Radheef, ދިވެހިބަހުގެ ރަދީފު، މޫދަގެ މާނަ

radheef.info

ނ )ލ
( މޫދު

ނ )ލ ( މޫދު

ހުޅުފަނާދިއުން

މ ރޭގަނޑު މަސް ހިފަން ދާއިރު މަސް ގާތަށް ގެނައުމަށްޓަކައި ފަންހުޅިއެއްގައި ރޯކޮށްގެން ނުވަތަ އެހެންވެސް އައްޔެއް ހިފައިގެން މޫދަށް އެރުން

ކޯޑިކުޅުން

މ ރަށްފުށުގައި ބޮޑުޢީދުގައި ކުޅެއުޅޭ ކުޅިވަރެއް. މިކުޅިވަރު ކުޅޭއިރު ފިރިހެންކުދިން ކޯޑި ހަދައިގެން ކުޅިވަރުކުޅެމުން )ލަވަކިޔައިނަށަމުން( ހުސްމައިދާނެއް ކަހަލަތަނަކަށް )ކުޅޭބިމަށް( ގޮސް މަޑުކޮށްލައި އެތަނުގައި ކުޅިބަލަންގޮސްތިބޭ އަންހެންކުދިންގެ ތެރެއިން ކުއްޖެއްގެ ބޮލުގައި ކޯޑިޖައްސައިލަނީއެވެ. ދެން ކޯޑިގެންގޮސް ރުކެއްފަދަ ދިގު އެއްޗެއްގައި އަތްނުފޯރާ ހިސާބު މަތީގައި އެލުވަނީއެވެ. މިކޯޑި ކަނޑައިދޭނީ އަންހެން ކުދިންގެ ފަރާތުން ކަނޑައަޅާ ފިރިހެންކުއްޖެކެވެ. ދެން ފިރިހެންކުދިން އެކޯޑި ކަޑައިދިން ފިރިހެންކުއްޖާގެ ގައިގައި އަޅިދެލި ކުރަހައިގެން ގަންހިންގާގޮތަށް މުޅިރަށުގައި ހިންގުވައިފައި ގެނެސް މޫދަށް ލަނީއެވެ. އެއަށްފަހު އަންހެންކުދިން އެކުއްޖާ މޫދުންއަރުވައިގެން ގެންގޮސް ފެންވަރުވައި ނަލަހެއްދުވުމަށްފަހު ކޯޑިޖެއްސި އަންހެންކުއްޖާއާއި ދެކުދިން އަތުގުޅުވައިގެން ކުޅޭބިމަށް ގެންދާނީއެވެ

ރަންގުފަޓާސް

ނ ހުއިފިލަނޑާގެ ވައްތަރެއް މީގައި އަތް ޖައްސާލީމާ މޫދަށާ އަތަށް ރަންގުކުލަ ދުއްވާލައެވެ

މ (1) މަތީގައި ހުރިއެއްޗެއް ތިރިކުރުން. (2) އެއްގަމުގައި އޮތްއެއްޗެއް ކޮށްޕައި މޫދަށް ނުވަތަ ފެންގަނޑަކަށްލުން (3) ހަށިގަނޑުން ފަޅައިފައި ހުންނަ އިސްތައްޓާއި ގެރިބަކަރިފަދަ ޖަނަވާރުގެ ކެހެރި ތޫނު އެއްޗަކުން ކަހައި ފިލުވުން (4) ދަތުރުކޮށްފައި އައިމީހަކު އެއްގަމަށް ގެނައުން (5) ރަށުންބޭރަށް އަންނަމީހަކު ރަށުގައި ނުވަތަ ގެއެއްގައި ބެހެއްޓުން (6) އުޅަނދަކުން މީހަކު ނުވަތަ އެއްޗެއް އެއްގަމަށް ނުވަތަ އެހެން އެއްޗަކަށް ނުވަތަ ތަނަކަށް ގެންދިއުން (7) ދަތުރު ފަތުރު ކުރާ އުޅަނދަކުން ތަކެއްޗާއި މީހުން ހުސްކުރުން (8) ރަށެއްގައި ދިރިއުޅޭބަޔަކު އެރަށުން ބޭރުކުރުން (9) އެހެލުމުގެ އިދިކޮޅު )01( ކުޅިވަރުކުޅޭ ދަނޑަކުން ނުވަތަ ކޯޓަކުން މީހުން ނުވަތަ ބަޔަކު ބޭރުކުރުން

މޫދަށްއެރުން

މ މޫދަށް ފޭބުން

މޫދުއެޅުން

މ (1) ފޭރާން ފަދަތަކެތި ދާފިލުވަން ފަސޭހަޔަކަށް މޫދަށްލައި ފައްތިޔަލުގައި އެޅުން (2) ދަނޑި ދޮށި ލަކުޑި ފަދަތަކެތި އޮއިކުރުން

ފަނާލުން

މ އޮޑިދޯނިފަހަރު ތަންތާގައި ހައްޔަރުކުރުމަށްޓަކައި ފަނާ މޫދަށްލުން

ތޮށްޓަށްއެރުން

މ ތޮށިލާން މޫދަށްދިއުން

ފުނަށްދިއުން

މ (1) މޫދަށް އެރިގެން އުޅޭއިރު އިސްކޮޅު ނުކާ ހިސާބަށް ދިއުން (2) މާބޮޑަށް އަޑިއަށް ދިއުން

ދާއުކުން

މ ފަޅުން މަސް ހިފުމަށްޓަކައި ލާނދާ މޫދަށް އެއްލަމުން ދިއުން

ތަރައްޕަން

ނ އުޅަނދު ބާލާއިރު މޫދަށްލާ ކަނދުތައް މިކަނދުތައް ހުންނާނީ ވަކިވަކިވެގެން ނުދާގޮތަށް ދެކޮޅުގައި ވަކަރު އަޅައި ބަނދެފައެވެ

ލޮނުވެލިމޮޑުން

މ ހަށިގަނޑުގެ ގުނަވަނަކަށް ލިބޭ ގެއްލުމަކަށް ފަރުވާ ދިނުމުގެ ގޮތުން މޫދަށްއެރި އެތަނެއްގައި މޫދުގެ ވެލިން މަސާޖުކުރުން

ގަނބުހެރުން

މ )ބ ( މީހަކު މޫދަށް ގަންބައި ހިފެހެއްޓުން

ގަންބަޅެނަގެހެ

ނ )ބ ( (1) ކުޑަކުދިން ގޮވައިގެން މޫދަށްގޮސް ކުޅިވަރެއްގެ ގޮތުން ގަންބައިލައިފައި ނަގާއިރު ބުނާއެއްޗެއް (2) ބޮޑު ވަރިހަމަ (3) ކޮންމެގޮތެއް ވަރިހަމަ