radheef.info
ރަދީފު


ހަތަރު
ނއ ގުނުމުގެ ހަތަރު ވަނަ އަދަދުގެ ނަންއިތުރު މިސާލު: )ހ( ހަތަރުފަރާތް
)ށ( ހަތަރު މަޛްހަބް
ހަތަރު
ނއ ގުނުމުގެ ހަތަރު ވަނަ އަދަދުގެ ނަންއިތުރު މިސާލު: )ހ( ހަތަރުފަރާތް )ށ( ހަތަރު މަޛްހަބް
ހަކިބަ
ނ ހަފަރާތް. އެއީ ހަތަރުފަރާތާއި މައްޗާއި ތިރިއެވެ
ބަށިގަން
ނ ބަށީގައި ކައްކާ ފޮނި ހިކިރިހައެއް. މިހަދަނީ ބަށި މުޅިން ވަކިނުކޮށް ހަތަރުފަޅިއަށް ފަޅާ ވަކި ވަރަކަށް މަޑުކޮށްލުމަށްފަހު އޭގެ ތެރޭގައި ހުރި އޮށްތަކާއެކު ކަރުގަނޑުނަގާ މަސްކޮޅެއްމޮޑެ އޭގެ ތެރެއަށް ލޮނުމިރުސް ހަވާދުކޮޅަކާ ބަށިން ނެގި ބަޔާ އަޅައިއެއްކޮށް މޮޑެ އެއިން އެއްބައި ބަށީގެ އެތެރެއަށް އަޅައި ރޮދިން ބަށިބަނދެލާ ގިތެޔޮފޮދެއްގައި ބާކީ ހުރި ހަވާދުކޮޅު އަޅައިގެން ފުށްފުށަށްޖަހައި ރަނގަޅަށް ރޯފިލުވައިގެންނެވެ
އެޕްރީލް
ނ އިރުމަހުގެ ހަތަރުވަނަ މަސް މިމަހަށް އަޕްރީލްވެސް ކިޔައެވެ
ވަރަފަތް
ނ އުދުހޭސޫފީގެ ފިޔަގަނޑުގައި އެންމެ ކުރިއަށް ހުންނަ ހަތަރު ފަތް
ފަތިގަނޑުޖެހުން
މ ކުޅޭ ކުޅިވަރެއް. މިއީ ގާތްގަނޑަކަށް ކައިވަތެއްގެ ދިގު ދެއިންޗި ފުޅާ ހޮޅިކޮށް އޮންނަ ހަތަރުގަނޑު ފަތިން ކުރެ އަތެއްގެ ތެރެއަށް ދެގަނޑު ފަތިލައިގެން ދެގަނޑު ދެގަނޑަށް ވަކިހަމައަކަށް ޖަހަމުން ކުޅޭ ކުޅިވަރެކެވެ. މިހަދައިފައި ހުންނަނީ އޮނުން ނުވަތަ ލަކުޑީންނެވެ. މި ކުޅިވަރު ކުޅެނީ ބަނޑިޔާ ނުވަތަ ޑަބިޔާ ޖަހައި ލަވަކިޔައިފައެވެ އަދި ޑަބިޔަލާއި ބަނޑިޔަލާއި ދޭތި ޖަހައިފައިވެސް މި ކުޅިވަރު ކުޅެއެވެ
ފަތިސްދަންމަތި
ނ (1) ފަތިސް (2) ފަޖުރުލާ ވަގުތު (3) ރޭގަނޑު ހަތަރެއް ޖެހީއްސުރެ އިރުއަރަންދެން (4) ރޭގަނޑުގެ ހަތަރުދަމުން އެންމެ ފަހުދަން
ހައްޔަރުން ނެއްޓުން
މ (1) ބަލިވެ އިންމީހާ ހަތަރުމަހުގެ ކުރީގައި އެކަމުން ނެއްޓުން (2) ބައިގެންދިޔުން
ހަވާދުގޮށި
ނ ކަރުދާސް ފަތް ޖަހައިގެން ހަތަރުފޫ ލައިފައި ހަދާގޮށި
ހަވީރު
ނ (1) ދުވާލުގެ ހަތަރުބައިކޮށް ފަހުބައި (2) އަސުރުވަގުތާއި އިރުއޮއްސޭ ވަގުތާދެމެދު
ހަފަރާތް
ނ (1) ހަކިބަ (2) ހަތަރުފަރާތާއި މައްޗާއި ތިރި
ހަތަރަގި
ނ (1) ހަތަރު އަގި (2) ދޮޅަހަގީގެ ދެބައިކުޅަ އެއްބައި
ހަތަރު ބީރުންގެ ވާހަކަ
(މިސާލުބަހެއް) ހަތަރުބީރުން ދެއްކިކަމުގައި ބުނެވޭ ވާހަކައެއް. މީގައި އެކަކު ކިޔާ އެއްޗެއް އަނެކަކަށް އޮޅުން ނުފިލައިގެން އެކި މީހުން ދެއްކީ އެކި ވާހަކައެވެ. ބައަކު މިބާވަތަށް ވާހަކަ ދައްކަންޏާ މިސާލަކަށް ބުނެއުޅެނީ "އެ ދައްކަނީ ހަތަރު ބީރުންގެ ވާހަކަ" އެވެ.
