radheef.info
ރަދީފު


ވެދުން
ނ ސަލާމާ ހަދިޔާއަށް އެންމެ މާތްކޮށް ކިޔާގޮތް
ވެދުން
ނ ސަލާމާ ހަދިޔާއަށް އެންމެ މާތްކޮށް ކިޔާގޮތް
ނަވުރުމާ
ނ (1) ވެދުންއެޅިރުމާ. (2) ބޮކުސާރުމާ މިއީ ހުދުމާ ޖަހައިފައި ހުންނަ ޚާއްޞަ ރަތްރުމާލެކެވެ
ރަސްމަސް
ނ (1) ރަދުންނަށް ގެންދާ ދަނޑިމަސް (2) ވެދުންކުރާ މަސް ޢާންމުކޮށް ކިޔާނީ މަސްފުޅެވެ
ބަރުތީލަ
ނ (1) އިހުގައި ރަށްރަށުގެ ވެރިންގެ ފަތްކޮޅާއި ދޮށުންގެ ރަށްރަށްލިޔެ ދިނުމުގެ މައްޗަށް ދޭންޖެހޭ ފައިސާ (2) ވެދުން
ބަރުތީލަކުރުން
މ (1) އިހުގައި ރަށްރަށުގެ ވެރިންގެ ފަތްކޮޅާއި ދޮށުންގެ ރަށްރަށް ލިޔެ ދިނުމުގެ މައްޗަށް ދޭންޖެހޭ ފައިސާ ދިނުން (2) ވެދުން ހުށަހެޅުން
ވެދުންބަރުތީލަ
ނ އިހުގައި ރަށްރަށުގެ ވެރިންގެ ފަތްކޮޅާއި އަދި ބައެއް މަޤާމާއި ކަންކަމަށާއި ދޮށުންގެ ރަށްރަށް ލިޔެދިނުމުގެ މައްޗަށް ކުރާ ވެދުން
ވެދުންއަރުއްވައިގަތުން
މ ރަސްމީގޮތުން ކުރާ ވެދުން ބަލައިގެންނެވުން
ވެދުންއެޅުން
މ (1) ހަދިޔާގެ ގޮތުން ރަސްރަސްކަލުންނަށް ގެންނަ އެއްޗެހި ކޮޅު އެރަސްކަލަކު ހުންނަވާ ތަނަކަށް ނުވަތަ އެންގެވި ތަނަކަށް ގެންދިއުން (2) ރާއްޖެއިން ބޭރަށް ގޮސްފައި އަންނަ ރާއްޖެތެރޭގެ އޮޑިފަހަރުން ސަރުކާރަށް ވެދުންކުރުން
ވެދުންއޮޑި
ނ ވެދުން ގެންދާ އުޅަނދު
މޫނުންބާނި
ނ (1) ވެދުން ނުވަތަ ހަދިޔާ (2) )ސ ( ރަށްމެދު މާލޫދު ކިޔާއިރު މީހުން އެހީއަކަށް ދޭފައިސާ ނުވަތަ ތަކެތި
ދަންބެރުބޭލުން
މ ދަންބެރު ޖަހާންވާވަގުތު ދަންބެރު ނުޖެހިއްޖެނަމަ ދަންބެރު ޖަހާން އޮންނަ ބެރާއި ދަނޑިގަނޑު ނާބުސްޚާނުން ބާލައިގެން ދެގެދޭތެރެއަށް ގެންދިއުން މިހެންހަދަނީ ދަންބެރުޖަހާ މީހާ ޖޫރިމަނާ ކުރުމަށެވެ ދަންބެރު ބާލައިފިނަމަ ބެރުލިބޭނީ ބޮޑުބޭކަލަކު މެދުވެރިކޮށް ރަދުންނަށް އަށްލާރިން ވެދުން ކޮށްގެންނެވެ
ގޮށިމޫނުންބާންޏާދިއުން
މ ޚާއްޞަ މުނާސަބަތު ތަކުގައި ރަސްކަލަކަށް ނުވަތަ ރަސްކަލެއްގެ އަނބިކަނބަލަކަށް ނުވަތަ ދަރިކަނބަލަކަށް އަންހެނުންކުރާ ޚާއްޞަ ވެދުމެއް ކުރުން. މިވެދުން ކުރާނީ އެކިބައި ބަޔަށް ވަކިވަކީންނެވެ. މިވެދުންގެންދާނީ ރަންވަރަނގުހިއްޕައިފައިވާ ބޯކަރުދާހު ގޮށްޓެއްގައެވެ ރާއްޖެ ތެރޭގައިނަމަ ވިޔެފައިވާ ގޮށްޓެއްގައެވެ މިދިއުން ދާއިރު ކޮންމެ މީހެއްގެ އަތުގައި ގޮށްޓެއް އޮންނާނެއެވެ
ޒިކުރަށްއެރުން
މ ރަދުންނަށް ވެދުން ކޮށްގެން ޒިކުރުކުރުމުގެ ހުއްދަ ހޯދުން