގުދަމަން ގެންގުޅޭ ފޯލި. (2) ވަށްކޮށް އޮޅައިފައި ހުންނަ ތަކެތި. މިސާލު: ލަވަރޯލު ކެސެޓްރޯލު ފޮތިރޯލު ކަފަރޯލު (3) އަދާކުރާބައި (4) ފުރާ ދުއްވާ ތަކެތި ދެފަރާތަށް ފުރޮޅާ ފުރޮޅުން
ބަންޑިފޯ
ނ )ދ ( މަންޑިފޯލި މިބަހަށް ބޭނުންކޮށް އުޅުނު ބަހެއް
ބަރަނިދަނޑި
ނ ބަރަނިއޮޅަން ދިގުގޮތަށް މެދުން ލޯވަޅެއް ތޮރުފާފައި ފޯލިކޮށް އޮންނަ އެތިކޮޅި ޕްލާސްޓިކުން ނުވަތަ ލަކުނޑިން މިހަދައިފައި ހުރެއެވެ
ބަތްޖެހުން
މ ހަނޑުލު ބޮނޑިބަތް ފޯލިކޮށް އޮޅައި މިލުވައިފައި ހުންނަ ކެޔޮފަތަށްލައި އޭގެ ދެކޮޅު ބަންދުކޮށްލުން މިކަން ކުރަނީ ބަދިގޭ މީހުންނާއި މެދުރި މީހުންނެވެ މިއީ ރަސްމީ ގޮތުން އޮލީ ކިޔަވާއިރު ކައްކާ ބޮނޑިބަތެކެވެ
ބަޓަރުތޮޅި
ނ ރިހަކައްކަން ބޭނުންކުރާ ފެހިކުލައިގެ ތޮޅިޔެއް. މިހުންނާނީ އާދައިގެ ހިމެރި ތޮޅިޔަށްވުރެ ބޮޑެތިކޮށް ބޯކޮށެވެ އޮށްތައް ހުންނާނީ ފޯލިކޮށް ހުންނަފާޑަށެވެ ހިމެރި ތޮޅީގެ އޮށަށްވުރެ ބޮޑެތިވާނެއެވެ މިއީ ބޭރުގައި ކެހެރި ހުންނަ ތޮޅިޔެކެވެ ގާތްގަނޑަކަށް ކައިވަތެއްހާ ދިގުމިން ހުންނާނެއެވެ
ބިންބުޅަލަށްޖެހުން
މ ބަށިކުޅޭއިރު ފޯލިޖަހާ ގޮތެއް މިޖަހަނީ ކޮނޑުމަތިން ނެއްޓުނީއްސުރެން ތިރިއަށް ދާނޭހެންނެވެ
ބިލަމަގު
ނ (1) ފޯލިކޮށް ހުންނަ ހުތްރަހަގަދަ މޭވާއެއް (2) މި އަޅާގަހުގެ ނަން
ބުލެކުބޯޑު
ނ (1) މަދަރުސާފަދަ ކިޔަވައިދޭ ތަންތާނގައި ދަރިވަރުންނަށް މަށިފޯލިން އެއްޗެތި ލިޔެދޭން ހުންނަ ކަޅުފިލާގަނޑު (2) ވަގުތީގޮތުން އެކިއެކި ތަކެތިލިޔެ އިޢުލާނު ކޮށްހެދެމަށް މަށިފޯލިން ލިޔާން ބަހައްޓައިފައި ހުންނަ ކަޅުފިލާގަނޑެއް
ބެނޑި
ނ )ސ ( (1) އައްޑޫ ބޮނޑި (2) ވަށްކޮށް ފޮތިން ފަހައިފައި އޮންނަ ކުޅެން ގެންގުޅޭ ގުޅައެއް (3) މަހުގެ ކަށިފޮތި ކަހައިގެން ހަދައި ހިއްކައިފައި ހުންނަ ގުޅަ (4) އެއްބާވަތެއްގެ އެތައް އެއްޗެއް އެއްކޮށް ބަނދެފައި އޮންނަ ބަންޑެލި (5) ފޯލިކޮށް ހަދައި ބޭރުގައި ފަތްލައިފައި ހުންނަ ފޮނިކާއެއްޗެއް
ބޭނޑި
ނ ފޯލިކޮށް ހަދައި ބޭރުގައި ފަތްލައިފައި ހުންނަ ފޮނިހެދިކާ އެއްޗެއް
ބޮނޑި
ނ (1) ފޮތިފަށްތަކެއް އޮޅައިގެން ހަދައިފައި އޮންނަ ހަރު ގުޅައެއް. މިއީ ގަނޑު ފިއްލާކުޅޭއިރު ފޮރުވަން ހަދައިފައި އޮންނަ އެއްޗެކެވެ. (2) ބޮނޑިކުޅުމަށް ގެންގުޅޭ ރަބަރު ބޯޅަ. (3) މަހުގެ ކަށިފަތިކަހައިގެން ނަގާ މަހުން ގުޅަވަށައިގެން ކައްކައިދިލަ ޖައްސާފައި އޮންނަ ގުޅަ. (4) އެއްކޮށް ބަނދެފައި އޮންނަ އެއްބާވަތެއްގެ އެއްޗެހި މިސާލު: )ހ( ބިލެތްބޮނޑި )ށ( ރޯނުބޮނޑި )ނ( ފަންބޮނޑި (5) ފޯލިކޮށް ހަދައި ބޭރުގައި ފަތްލައިފައި ހުންނަ ފޮނި ހެދިކާއެއްޗެއް: ޢާއްމުކޮށް މިހަދައި އުޅެނީ ގަބުޅި ހުންޏާއި ދިވެހި ހަކުރާ އެއްކޮށް ހިލައިގެންނެވެ. މިސާލު: ހުވަދޫބޮނޑި. (6) މީހުންނާއި ޖަނަވާރުގެ ގައިގައި ޖަހާ އެތިފަހަރު. (7) ލިބޭކެހި ނުވަތަ ދޭކެހި (8) ފޮނިބޯކިބާ (9) )ސ ޏ ( ބޭނޑި )01( ވެށުން