radheef.info
ރަދީފު


ހިލޭ
ނއ (1) ތިމާގެކަމުގެ ގުޅުމެއްނެތް
(2) އަގަކާނުލައި
(3) ކަމަކާނުލައި
(4) ހިމޭންކަމުގައި
ހިލޭ
ނއ (1) ތިމާގެކަމުގެ ގުޅުމެއްނެތް (2) އަގަކާނުލައި (3) ކަމަކާނުލައި (4) ހިމޭންކަމުގައި
ހަމިހިލެއި
ކއ )ސ ( ހަމަހިލޭ
ހަދިޔާ
ނ އެކުވެރިކަމުގެ ގޮތުން ނުވަތަ ގާތްކަމުގެ ގޮތުން މީހުންނަށް ހަމަހިލޭދޭ ތަކެތި
ހަދިޔާދިނުން
މ މީހަކަށް ހިލޭ އެއްޗެއްދިނުން
ހިބަ
ނ (1) ހަމަ ހިލޭ ދިން އެއްޗެއް (2) ހިލޭ ދޭދިނުން (3) މާވިހަގަދަ ކައްޓެއްހުންނަ ލަނޑާ ޒާތުގެ މަހެއް (4) (ހ) ކުރަފިޒާތުގެ ބޮޑު ދިރޭއެއްޗެއް، މި ގިނައިން އުޅެނީ ކުނިގޮނޑުގެ ތެރޭގައެވެ
ހިބަކޮށްދިނުން
މ ތިމާގެ މިލްކުގައިވާ އެއްޗެއް ތިމާގެ މިލްކުން ކަނޑައި ހަމަހިލޭ އަނެކަކަށް ދިނުން
ހިތުލޯތްބަށްދިނުން
މ (1) ދަރުމަޔަށް ދިނުން (2) ހަމަހިލޭދިނުން
ހިލޭޖެހުން
މ (1) ފުޓުބޯޅަ އާއި ހޮކީފަދަ ކުޅިވަރުގައި ކުށްކުރާބަޔާއި އިދިކޮޅަށް ދޭޖެހުމެއް މީގައި ސީދާ ހިލޭޖެހުމާ ނުސީދާ ހިލޭޖެހުން ހުރެއެވެ (2) އެއްޗަކަށް ނުވަތަ ތަނަކަށް ކުރިޚަރަދު އަނބުރާލިބި އަގުހަމަވުން
ހީނސަމާސާކުރުން
މ (1) އުފާކޮށް ސަމާސާކުރުން (2) މަޖާޒު: ހިލޭފިރިހެނަކާ އަންހެނަކާ އެދުންވެރިކަމުގައި ހީނހީނފައި ސަމާސާކުރުން
ނާސިކުޅި
ނ އެއްޗެއްދީގެން ހިލޭއަންހެނުންނާ މޮށޭ މޮށުން
ނިންދެވުން
މ (1) އަނެކަކުލައްވާ ކުރުވުމުގެ މާނައިގައި ނިދުން މިބަސް ބުނެއުޅޭގޮތް. (2) އިންޖެކްޝަނަކުން ބޭހަކުން ފަރުވާއަކުން ނުވަތަ އެނޫންވެސް ގޮތަކުން ނިދިއަންނާނޭގޮތް ހެދުން (3) ނިދޭނޭގޮތް ތަނަވަސްކޮށްދިނުން (4) މަޖާޒު: އަންހެނަކު ރޭގަނޑު އެނާގެ ގާތުގައި ހިލޭ ފިރިހެނަކު ބާއްވައިގެން އޮތުން
ނާރާ ހަނދުގައި ކޭތަ ހިފުން
މ މަޖާޒު: ހިލޭއަންހެނަކު ގޮވައިގެން މީހުން ނޫޅޭ ތާކު ހުރުން
ރޭމަގު ހިނގުން
މ ރޭގަނޑު ހިލޭއަންހެނުންގެ އަވައިގާ ހިނގުން
ރޭދަލާދިއުން
މ (1) ރޭނގަޑުގައި ދާއުކަންދިއުން (2) މަޖާޒު: ރޭގަނޑު ހިލޭ އަންހެނުން ހޯދަން ހިނގުން
ބަސްކިއުން
މ (1) ޖަމާޢަތެއްގެ ފަރާތުން އިސްވެ ވާހަކަ ދެއްކުން (2) ހިލޭ އަންހެނަކާ މޮށުން
ބަޚްސީސް
ނ (1) ހިތުން ރުހުމުން ދޭ ހަދިޔާ (2) މާތްކޮށް ހިތުމުގެ ގޮތުން ހަމަ ހިލޭދޭ އެއްޗެއް
ޅައިގައިޖެހުން
މ (1) ދިޔަގަނޑު ބޮޑުވެގެން ޅަޔަށް އަޅައިފައި ހުންނަ އެއްޗެއްގައި ފެންޖެހުން މަޖާޒު: (2) ކަންބޮޑުވުން (3) ސިއްރުން ކުރަމުން އަންނަކަމެއް ފާޅުވުން (4) އޮޑިދޯނުފަހަރުގެ ދިޔަގަނޑު ބޮޑުވަމުންގޮސް ހުޅަތަކުގެ ޅަފަނުން ދިޔަހިލޭވަރުވުން
ކަޅަށް ޖެއްސުން
މ މަޖާޒު: ހިލޭއަންހެނުން ހޯދަން ރޭގަނޑު ގޭގޭދޮށަށް ދިއުން
ކޭތަހިފުން
މ (1) އިރާއި ބިމާދެމެދަށް ހަނދުވަނުމުގެ ސަބަބުން އިރުންބައެއް ނުފެންނަ ގޮތްވުން ނުވަތަ ހަނދަށް ބިމުގެ ހިޔަނި އެޅުމުގެ ސަބަބުން ހަނދުގެ ބައެއް ނުފެންނަ ގޮތްވުން (2) މަޖާޒު: ހިލޭ އަންހެނަކާއި ފިރިހެނަކާ ޢާއްމުކޮށް ފެންނަ ހިސާބުގައި ބައްދައިގަނެގެން ތިބުން
ކޯނަރު
ނ ހޮކީ އާއި ފުޓްބޯޅައިގައި ދަނޑުގެ ކަނުން ޖަހަން ޖެހޭ ހިލޭޖެހުން. މިޖެހުން ޖަހަނީ ބައިގެ މީހެއްގެ އަތުން ނުވަތަ ބައިގެ މީހެއްގެ ގައިގައި ޖެހިފައި އޭނާގެ ކޮޅުން ބޯޅަ ބޭރުވުމުންނެވެ
މުއްފަތު
ނ (1) އަނެކެއްގެ ތައްޕާހުން ދިރިއުޅޭ އުޅުން (2) ބުނެ ކިޔައިގެން މީހުން އަތުން ހިލޭ އެއްޗެހި އަތުލާ އަތުލުން