radheef.info
ރަދީފު


އަތޮޅު
ނ އެތައް ރަށެއްގެ މައްޗަށް އެކުލެވިގެންވާ ބައެއް. މިސާލު: މާލެއަތޮޅު
ފާދިއްޕޮޅު
އަތޮޅު
ނ އެތައް ރަށެއްގެ މައްޗަށް އެކުލެވިގެންވާ ބައެއް. މިސާލު: މާލެއަތޮޅު ފާދިއްޕޮޅު
އެޔަ
ނ މާލެއިން ދެކުނުގެ ބައެއް އަތޮޅުއަތޮޅުގައި އަންހެނަކަށް ނިސްބަތްކޮށް އޭނާއޭ ބުނުމުގެ ބަދަލުގައި ބުނެއުޅޭއެއްޗެއް
އެޔޯ
ނ މާލެއިން ދެކުނުގެ ބައެއް އަތޮޅުއަތޮޅުގައި ފިރިހެނަކަށް ނިސްބަތްކޮށް އޭނާޔޭ ބުނުމުގެ ބަދަލުގައި ބުނެއުޅޭ އެއްޗެއް. މިބަސް ސުވާލެއްގެ ގޮތުގައިވެސް ބޭނުންކުރެއެވެ. މިސާލު: އެއީކީއްވެގެންހޭ އެހުމުގެ ބަދަލުގައި އެއީކޮންއެއްޗެއްހޭ އެހުމުގެ ބަދަލުގައި އެއީ ކިހިނެއްހޭ އެހުމުގެ ބަދަލުގައި
ހަމަފަޅު
ނ އަތޮޅު އަތޮޅުގެ ބޭރުދުނި
ހަތަރުއަތޮޅުމެދު
ނ އަރިއަތޮޅާއި ނިލަންދެ އަތޮޅުގެ އިރުން ފެލިދެއަތޮޅާއި މުލަކުއަތޮޅުގެ ހުޅަނގުން އޮންނަ ކަނޑު
ހަތިކޮޅު
ނ (1) މަޑައިގައި ހަރުކޮށްފައި އޮންނަ ހެތުރު މަޑަދަނޑީގައި ކުޑަގޮތަކަށް ހަރުކޮށްލުމަސް ބޭނުންކުރާ ބަލިބަލި ވަކަފަށްފަދަ ތަކެތި. (2) ކުރުމަހަށް ބުޅިންޖެހުމަށް ބުޅީގައި ހަރުކޮށްފައި އޮންނަ ހެތުރު ދޮށްދަނޑީގައި އައްސާލުމަށް ގެންގުޅޭފަށް. (3) ފައްތައިގެން މަސްވެރިކަން ކުރާއިރު އެންގަނޑު އަޅާފައި އޮންނަ ބުޅި އަޑިއަށް ފޮނުވުމަށް ބުޅިގައިލާ ބަރު އައްސާފައި އޮންނަ ފަށް. އެ ބަރު އަޑީގައި ޖެހުމުން މައްޗަށް ނަގައި ނަނު ތަޅުވާލީމާ ހަތިފަށް )ހަތިކޮޅު( ކަނޑައިގެން ހިގައިދާނެއެވެ. (4) މާލެ އަތޮޅު ހުޅަނގު ދެކުނު ކަންގައި އޮންނަ ކަނޑުއޮޅިއެއް މިކަނޑުއޮޅި ވަރަށް ދުރުން ހޭލަމުން ގޮސް ވަރަށް ތިލަވާނެއެވެ
ހުރާ
ނ (1) ފަޅުފަޅުގައި އަކިރިއާއި ގަލުން ހިކިފައި ހުންނަ ތަންތަން މިތަންތާނގައި ގަސްގަހާ ގެއްސެއްނުހުންނާނެއެވެ (2) ހުރާގަނޑު (3) ކ އަތޮޅުގެ ރަށެއްގެ ނަން
ހުއިވަނި
ނ (1) މޫދުގައިއުޅޭ ދިރޭއެއްޗެއް މިއޮންނަނީ ބިޗުލެއްގެ ސިފައިގައެވެ (2) ނ އަތޮޅުގެ ފަޅުރަށެއްގެ ނަން (3) ހުވަނި
ރައްޔިތުންގެދިދަ
