radheef.info
ރަދީފު


ވިދިވިދިގެން
ކއ (1) މެދުނުކެނޑި
(2) ޖެހިޖެހިގެން
ވިދިވިދިގެން
ކއ (1) މެދުނުކެނޑި (2) ޖެހިޖެހިގެން
ކޯޓުވުން
މ (1) ތާހުގެ ބުރިޖްކުޅޭއިރު އެއްބަޔަށް ހުރިހާއަތް ލިބުން (2) އާދައިގެ ގޮތަށް ތާސްކުޅޭއިރު ވިދިވިދިގެން އެއްބަޔަށް ހަތްއަތްބައި ލިބުން މީން ކޮންމެގޮތެއްގައިވެސް ކޯޓުވާނީ ދެރަވާ ބަޔެކެވެ
ރަސް
ނއ (1) ރަސްގެފާނަށް ނުވަތަ ރަސްކަމަށް ނިސްބަތްވާ (2) މޮޅު މިސާލު: ރަސްއައިން (3) އެންމެބޮޑު މިސާލު: ރަސްމަގު (4) އެންމެ ލޯބިވާ މިސާލު: މަގޭ ރަސްދަރިފުޅު (5) ނ ފަސްއޮށްކުޅޭއިރު ވިދިވިދިގެން ހަތްލަނޑުދިނީމާ ނުވަތަ ހުސްފުށަތުން ލާއިރު އޮށްބައި އެކަށް ހިފުނީމާ ކިޔާނަން
ރާޅުބާނި
ނ ވިދިވިދިގެން އަންނަ ރާޅުފަތި
ބަލިފޫޅި
ނ ރާޒުވާފަދަ ކުޅިވަރު ކުޅެގެން ވިދިވިދިގެން ތިންފަހަރު ބަލިވިމީހާ
މިސާލު: "މިއޮޑިއަށް އަރާ ބާނި!" ބާނި
ނ (1) މާކަނޑުގައި ނުބިންދާ ހިނގާ ދިގުރާޅު (2) ވިދިވިދިގެން އަންނަރާޅުފަތި (3) އަޑިން ފެންމައްޗަށް އަރާއޮއިވަރު (4) ނަނަކަށް އަމުނައިގެން ދުއްވާ ސަޑުނެތް ހަވަޔެއް (5) ލަކުޑީގެ އޮޅުފަށް (6) ހަތްބޮޅު އުއީގެ ކެއްޓު (7) ނަނު އެއްލާން އަތަށްކަހާލާ މިންވަރު (8) ކ އާދޭ މިމާނާގައި މިބަސް ކިޔާ އުޅެނީ "ބަނދި" ފަދަ އެއްޗެތީގައެވެ
ކިރިއްސުން
މ (1) ތޫނުކަމަކުން އޮށީން ފަންވަތްތައް ވިދިވިދިގެން ވަކިކުރަމުން ގަޔާދުރަށް ގެންދިއުން (2) ކެޔޮފަތް ދަޅީން ވަކިކުރަމުން ގަޔާދުރަށް ގެންދިއުން (3) ތޫނު އެއްޗަކުން އެޅިގެން ހަށިގަނޑުގެ ބޭރުފުށުން ތަނެއް ދިގުކޮށް ނޮޅިގެންދިއުން
އަބަ
ނ (1) ވިދިވިދިގެން (2) ކެނޑިނޭޅި
އެކުއެކުގައި
ކއ (1) ވަކިވަކިނުކޮށް (2) ވިދިވިދިގެން (3) އެއްފަހަރާ
މުއާލާތްކެނޑުން
މ (1) ވިދިވިދިގެން ކުރަންޖެހޭ ދެކަމެއްގެ ދެމެދުގެ ހިނދުދިގުވުން (2) މަޖާޒު: ބައެއް ކަހަލަ ކަންތަކުގެ ވަގުތު ފާއިތުވުން
މުވާލާތްކުރުން
މ ވިދިވިދިގެންކުރުން
މެދުކަނޑާލުން
މ (1) ވިދިވިދިގެން ކުރަމުން އަންނަ ކަމެއް ދުވަސް ކޮޅަކަށް ހުއްޓައިލުން (2) ކޮށްކޮށްހުރިކަމެއް ވަގުތު ކޮޅަކަށް ހުއްޓާލުން
މެދުކެނޑުން
މ (1) ވިދިވިދިގެން ހިނގަމުން އައިކަމެއް ނުވަތަ ކުރަމުން އައިކަމެއް ނުވެ ވަގުތުކޮޅެއް ނުވަތަ ދުވަސްކޮޅެއް ދިއުން (2) ވަކި އުޞޫލެއްގެ މަތިން ހިނގަމުން އަންނަކަމެއް އެއުޞޫލުން ލަސްވުން
ފަށްވުން
މ (1) ވިދިވިދިގެން ކަމެއްވުން (2) ފަށްކޮށްލުން މިބަހުގެ (1) ވަނަ މާނަ ބަލާ!
ފަށްފަށްވުން
މ (1) ތަކުރާރުވުން (2) ވިދިވިދިގެންވުން
ފުލުފުލުން
ކއ (1) އެއްޗަކަށް ފަހު އެއްޗެއް (2) ވިދިވިދިގެން
ތިންބަލިވުން
މ ރާޒުވާއާއި ތިންހަމަ ކުޅޭއިރު ވިދިވިދިގެން ތިންގަނޑުން ދެރަވުން
ތިންފަށްކުރުން
މ (1) ވިދިވިދިގެން ތިންފަހަރު އެކަކާ އިނދެވަރިކުރުން (2) ތިންފަށް ވަރިޔަކުން ވަރިކުރުން
ތިންފަށްވުން
މ (1) އަންހެނަކު ވިދިވިދިގެން ތިންފަހަރު އެކަކާ އިނދެތިންފަހަރަށް ވަރިވުން (2) އަންހެނަކު ތިންފަށް ވަރިޔަކުން ވަރިވުން
ތިންތިންފަށްކުރުން
މ ވުޟޫކުރުމުގައި އެއްގުނަވަނަކަށް ވިދިވިދިގެން ތިންފަހަރު ފެންލުން