ހަތަރުބައިންބައި
ނ ހަތަރު ބައިކުޅަ އެއް ބައި
ހަތަރުބިތް
ނ ހަތަރު ފަރާތް
ހަތަރުބޯފޮޅި
ނ ބޯފޮޅި ފިހެގެން މައްޔިތުންގެ މައްޗަށް ފާތިޙާ ކިޔަވައި އުޅުނު 4 ދުވަސް (އަހަރެއްގައި އަންނަނީ މިބާވަތުގެ ހަތަރު ދުވަހެވެ.) އެއީ (1) ރަޖަބު ބޯފޮޅި، ޖުމާދަލްއާ ޚިރާމަހު 29 ވަނަދުވަސް، (2) ހިޔަރަކާތްބޯފޮޅި، ޝަޢުބާންމަހު 14 ވަނަދުވަސް، (3) ރޯދަބޯފޮޅި، ޝަޢުބާންމަހު 29 ވަނަދުވަސް، (4) ހައްޖުބޯފޮޅި ހައްޖުމަހުގެ 8 ވަނަދުވަސް. ). މިގޮތަށް ފިހާފޮޅި އެދުވަސް ދުވަހުގެ ހަވީރު މިސްކިތަށް ގެންގޮސްގެން ހުރިހާ މައްޔިތުންނަށް ފާތިހާ ކިޔަވައި ހަދައެވެ. އިހުގައި މި ރާއްޖޭގެ ކޮންމެ ގެއެއްގައިމެ މި ފޮޅިފިހެ ފާތިހާ ކިޔަވައެވެ.
ހަތަރުކަންކަށި
ނ އޮޑިދޯނިފަހަރުގެ ދެމައްޔާ ކައިރީން ބޭރު ހަތަރު ފަރާތް އެއީ ދިރުނބާކޮޅުގެ މައްޔަލާއި ހުރަސްފިލަޔާ ދޭތެރެއެވެ ކޮޅުފަސްކޮޅުގެ ދަށްމަޅުގެ ކޮޅުފަސްކޮޅުން ފެށިގެން މައްޔަލާއި ދޭތެރެއެވެ
ހަތަރުކަންކައްޓަށްހިފުން
މ އޮޑިދޯނިފަހަރު އަޅާއިރު ދެމައްޔާ ކައިރިން ބޭރު ހަތަރުފަރާތަށް ވައު ހިފައިފައި އޮޑިއަޅައިފައި އޮތުން
ހަތަރުކަޅިހަމަވުން
މ (1) އެކަކު އަނެކަކަށް އެއްފަހަރާ ލޯފެންނަގޮތަށް ބަލައިލެވުން (2) ހަތަރުކަޅި ބައްދަލުވުން
ހަތަރުކަޅިބައްދަލުވުން
މ ހަތަރުކަޅި ހަމަވުން
ހަތަރުއަނގޮޅި
ނ ދެމަގެއް ބުރަފަތިވާތަން މިތާ ހުއްޓި ހުންނައިރު ހަތަރު ފަރާތަށް ހަތަރުމަގު އޮންނާނެއެވެ