radheef.info
ރަދީފު


ކޮށާރު
ނ ހަބިތް ނިރޮޅުން ނުވަތަ ގަސްވަކަރުން ހަދައިފައި ހުންނަ ބަނޑަހަގެޔެއް. މީގެ ދޮރުހުންނާނީ
އެއް މަޅުގަނޑަށްފަހު އަނެއް މަޅުގަނޑު ނަގައިގެން ހުޅުވޭ ގޮތަށެވެ
ކޮށާރު
ނ ހަބިތް ނިރޮޅުން ނުވަތަ ގަސްވަކަރުން ހަދައިފައި ހުންނަ ބަނޑަހަގެޔެއް. މީގެ ދޮރުހުންނާނީ އެއް މަޅުގަނޑަށްފަހު އަނެއް މަޅުގަނޑު ނަގައިގެން ހުޅުވޭ ގޮތަށެވެ
ބަނޑުފަންވަތް
ނ މާކޮށާރު ބަނޑޭރިއެއްގެ އަތުގައި އޮންނަ ބަނޑުހަނޑޫ ދެއްވައިފައިވާ މީހުންގެ ލިސްޓު
ބަނޑުދޭފިލާ
ނ ބަނޑުދޭއިރު މާކޮށާރު ބަނޑޭރިއަކާއި ދަންޑެހެލު ބޭކަލަކު އިށީންނަވަން ތަޅަމުތެރޭގައި އޮންނަ ފިލާ
ބަނޑޭރިބޭކަލުން
ނ މާބަނޑޭރި ބޮޑުބަނޑޭރި މާކޮށާރުބަނޑޭރި ބޮޑުކިބާބަނޑޭރި ކުޑަކިބާބަނޑޭރި މިފަސްބޭކަލުން. ބައެއްކަންތަކުގައި ދެނގަޑުވަރު ބަނޑޭރިންނާ ދެބަނޑަހަލުގެ ބަނޑޭރިންވެސް ބަނޑޭރިބޭކަލުންގެ ތެރޭގައި ހިމެނެއެވެ
ކޮށާރަ
ނ )ސ ( ކޮށާރު
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
މަޅު
ނ (1) އަށި އެނދާއި އޮޑިދޯނިފަހަރު އެއްޗެހީގައި އަޅަން ބޭނުންކުރާ ފިލާބުރިބުރި (2) ކޮށާރުގެ ދޮރުގައި ބޭނުންކޮށްފައި ހުންނަ ފިލާބުރިބުރި މިއިން ކޮންމެ ފާޑެއްގެ މަޅެއްވެސް ހުންނާނީ ނަގާ އެޅޭ ގޮތަށެވެ (3) ކިލާ ތަކެތި ތަތްވެގެންގޮސް ވާހަރު (4) ގަހެއްގެ ލަކުޑިން ނުކުންނަ ކިރެއް )މިއީ ދިވެހިބޭހަށާއި ވަރުނީސް ފަދަ ތަކެތި ހެދުމަށް ބޭނުންކުރާ އެއްޗެކެވެ ( މިސާލު: ރުގުންމަޅު
މަޅުއެޅުން
މ (1) އޮޑިދޯނި ފަހަރާއި އެނދު އަށިފަދަ ތަކެތީގައި އިށީނދެއޮށޯވެ ހެދުމަށް ހުންނަބައިގައި ވަކި ތަރުތީބަކުން ފިލާއެޅުން (2) ކޮށާރުގެ ދޮރާއި ބިތްބެއްދުމަށް ފިލާލެއްވުން
މާކޮށާރު
ނ ބޮޑުކޮށާރު )އިހުގައި ސަރުކާރުގެ ހަނޑޫ ރައްކާކުރުމަށް ލަފާ ހުންނަ ކޮށާރު ނުވަތަ ގުދަން
މާކޮށާރުބަނޑޭރި
ނ މާކޮށާރުގެ ކަންތައް ބަލަހައްޓާވެރިޔާ
މާކޮށާރުބަނޑޭރިކަން
ނ މާކޮށާރުގެ ކަންތައް ބެލެހެއްޓުމުގެ ވެރިކަން
ތަޅުމަޅުގަނޑު
ނ ކޮށާރުފަދަ ތަންތާގެ ދޮރުގައި އަޅައިފައިވާ މަޅުތަކުގެ ތެރެއިން އެމަޅުގަނޑެއް ނެގުމުން ފަހުން އަޅާ މަޅުގަނޑު ނެގޭގޮތަށް ހަދައިފައި ހުންނަ މަޅުގަނޑު މި ހަދައިފައި ހުންނަނީ އެލުވާތަޅެއް ހަރުކުރެވޭގޮތަށެވެ