radheef.info
ރަދީފު


މޮޅު
ނއ (1) ދެރައިގެ އިދިކޮޅު
(2) މާތް
(3) މަތިވެރި
(4) ފޭރާންހެޔޮ
(5) ފެންވަރުރަނގަޅު
 (6) ކުޅަދާނަ
މޮޅު
ނއ (1) ދެރައިގެ އިދިކޮޅު (2) މާތް (3) މަތިވެރި (4) ފޭރާންހެޔޮ (5) ފެންވަރުރަނގަޅު (6) ކުޅަދާނަ
ހަށަވާދަ
ނ (1) ލަދުގަންނަ ޒާތުގެ ޒުވާބު (2) ހިތާވާ މީހުނާ ސަމާސާ ގޮތުން ދައްކާ ލަދުގަންނަ ޒާތުގެ ވާހަކަ (3) ދެމީހަކު އެކަކު އަނެކަކަށްވުރެ ތިމާ މޮޅުކަމަށް ބުނެ ކުރާ ޒުވާބާއި ވާ އަރާރުން (4) )ސ ( ވައްބަހުން ދައްކާ ވާހަކަ
ހަށަވާދަކިޔުން
މ (1) ލަދުގަންނަޒާތުގެ ޒުވާބުކުރުން (2) ހިތާވާ މީހުނާ ސަމާސާ ގޮތުން ލަދުގަންނަ ޒާތުގެ ވާހަކަ ދެއްކުން (3) ދެމީހަކު އެކަކު އަނެކަކަށްވުރެ ތިމާ މޮޅު ކަމަށްބުނެ ވާހަކަދައްކައި ޒުވާބުކޮށް އަރާރުންވުން (4) )ސ ( ވައްބަހުން ވާހަކަ ދެއްކުން
ހަނަދޭސްވަރަ
ނއ )ބދ ( މޮޅުގަދަކަންފޯރާ
ހަރާދު
ނ (1) ބާޖީ (2) ކުޅޭކުޅިވަރާއި ކުރާޒުވާބުގައި ދެރަވާމީހާ މޮޅުވާމީހާއަށް އެއްޗެއްދޭން ކުރާ ޝަރުޠު
ހަރާދުކިއުން
މ (1) ވާދަކިޔައިގެން ކުޅޭކުޅިވަރާއި ކުރާޒުވާބުގައި ދެރަވާމީހާ މޮޅުވާ މީހާއަށް އެއްޗެއްދޭން ޝަރުޠު ކުރުން (2) ބާޖީމެރުން (3) ޖުވާކުޅުން
ހައިވަކަރު
ނ މޮޅި ލަކުޑިއެއް. ދޭތެރެ ދޭތެރެއިން ފަތްފައިބާ ބިޔަކޮށް ހެދޭގަހެއް. މިއީ އިންޑިޔާއާއި ދެކުނު އިރުމަތީ އޭޝިޔާގައި ހެދޭ ގަހެކެވެ މިގަހުގެ ލަކުޑިއަކީ މަޝްހޫރު މޮޅުލަކުޑިއެކެވެ
ހާކާލާފަތް
ނ އެންމެމޮޅު ގުޑާކު މީގެ ދުންފަތް އަޅާގޮތަކީ ދަގަނޑު ފޮތީގައި އެތިކޮޅެއް އުނގުޅައިލަނީއެވެ
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
އެޑްރެސް
ނ (1) ހުންނަ ތަން. (2) މީހަކު ނުވަތަ އެއްޗެއް ހުންނަ ތަން. (3) ސިޓީއާއި ޕާރސަލް ފަދައެއްޗެހީގެ ބޭރުގައި އެއެއްޗެއް ފޮނުވަންވީތަން އަންގައި ދިނުމަށް ލިޔެފައި އޮންނަ ލިއުން (4) ޚުޠުބަތުލް އަރުޝި (5) ޚާއްޞަ މުނާސަބަތެއްގައި ނުވަތަ ޚާއްޞަ ގޮތެއްގައި އެއްވެފައި ތިބި ބަޔަކަށް ދިނުމަށް ތައްޔާރުކޮށްފައިވާ ތަޤްރީރު (6) މީހަކު ކުޅަ މޮޅު ކަމެއްގެ މުނާ ސަބުތުގައި އޭނާއަށް ފޮނުވާ ޝުކުރާއި މުބާރިކްބާދީގެ ލިޔުން (7) މީހަކު ތަނަކަށް ދިއުމުން އޭނާއަށް ކިޔާ މަރުޙަބާ
އެޔޮއްފަދަ
އ (1) އެއޮތްފަދަ. (2) ކަމެއްގެ ނުވަތަ އެއްޗެއްގެ މޮޅުކަން ރަނގަޅުކަން ބޭނުންތެރިކަން ނުވަތަ ނުބައިކަން ބޮޑުކަމުގެ މައްޗަށް ދަލީލުކުރާ ގޮތުން ބުނެއުޅޭ ބަހެއް
ވަރުންއެޅުން