ދިވެހި ދިދަޔާ އެއްގޮތަށް ކުލަތައް ހުރެފާ ހަނދުފަޅީގެ ބަދަލުގާ ހުދުކުލައިން އެއަތޮޅެއްގެ އަކުރު ޖަހައިފައި ހުރި ދިދައެއް މި ދިދަ ބޭނުން ކުރައްވައި އުޅުއްވީ އަތޮޅުވެރިން އަތޮޅު ތެރޭގައި ދަތުރު ކުރައްވާއިރުއެވެ
ރަސްފަރި
ނ (1) ރަސްކަމަށް ކޮލިލާ ދުވަހު އައްޑަނަ ކޮއްޓާ ދަނޑި ކޮއްޓާ ދެކޮށީން ދެއެދުރު ބޭކަލުން ނުވަތަ އެފަދަ އެހެން ދެމީހަކު ނުކުމެ ގުޅަކުޅޭ ފަސްގަނޑުގައި އަޅާފަރިއެއް (2) ކ އަތޮޅުގެ ފަޅުރަށެއް
ބަނޑަވެރި
ނ )ބ ( (1) ބަނޑޭރި (2) ރ އަތޮޅުގައި އޮންނަ ރަށެއްގެ ނަން
ބެދުން
މ (1) ދިޔާއެއްޗެހި އޮލަވެ ގަނޑުގަތުން މިސާލު: ހަލުވިދާއާއި ކަސްޓަޑު ފަދަތަކެތި ކައްކައިފައި ބެހެއްޓީމާ ބެދެއެވެ (2) ދިޔަވަރު ހިކެމުންގޮސް ފަޅުމަތީގެ ބިންގަނޑު ހިކުން މިސާލު: ދިޔަވަރުހިކި ފަޅުމަތި އޮތީ ބެދިފައެވެ (3) މީހާގެ ކިބައިން ވެފައި އޮތްކުށެއް ސާބިތުވުން މިސާލު: އޭނާވަނީ އެކުށުގައި ބެދިފައެވެ (4) ކުރިޔަށް ދެވޭނެ ގޮތެއް ނެތުން މިސާލު: އޭނާކުރި ކުށެއްގެ ސަބަބުން ކުރިޔަށް ދިއުމުގެ މަގުއޮތީ ބެދިފައެވެ (5) ދެއެއްޗެއް ތަތްވެ އެކަތި ގަނޑަކަށްވުން މިސާލު: އޭނާގެ އަތުގެ މުލައް ދަނޑިން ވަކިވި ކަށިގަނޑު ކުރިފަރުވާއެއްގެ ސަބަބުން މިހާރު ބެދިއްޖެއެވެ (6) ހިންމިޔާއި ލޯވަޅު ފަދަތަންތަން ބަންދުވުން މިސާލު: ދޯނީގެ ހިންމިތައްވަނީ ކޮޅައި މަދަން އަޅައިގެން ބެދިފައެވެ (7) އަނގަބެދުން ވާހަކައެއް ދައްކައިގެން ކުރިނުލިބުން މިސާލު: އަހަރެންދެއްކި ވާހަކައިން އޭނާގެއަނގަބެދިއްޖެއެވެ (8) މަޅިޔެއް ނުވަތަ ގޮށެއްފަދަ އެއްޗެއް ބާރުވުން މިސާލު: ފިނދަނަ މަޅިފަތީގައި ބެދިއްޖެއެވެ (9) ކަޑައްތުވުން މިސާލު: މާލެއަތޮޅުން ބ އަތޮޅަށް ދެވޭނީ ކާށިދޫ ކަނޑު ބައްދައިގެންނެވެ )01( ކުރިޔަށްނުދެވޭ ގޮތްވުން މިސާލު: އޭނާ ހިނގަމުން ދަނިކޮށް މަގުމަތީގައި ދުއްވާ އެއްޗިހީގެ ސަބަބުން މަގު ބެދިއްޖެއެވެ
ބޭރުދުނި
ނ އަތޮޅުގެ އެންމެބޭރު ފަރު
ބޮއްޔާދިއުން
މ ވާރުނަގައި އުޅުނު ޒަމާނުގައި އެކިއެކި އަތޮޅު އަތޮޅުން ފުނަވާރަށްނެގޭ ބޮލި ބަލާ ރަސްމީ ގޮތުން ހަނގުބޭކަލުން ދިއުން
ބޮޑުހިތި
