Radheef, ދިވެހިބަހުގެ ރަދީފު، މަހާރަދުންގެ މާނަ

radheef.info

މަހާރަދުން

ނ (1) ރަސްގެފާނު
(2) ބަންޑާރައިން

މަހާރަދުން

ނ (1) ރަސްގެފާނު (2) ބަންޑާރައިން

ރިޔަންކޮޅު

ނ (1) ނަކަތްތެރިން ރިޔަނެއް އަށްބަޔަށް ބަހާފައިވާ ބައިތައް (2) އިސްކަންދަރު މަހާރަދުން ހެއްދެވިރިޔަން

ބޮޑުދުންދޭ ޒިޔާރަތް

ނ ބޮޑުދުމާދާއިރު ދުޢާވެރިކަން ކިއަވަން މަޑުކުރާ ފަންސަވީސް ޒިޔާރަތް، އެއީ (1) އަބުލް ބަރަކާތުލް ބަރުބަރީ ޒިޔާރަތް (2) ސައްޔިދު ރަސްގެފާނުގެ ޒިޔާރަތް (3) އައްސައްޔިދު ސާމީ އަލްމުރުތަޟާ ޒިޔާރަތް (4) އައްސުލްޠާނުލްޣާޒީ މުޙައްމަދު ޝަމްސުއްދީނު ޒިޔާރަތް (5) އިސްކަންދަރު މަހާރަދުންގެ ޒިޔާރަތް (6) ޙަސަން ޢިއްޒުއްދީނު ރަދުންގެ ޒިޔާރަތް (7) މުޙުޔިއްދީނު ރަދުންގެ ޒިޔާރަތް (8) މުޙައްމަދު ޢިމާދުއްދީނު ދިޔަމިގިލީ ރަދުންގެ ޒިޔާރަތް (9) އިބުރާހިމު ރަސްގެފާނުގެ ޒިޔާރަތް (10) ދަންނަ މުޙައްމަދު ރަސްގެފާނުގެ ޒިޔާރަތް (11) ދަރުމަވަންތަ ރަސްގެފާނުގެ މިސްކިތް (12) ޙަބުޝީގެފާނުގެ މަޤާމް (13) ފަޤީހުމޫސާގެ ޒިޔާރަތް (14) ފަތާލީސީދީގެ ޒިޔާރަތް (15) ބޮޑުރަސްގެފާނު ޒިޔާރަތް (16) ޙާޖީ އެދުރުކަލޭފާނުގެ ޒިޔާރަތް (17) އިބުރާހީމު ރަސްގެފާނު (އަލްހިލާލީ) ގެ ޒިޔާރަތް (18) ފަޤީހުސުލައިމާނުގެ ޒިޔާރަތް (19) މާފަންނު އާމިސްކިތްތެރޭ ޒިޔާރަތް (20) ޤާޟީ ޢީސަލްޔަމަނީގެ ޒިޔާރަތް (21) ޢަލީ ރަސްގެފާނުގެ ޒިޔާރަތް (22) ޢުމަރުމާފަތް ކަލޭފާނުގެ ޒިޔާރަތް (23) ދޮނަކުޅީޝައިޚުކަލޭފާނުގެ ޒިޔާރަތް (24) ދޮންބުޅާފާށަނޢގެ ޒިޔާރަތް (25) ދެބޭރަނިންގެ ޒިޔާރަތް

ބޮޑުތަކުރުފާނު

ނ (1) އުތީމު ބަންޑާރައިން (2) އައްސުލްތާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން (3) ޣާޒީ ބަންޑާރައިން

އަނދިރިއަނދިރީން

ނ ދިވެހިރާއްޖެ ޕޯޗްގީޒުން ހިފައިގެން އުޅުނު ދުވަސްވަރު ރަސްކަމުގައި ހުރި މަޝްހޫރު ގޯވާ ކަޅުފަރަންޖީ. އެއީޚާންޒީދިކަމަނާގެ ބޮޑުމުޙައްމަދެވެ. މީނާވިހައި ބޮޑުވީ ގާފަރު ކަޅުފާށިނާ ތަކުރުފާނުންގެ ބެލުންދަށުގައި ހުވަދޫ އަތޮޅުގައެވެ. އެދުވަސްވަރު ރަސްކަމުގައި އިންނެވީ މަޝްހޫރު ބުރަކިރަނީންނެވެ. ބޮޑުވިފަހުން މާލެއަންނަމުން ފިލައިގެން ގޯވާ އަށްގޮސް އިސްލާމްދީން ދޫކޮށް ޣައިރުދީނުގައިހުރެ ދިވެހިރާއްޖެއާތޮޅޭން ތިންފަހަރުމަތީން އައިސް އެއިރު ރާއްޖޭގެ ރަސްކަމުގައި ހުންނެވި އައްސުލްޠާން ޢަލީ )6 ވަނަ( އިބުނު އަލްވަޒީރުލް އައުޒަމް ޢަބްދުއްރަޙުމާން ސިރީ އައުދަސިޔާކަ ކައްތިރިމަހާރަދުން ޝަހީދުކޮށް ރަސްކަމަށް ވެރިވީއެވެ މީނާމަރުއްވައި ރާއްޖެ އިސްލާމް ކުރެއްވީ އައްސުލްޠާނުލްޣާޒީ މުޙައްމަދު ތަކުރުފާނުލް އަޢުޡަމް ސިރީ ސަވާދީއްތަ މަހާރަދުންނެވެ މީނާ ރަސްކަންކުރީ 569ހ އިން 189ހ އަށެވެ އެއީ ގާތްތަނޑަކަށް ސޯޅައަހަރުވާދެނެވެ

