radheef.info
ރަދީފު


މިވެނި
ނއ ތިމާއަށް އެނގިފައިވާ ކަމެއްގެ ނުވަތަ އެއްޗެއްގެ ނުވަތަ މީހެއްގެ ނަން ނުގަނެ އެކަމަށް ނުވަތަ އެއްޗަކަށް އިޝާރާތްކޮށް ބުނާ ބަހެއް
 މިސާލު: މިވެނިމީހާބުނި
މިވެނިކަމެއް ނުކުރާށެވެ
މިވެނި
ނއ ތިމާއަށް އެނގިފައިވާ ކަމެއްގެ ނުވަތަ އެއްޗެއްގެ ނުވަތަ މީހެއްގެ ނަން ނުގަނެ އެކަމަށް ނުވަތަ އެއްޗަކަށް އިޝާރާތްކޮށް ބުނާ ބަހެއް މިސާލު: މިވެނިމީހާބުނި މިވެނިކަމެއް ނުކުރާށެވެ
ހެޓު
އ (1) ހެސް (2) ޖަނަވާރު ދުއްވައިގަނުވާން ބުނާބަހެއް (3) މަސައްކަތްކުރުމުގައި ހުންނަ ޖޯޝާ ފޯރީ ބަޔާންކުރުމުގެ ގޮތުން ބުނާބަހެއް މިސާލު: މިވެނިމީހަކު މިވެނިކަމެއް ހެޓުކިއައިފައި އެބަކުރެއެވެ
ކޮށު
އ (1) އިހުގައި ވެރިކަމުގެ ފަރާތުން ކަމަކަށް ކުރައްވާ އަމުރު ގަދަކުރުމަށް ޖުމުލަ ނިންމާ އަކުރު މިއަކުރު ބޭނުންކުރަނީ ހަމައެކަނި ލިޔުމުގައެވެ މިސާލު: )ހ( ދީފަނީކޮށު )ށ( މިވެނި ކަމެއްނުކުރަނީކޮށު
ކޮބާ
އކ (1) ނުފެނިގެން އުޅޭ އެއްޗެއް ވީތަނެއް އެނގޭތޯ ނުވަތަ ކަމެއް އޮޅުން ފިލުވާން ސުވާލުކުރުމަށް ބޭނުންކުރާ އަކުރެއް. މިސާލު: )ހ( މަގޭރުމާ ކޮބާ؟ )ށ( ކަލެއާ ޙަވާލުކުރި ކަންތައް ކޮބާ؟ (2) މީހަކު މިވެނި ގޮތަކަށް ކަމެއް ވެދާނެޔޭ ބުނެފައި އޮއްވާ އަނެކަކު އެބަސް ނާހައި އެކަންތައް ކޮށްގެން ކުރީގައި ބުނިމީހާ ބުނިގޮތަށް ކަންތައްވީމާ އެކަމެއް ކުރިމީހާއާއި ދިމާއަށްބުނެ އުޅޭ ބަހެއް މިސާލު: ކޮބާ މަބުނިގޮތަށް ނޫންހޭވީ (3) ނިކަން މިސާލު: ކޮބާދީބަލާ
އެވެނިމިވެނި
ނއ ކަންތައްތަކެއްގެ ނުވަތަ އެއްޗެހިތަކެއްގެ މައްޗަށް އިޝާރާތްކޮށް ނަން ނުބުނެ އޭގެ ބަދަލުގައި ބުނާގޮތެއް. މިސާލަކަށް: އެވެނިމިވެނި ގޮތަށް އުޅޭ އެވެނިމިވެނި ކަންތައް ކުރޭ އެވެނިމިވެނި އެއްޗެހި ހޯދާ
މަތިވުން
މ (1) ކަމެއްގެ އިލްޒާމުއެޅުން (2) މަޖާޒު: ފެނުން ނުވަތަ އައުން މިސާލު: މިއަދަކު މިވެނި މީހަކު މައްޗެއް ނުވިއެވެ (3) ހަވާލުވުން މިސާލު: އެކުދިން ބެލުމާ މަތިވެގެން އުޅެންޏާ ކާންދީ ހަދަންވާނެއެވެ
ދަރިލެއްވުން
މ ސަރިޔަތުން އެދަރިޔަކީ މިވެނިމީހެއްގެ ދަރިއެއް ކަމަށް ޙުކުމް ކުރުން
ގަނޑުފިއްލާކުޅުން
މ "ގަނޑުފިއްލާ" އޭ ކިޔާ ކުޅިވަރު ކުޅުން. މި ކުޅިވަރު ކުޅޭ ގޮތަކީ ކުޅޭ މީހުން ދެބަޔަކަށް ބަހައި ކުރިން ގަނޑުއަޅަން ދާމީހުންގެ ތެރެއިން އެކަކު ގަނޑަކަށް ހަދަން ކަންނެޔޮތަކާ ބާލީސްތައް އޭނާގެ ގައިމަތީ ބަހައްޓައި އެއްޗަކުން ނިވާކޮށް އެބައިގެ އެހެން އެންމެން ފިލާ ތިބެފައި އަތްތިލަބަޑި ޖެހީމާ އަނެއްބައިގެ މީހުން އައިސް ގަނޑަށް ގޮވައި މިވެނި މީހަކު ތެދުވާށޭ ބުނުމުން ދިމާވެއްޖެނަމަ ތެދުވަނީއެވެ ދިމާ ނުވެއްޖެނަމަ ލަނޑެއް ދެވުނީއެވެ
ޔޯތް
ނ ރަށްރަށުގެ ރައްޔިތުން އެއްކުރުމަށް ނުވަތަ ކަމެއް އަންގައިލުމަށް ގޭގޭދޮށުން ދަމުން އެވާހަކަ ގޮވާލާއިރު ފަށަން ގޮވާލާއެއްޗެއް މިސާލު: )ހ( ޔޯތް ރަށްމެދަށް އެއްވާށޯތް )ށ( ޔޯތް މިވެނި މީހަކު އެވެނިތާކު އެބަހުއްޓޯތް