ނ (1) އިހުގައި ރަސްކަމުގެ ފަރާތުން ރަސްމީގޮތުން ފާހަގަ ކުރާ ދެދުވަހާއި އެދެދުވަހުގެ ރެއަށް ކިޔާ އުޅުނު ނަމެއް. ރަމަޟާންމަހުގެ ބާވީސް ވަނަ ދުވަހަކީ ހެންވޭރު ބޮޑުހިތި ދުވަހެވެ. އެދުވަހުގެ ރެއަކީ ހެންވޭރު ބޮޑުހިތި ވިލޭރެއެވެ. ރަމަޟާންމަހުގެ ސައުވީސް ވަނަ ދުވަހަކީ މާފަންނު ބޮޑު ހިތި ދުވަހެއެވެ. އެދުވަހުގެރެއަކީ މާފަންނު ބޮޑުހިތި ވިލޭރެއެވެ. ހެންވޭރު ބޮޑުހިތި ވިލޭރޭ ރަދުން ރަސްމީ ޢިއްޒަތުގައި ހިއްޗަށް ވަޑައިގަންނަވާނީ ލޮނުޒިޔާރަތްކޮޅުގައި ހުންނަ ޙަބުޝީގެފާނުގެ މަޤާމުފުޅަށް ޒިޔާރަތްކުރައްވައި ފާތިޙާ ވިދާޅުވާށެވެ. މާފަންނު ބޮޑުހިތިވިލޭރޭ ރަދުން ޢިއްޒަތުގައި ވަޑައިގަންނަވަނީ ޢަލިރަސްގެފާނުގެ ޒިޔާރަތަށް ފާތިޙާ ވިދާޅުވާށެވެ. (2) މާލެއަތޮޅުގެ ފަޅުރަށެއް (3) އާދައިގެ ހިތިގަސް
ބޮޑުނައިބު
ނ (1) ފަނޑިޔާރުގޭ ނައިބުންކުރެ އިސްނައިބު (2) އަތޮޅުގެ ނައިބުންކުރެ އިސްނައިބު
ކަނޑަދޭހަ
ނ )ސ ( އައިންމަތީ ދޫންޏެއް މިއީ އަތޮޅު އޮބާހައި ހިސާބުދުރުގައި އުޅޭ ދޫންޏެކެވެ މިދޫނީގެ ބަނޑުދޮށް ކަޅުވާނެވެ މިއީ ހޯގުޅާއާ ވައްތަރު ދޫންޏެކެވެ
ކަނޑި މިޔަރު
ނ ނިގޫފަތުގެ މަތީބައި ކަނޑިޔެއްހެން ހުންނަ މިޔަރެއް. ނިގޫފަތުގެ މިބައިގެ ދިގުމިން މުޅިމިޔަރުގެ ހަށިގަނޑުގެ ދިގުމިންވަރުވެއެވެ އާއްމުކޮަށް މިއުޅެނީ އަތޮޅުން ބޭރުގައެވެ މިއީވަރަށް ބާރަށް ދަތުރުކުރާ ވަރުގަދަ މިޔަރެކެވެ
ކަނޑިންމަ
ނ (1) ބޮޑެތިފުޅާނެރު (2) ޤުދުރަތީގޮތުން ތޮށިން ކެނޑިފައި ހުންނަ ބޮޑެތި ތަނަވަސް ތަންތަން (3) ދ އަތޮޅު ވާނީ ކައިރީގައި އޮންނަ ފަޅުރަށެއް
ކަޅި
ނ (1) ލޮލުތެރޭގައި ކަޅުކޮށް ހުންނަބަޔާއި ހުދުކޮށް ހުންނަބައި. (2) މަހުގެ މައިކަށީގެ ބަނޑުފަރާތުގައި ގެތިފައި ހުންނަ ކަށިތަކުގެ ތެރޭކަޅުކޮށް ހުންނަ އެއްޗެއް. (3) ކަޅިމަސް. (4) ތަވީދުފަދަ ތަކެތީގައި ދިޔާ އެއްޗެތި އުނގުޅާ އުނގުޅުން. (5) މާލެއަތޮޅު ކަނޑުއޮތް ގިރިއާއި ކަނިފިނޮޅާއި ދޭތެރޭ )މިއީ ކުޑަކަޅިއެވެ ( (6) މާލެއަތޮޅު ފުރަންނަ ފުއްޓާއި ފަރުކޮޅު ފުއްޓާއި ދޭތެރޭ )މިއީ ބޮޑު ކަޅިއެވެ
ކަފުއޮޑި
ނ ކަލާސީން ދަތުރުކުރާން އަތޮޅު އަތޮޅުން ގެންނައޮޑިއެއް. މިއީ ވާރު ނެގި ޒަމާނުގައި ވާރުގެ ތެރެއިން ހިމެނިގެންވާ އެއްޗެކެވެ