radheef.info
ރަދީފު


ފިނިފެން
ނ (1) ރަހަމީރުކުރަން ބައެއްކަހަލަ ފޮނިއެއްޗިއްސަށް އަޅާށާއި ބޭހަށް ބޭނުންކުރަން ތައްޔާރުކޮށް
ފުޅީގައި ބަންދުކޮށްފައި ހުންނަ ފެނެއް
 (2) ފިނިކޮށް ހުންނަ ފެން
ފިނިފެން
ނ (1) ރަހަމީރުކުރަން ބައެއްކަހަލަ ފޮނިއެއްޗިއްސަށް އަޅާށާއި ބޭހަށް ބޭނުންކުރަން ތައްޔާރުކޮށް ފުޅީގައި ބަންދުކޮށްފައި ހުންނަ ފެނެއް (2) ފިނިކޮށް ހުންނަ ފެން
ނާރޮވައްފަލުދަ
ނ )ޏ ( ބަނބުކޭލުގައި ހަދާ ފޮނިކާއެއްޗެއް މިހަދާގޮތަކީ ބަނބުކެޔޮ ފެނުކައްކައި މަޑުކޮށް ފުނޑައި ހިމުންކޮށް ދިޔާހަކުރު އޭގެތެރެއަށް އަޅައިގެން ހިލާ ވެށޭވަރަށް ހިލުމަށްފަހު ގުޅަވަށާ އޭގެ ސިފައަށް ގެނެސް ދޮލަގުގާ އަތުރާ ނުވަތަ ފިނިފެންމާ އަޅައިފައި އަވީލަނީއެވެ މިކެއްކުމުގައި ދޯބުރާލި ހަކުރުކޮޅެއްވެސް އަޅައެވެ
ކެޔޮޅާ
ނ ކަށިމަލުފެން މިއީ އިހުގައި ބަންގާޅުން ގެނެސްއުޅުނު އެއްޗެކެވެ މިހުންނަނީ ފިނިފެންފުޅިހެން ހަމައެވަރުގެ ފުޅިފުޅީގައެވެ މިބޭނުންކުރަނީ ކާއެއްޗެއްސަށް އަޅާށާއި ބޭހަށެވެ
އަތަރު
ނ މީރުވަސްދުވާ މަޝްހޫރު ތެލެއް. މީގެ ކިތަންމެ ބާވަތެއް ހުރެއެވެ. މިސާލު: ފިނިފެންއަތަރު މަލުއަތަރު
ވަލުފިނިފެންމާ
ނ ފިނިފެންމަލުގެ ވައްތަރެއް. މިއީ ގޮފިތައް ވާކޮށް ހުރުމާއެކު ހެދޭ އަދި މަލާއި ފަތްކުދި މަލުގާ ވަސްނުހުންނަ ވައްތަރެކެވެ މާހުންނާނީ ރަތްކޮށެވެ
ފިނިފެންރޯސް
ނ ފިނިފެން އަތަރަށްވުރެ ވަސްމަޑު އެއަށްވުރެ ދިޔާކޮށް ހުންނަ އަތަރެއް
ފިނިފެންއަތަރު
ނ ފިނިފެންމަލުން އުފައްދާ އަތަރު
ފިނިފެންމަލް
ނ )ޏ ( ފިނިފެންމާ
ފިނިފެންމާ
ނ (1) ވާކޮށް ހެދޭ ކަށި ހުންނަ ގަހެއްގައި އަޅާ ފަސްފިޔައިގެ ފިޔަބަރި ތަކެއް ހުންނަމަލެއް )މީގެ އެންމެ ޢާއްމު ވައްތަރަކީ މަޑު ފިޔާތޮށި ކުލައެވެ މިކުލައިގެ މަލުގައި މަޑުމަޑު މީރުވަހެއް ހުރެއެވެ ( (2) ފިނިފެންމަލާ އެއްގޮތަށް ހަދައިފައި ހުންނަމާ
ފިނިފެންޖަންބު
ނ ފިނިފެންރަހަލާ ޖަންބު
ފިއްތިފުޅި
ނ އިހުގައި ރަސްކަލުންނާއި އަމީރުންނާއި ވަޒީރުންގެ ސަންދޯންޕުޅު ގެންދާއިރު ފިނިފެން ޖަހަން ގެންގުޅޭ ފުޅިއެއް. މި ފުޅި ހުންނާނީ ފަތިކޮށް މެދަށް ފިއްތާލާފައެވެ މިއީ ނޫކުލައިގެ ފުޅިއެކެވެ މިފުޅި ފިނިފެން ޖަހަން ގެންދަނީ އުނަށްދިން ފޭއްޔެއް އޮޅާލައިގެންނެވެ
ފިޔާތޮށިކުލަ
ނ (1) ރަތްކުލަ ފަނޑުވަމުންގޮސް އެންމެފަހުން ހުންނަކުލަ (2) ފިޔާގެ ތޮށީގައި ހުންނަ ކުލަ (3) ޤައުމީ ފިނިފެންމަލުގެ ކުލަ
ގުލާބުދާން
ނ ފިނިފެން ޖެހުމަށްޓަކައި ފިނިފެން އަޅަން ގެންގުޅޭ އެތި
ގުލްކަނދު
ނ ހަކުރާއި މަލުފިޔަ އެއްކޮށް އަވީގައި ނުވަތަ ހަނދުވަރުގައި ބަހައްޓައިގެން ތައްޔާރުކުރާ އެއްޗެއް މި ބޭނުންކުރަނީ ބޭސްވެރިކަމަށާއި ފޮނި ކާތަކެތީގައި ރަހަލެއްވުމަށެވެ އާއްމުކޮށް ގުލްކަނދު އަޅަނީ ފިނިފެން މަލުގައި ނުވަތަ ޗާނދަނީ މަލުގައެވެ