މ (1) ދެއެއްޗެއް ނުވަތަ އެއަށްވުރެ ގިނަ އެއްޗިހިތަކެއްގެ މޮޅުދެރަ ނުވަތަ ގިނަ މަދުމިނުން ނުވަތަ ދިގު ކުރުމިނުން ނުވަތަ ބޮޑު ކުޑަ މިނުން އަޅައިބެލުން. (2) ބައިބެހުމަށްޓަކައި ބަޔަކު މޮޅުދެރަ ނުވަތަ ދިގު ކުރުމިނުން ހަމަ ހަމަ ވާގޮތަށް ބައިތިއްބުން
ފަތަޙަކުރުން
މ (1) ޣައިރު މުސްލިމުންނާއި ދެމެދު ކުރެވޭ ދީނީ ހަނގުރާމައިގައި މުސްލިމުން ކާމިޔާބު ހޯދުން (2) ނަޞްރުހޯދުން (3) މަޖާޒު: ކާމިޔާބު ކުރުން (4) މޮޅުހޯދުން (5) ކަމަކުން ކުރިހޯދުން
ފަތަޙަލިބުން
މ (1) ޣައިރު މުސްލިމުންނާއި މުސްލިމުންނާއި ދެމެދު ކުރެވޭ ދީނީ ހަނގުރާމައިގައި މުސްލިމުންނަށް މޮޅުލިބުން (2) ނަޞްރުލިބުން (3) މަޖާޒު: ކާމިޔާބު ލިބުން (4) މޮޅުވުން (5) ކުރިލިބުން
ހިންދޫކާރު
ނ )ބދ ( (1) މޮޅުމީހާ (2) ވަރުގަދަމީހާ
ހިރިގައު
ނ މުރަކައިގެ ބާވަތެއް. މިއީ ގޮފިނުވާގޮތަށް އެކަތިގަނޑަކަށް ހެދިފައި ހުންނަ އެއްޗެކެވެ. މިއީ ރާއްޖޭގައި އުފެދޭކަމަށް ބުނެވޭ އެންމެ މޮޅު ގަލެވެ. އިހުގެ ދިވެހިން ވަޅުވަޅާއި ޢިމާރާތްފަދަ ތަންތަނާއި މަހާނަގާފަދަ ތަކެތި ހެދުމަށް މިގާ ބޭނުންކުރިއެވެ ހިރިގަލުގައި ބިންވަޅުނަގައި ކުރެހުމަކީ ދިވެހީންގެ ވަރަށް ޚާއްޞަ ފަންނީ މަސައްކަތެކެވެ
ހިރުނދު
ނ (1) ހިރުނދުގަހުގެ ވަކި (2) ގޮފިގިނަކޮށް ފެތުރިހެދޭ ހިޔާބޮޑުގަހެއް (3) ރާއްޖޭގައި ހެދޭ ލަކުޑީގެ ތެރެއިން އެންމެ މޮޅު އެއްލަކުޑި މިއީ އޮޑިދޯނި ފަހަރު ބަނުމަށާއި ފަރުނީޗަރު ޖެހުމަށް ބޭނުންކުރާ ކީލި ހިމުން ލަކުޑިއެކެވެ
ހިތިގަސް
ނ އުސްކޮށް ބޮޑުތާނގައި ފެތުރިގެންހެދޭ ލަކުޑިމޮޅުގަހެއް. މިގަހުގެ ލަކުޑި ހުންނާނީ މަޑުމުށިކުލައިގައެވެ. މިގަހުގެ ދަނޑިޔާއި ފަތަކީ އެކިކަންކަމަށް ފައިދާހުރިބޭހެކެވެ. ފަތްހުންނާނީ ކުރިޔަށް ހިމަކޮށް ބުޑުދޮށަށް ފަލަކޮށް އަރިޔަށް ލެނބިލައިފައެވެ ފަތުގެކައިރިފަށް ހުންނާނީ ތުނޑުތުނޑުލައިފައެވެ ފަތުގައި ވަރަށް ގިނަ ގަދަ ހިތިރަހައެއް ހުންނާނެއެވެ
ހުނިހަކުރުފަތަފޮޅި
ނ އެތެރެޔަށް ހުނިހަކުރު އަޅައިގެން ހަދާ ފަތަފޮޅިއެއް މީގެ އެންމެމޮޅު ގޮތަކީ އާވީންކެއްކުމެވެ އަދި ފިހެތެލުލައިވެސް ހަދައެވެ
ހުދުއުއްދަނޑި
ނ އުއްދަނޑީގެ އެންމެމޮޅު ބާވަތް މީގެ ބޭރު ހުންނަނީ މަޑުފެހި ކުލައެއްގައެވެ
ނަންބަރުދިނުން
މ (1) މޮޅުދެރަ ބެލުމުގައި ދިހަޔަކުން ނުވަތަ ސަތޭކަޔަކުން އެމީހަކަށް ނުވަތަ އެބަޔަކަށް ލިބޭންވީ ޢަދަދު ބަޔާންކޮށް ދިނުން (2) ތަރުތީބަކުން ކަމެއް ހިންގުމަށްޓަކައި އެކިމީހުންނަށް ވަކިނަންބަރު ޚާއްޞަކޮށް ދިނުން