radheef.info
ރަދީފު


ކުއްޖާ
ނ (1) އުމުރުން ޅަމީހާ
(2) ޒުވާންމީހާ
ކުއްޖާ
ނ (1) އުމުރުން ޅަމީހާ (2) ޒުވާންމީހާ
ހަނގާ
ނ (1) ކުރާއުނދަގޫ (2) ތޮޅޭތޮޅުން (3) ޅަކުއްޖާ މީހަކާ އަޅާލައިގެން އެޖައްސާ ވައްތަރު (4) (ޏ) ބުޅާކުޅުވާ ފިހިގަނޑު
އެލަންގަލަން
ނ ކުޑަކުދިންކުޅޭ ކުޅިވަރެއްގެނަން. މިކުޅިވަރު ކުޅެދޭވެރިޔަކަށް އިންނަ މީހަކަށް ކިޔަނީ "މުނި" މިހެންނެވެ. ދެން އެއްކުއްޖަކު އިލޮށްޓެއް ހިފައިގެން މުނީގެ ކުރިމަތީގައި ހުންނާނީއެވެ. އެ އިލޮށްޓަށް ކިޔަނީ "ކަނޑި" އެވެ. އެހެންކުދިން ކައިރީގައި ވަށްކޮށްލައިގެން ތިބޭނީއެވެ. ދެން މުނި ކިޔައިދޭނީ ބަންޖެކެވެ. މިއޮންނާނީ ދެބަޔަކަށެވެ. ކުރީބަޔަކީ "އެލަންގަލަން މިލަންގަލަން ސުދުންޏާ ފާހަގަލަން އަބުސީލަން ނުމަސްލަނޑާ ހިކާކުރުބުޅި ވަލަށްފިލަން ދާންދޭ" މިހެންކީމާ އިލޮށި ހިފައިގެން ހުންނަ ކުއްޖާނޫން ހުރިހާ ކުދިން ފިލަންދާނީއެވެ. ދެންކިޔާނީ "އަލީލާން ބަލީލާން ހަތް ދެގޮބޮޅި ފަތީލާން ފަތިގެންގޮސް މޫދުލާން އަރިޔަށްދޫ ގަހުރަތްމާ އަދިނުފޮޅޭ ކުދިރަތްމާ މާލެމަތިންގޮވާލިހާ ރަތްދަނޑި ރަތްކަކާކޯ އަލިވިލޭތަ ރޭވިލޭތަ ހާލެއްތާ ކުކުޅެކޭ؟" ތަކާކޮށީ އެންމެން ކަތިލާ މަރަން ދާންދޭ ފަހުންމިއަންނަ ދެސުވާލަށް ފިލަންދިޔަ ދެކުދިން ޖަވާބުދޭންވާނެއެވެ ދެންއެއިލޮށީން ނުޖެހި މުނިކައިރިއަށް އާދެވުނު ކުއްޖަކު މޮޅުވީއެވެ މިކުއްޖާ އައިސް މުނިގައިގައި އަތްލާފައި "މުންޏޯތް" މިހެން ގޮވާން ވާނެއެވެ އިލޮށި ޖެހިއްޖެނަމަ ކަތިލެވުނީއެވެ
ހަތްދުވަސްވުން
ނ ވިހާތާ ހަތްވަނައަށް ވާދުވަސް ފާހަގަކުރުން ޅަކުއްޖާގެ ބޯބާލައި ނިޔަފަތިކަނޑައި ޢަޤީޤާ ކަތިލައި ނަންކިއައި ހަދައި އުޅެނީ މިދުވަހުއެވެ އަދި އާދަވެގެން މައިމީހާ ބޭރަށް ލަނީވެސް މިދުވަހުގައެވެ
ހިކަ
ނ ކުޑަކުދީން ކުޅޭ ކުޅިވަރެއް. މިއީ ކުޑަކުދީން ހިކަކީ ކުއްޖާ އަތުލާން ދުވެދުވެފައި ކުޅޭކުޅިވަރެކެވެ ހިކަކީ ކުއްޖާ އަތުލައިފިނަމަ އެއަތުލީ ކުއްޖަކަށް ހިކަލިބުނީއެވެ މިކުޅިވަރު މޫދުގަވެސް އެއްގަމުގައިވެސް ކިތަންމެ ގޮތަކަށް ކުޅެއެވެ
ހިލޭހުރުން
މ (1) ހިމޭނުން ހުރުން (2) ވާހަކަނުދައްކާ ހުރުން (3) ޅަކުއްޖާއަށް އެކަނި ހުރެވުން (4) ތަނެއްގައި ކުއްޔެއްނުދީ ހުރުން
ހުވަރޮދި
ނ ކުއްޖާއަށް ހަތްދުވަސްވާ ދުވަހު އަތްފައިގައި ފުރަތަމަ އަޅައިދީ އުޅުނު ނުއިރޮދިކޮޅު މިކަމަށް ފައްޓަރުފަށެއް އެޅިޔަސް ކިޔަނީ މިހެންނެވެ