އަސްކަރު

ނ އައްސުލްޠާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ރާއްޖެ އިސްލާމު ކުރެއްވުމަށްފަހު ބައެއް ރަށްރަށު މީހުން ނުކިޔަމަންތެރިވެގެން އެކަން ހަމަޖައްސަވާން ހަވަރުގެ ތެރެއިން އެކިބައިމީހުން އެކިރަށްރަށް ފޮނުއްވިއިރު އުތުރުގެ ރަށްރަށަށް ފޮނުއްވި މީހުންެ. އެމީހުން ދިޔަ ރަށްރަށް އެމީހުންނަށް ދެއްވީއެވެ. އަސްކަރުންގެ އޮންނަނީ ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ މިފަސްގެއެވެ ފަސްގެ އެކުގައިނަމަ ކިޔަނީ "ފަހޮޅި" އެވެ ވަކިވަކީންނަމަ "ގެ" އެވެ އެހެނިހެން އޮޅިމެދެކޭ އެއްފަދައިން އަސްކަރުންނަށްވެސް މާލޭގައި ކުރަންޖެހޭ ވަކިވަކި ކަންތައްތައް ހުރެއެވެ

ވެދުންކުރުން

މ (1) އިހުގައި ރަދުން ދެއްވާ ޢިއްޒަތަށް ނުވަތަ ބައެއް ޚާއްޞަ ވަޒީފާއަށްޓަކައި ރަދުންގެ ހިރިޔާ ފާތުރާ ދަށުން އެކަމެއް ހަމަޖެހުމާ ގުޅިގެން އެމީހަކު ރަސްމީގޮތުން ރަދުންގެ އަރިއަހަށް ހަދިޔާކުރުން (2) ރަސްކަމަށް ކޮލިލުން ފަދަ ކަންކަމާ ގުޅިގެންއެކިއެކި ޖަމާޢަތްތަކުންނާއި ފަރާތް ފަރާތުން ބަންޑާރައިންގެ އަރިއަހަށް ހަދިޔާކުރުން (3) ނާބަ އާއި ދަންބެރު ޖަހަންވާ ގަޑިއަށް ނުޖެހުމުން ކީރިތި މަހާރަދުންގެ ފަރާތްޕުޅުން ނާބަޖަހާ ބެރާއި ދަނޑިގަނޑު ދެގެ ދޭތެރެއަށް ގެނައުމުން އަލުން ބެރުޖެހުމަށްޓަކައި ދޭންޖެހޭ އާދަ ދިނުން

ފަތްކޮޅުބޭލުން

މ ކީރިތި މަހާރަދުން އޮޅުދޫކަރައިގެ ގަވަރުނަރަށް ފޮނުއްވާ ނުވަތަ ގަވަރުނަރު ކީރިތި މަހާރަދުންނަށް ފޮނުއްވާ ފަތްކޮޅު ރަސްމީ އިއްޒަތުގައި އެއްގަމަށް ބޭލުން

ފުރަސުއްދަ

ނ )ބދ ( ކީރިތި މަހާރަދުންގެ އަމުރުފުޅު

)ދިވެހިރާއްޖޭގެ ފުރަތަމަ އިސްލާމް ރަސްގެފާނު( ދަރުމަވަންތަ ރަސްގެފާނު

ނ އައްސުލްޠާނު މުޙައްމަދު ބުނި ޢަބްދުﷲ ސިރީބަވަނާ ދީއްތަ މަހާރަދުން

ސިލޭހަހިފުން

މ ކީރިތި މަހާރަދުން ރަސްމީ ޢިއްޒަތުގައި ތަންތަނަށް ވަޑައި ގަންނަވާއިރު ސިލޭހަ ހިފައިގެން ރަދުންގެ ދެފަރާތްޕުޅުގައި ދެސަފަށް ތިބުން