ރަނަ
ނ (1) ލޯބިވާ އަންހެންކުއްޖާ (2) ހިތާވެގެންއުޅޭ އަންހެންކުއްޖާ
ކޯޑިކުޅުން
މ ރަށްފުށުގައި ބޮޑުޢީދުގައި ކުޅެއުޅޭ ކުޅިވަރެއް. މިކުޅިވަރު ކުޅޭއިރު ފިރިހެންކުދިން ކޯޑި ހަދައިގެން ކުޅިވަރުކުޅެމުން )ލަވަކިޔައިނަށަމުން( ހުސްމައިދާނެއް ކަހަލަތަނަކަށް )ކުޅޭބިމަށް( ގޮސް މަޑުކޮށްލައި އެތަނުގައި ކުޅިބަލަންގޮސްތިބޭ އަންހެންކުދިންގެ ތެރެއިން ކުއްޖެއްގެ ބޮލުގައި ކޯޑިޖައްސައިލަނީއެވެ. ދެން ކޯޑިގެންގޮސް ރުކެއްފަދަ ދިގު އެއްޗެއްގައި އަތްނުފޯރާ ހިސާބު މަތީގައި އެލުވަނީއެވެ. މިކޯޑި ކަނޑައިދޭނީ އަންހެން ކުދިންގެ ފަރާތުން ކަނޑައަޅާ ފިރިހެންކުއްޖެކެވެ. ދެން ފިރިހެންކުދިން އެކޯޑި ކަޑައިދިން ފިރިހެންކުއްޖާގެ ގައިގައި އަޅިދެލި ކުރަހައިގެން ގަންހިންގާގޮތަށް މުޅިރަށުގައި ހިންގުވައިފައި ގެނެސް މޫދަށް ލަނީއެވެ. އެއަށްފަހު އަންހެންކުދިން އެކުއްޖާ މޫދުންއަރުވައިގެން ގެންގޮސް ފެންވަރުވައި ނަލަހެއްދުވުމަށްފަހު ކޯޑިޖެއްސި އަންހެންކުއްޖާއާއި ދެކުދިން އަތުގުޅުވައިގެން ކުޅޭބިމަށް ގެންދާނީއެވެ
ނަންކިއުން
މ (1) ކުއްޖާއަށް ނަންދިނުން އާއްމުކޮށް ނަން ކިޔައިއުޅެނީ ކުއްޖާގެ އުމުރުން ހަތް ވަނަ ދުވަހުއެވެ (2) އެއްޗަކަށް ނުވަތަ ތަނަކަށް ކިޔާނޭ ވަކިނަމެއް ކަނޑައަޅައި ފާޅުކޮށް އިއްވުން
ނައްކަވާރު
ނ (1) އޮރިޔާންބުޑު ނައްކަވާރު (2) އޮރިޔާމުން ހުންނަކުއްޖާ (3) ބަންގާޅު ކަނޑުގައި އޮންނަ ނިކުބާރު ކިޔާ ޖަޒީރާތައް
ނައްކަވާރުރާޖާ
ނ މަޖާޒު: ގިނައިން އޮރިޔާމުން އުޅޭ ކުއްޖާ
ނާށިފަތި
ނ ކުރީޒަމާނުގައި އެދުރުގެއަށް ކިޔަވަން ދާކުދިން ކިޔަވަން ނުދާތާ ދުވަސްވުމުން އެކުދިން ގެނެސްގެން އެކުއްޖާގެ އުނަގަނޑުގައި ވާގަނޑެއްޖަހައިގެން ބަންޖެއްކިޔަމުން ކުދިވެރިން ދަމާއިރު ކަރުގައި އަޅަން ލޯނާށިން އަމުނައިފައި އޮންނަ ނާށިފަތި
ރަހިމު
ނ (1) މައިމީހާގެ ބަނޑުގައި ކުއްޖާ އަށަގަންނަ ތަން (2) މާބަނޑު
ރަވޯ
ނ ކުޑަކުދިންނާ ފޮށިގަންނަކަމަށް ބުނާ ދެތްވެއް މީގެ އުނދަގޫ ޖެހުމުން ކުއްޖާ ބަލިވެއުޅެން ފަށައެވެ މަތިބަލައި ރޮއިހަދައެވެ ބޮޑުވުން ހުއްޓި ކަޅުކަޅީގެ ކުލަ ހުދުވެއެވެ ބޯބޮޑުވެ ގާތުން ކިރު ނުބޯންއުޅެއެވެ މިބަލިޖެހިފައިތިބޭ ކުދިންނަށް ރަވޯ ކައިފައިތިބޭ ކުދިންނޭ ކިޔައެވެ
ރަމަންރަމަންފޯލި
ނ ކުޑަކުދިން މުގޯލި އަޅައިގެން ކުޅޭ ކުޅިވަރެއް މިކުޅިވަރުގައި މުގޯލިތައް ހުންނަނީ މެދުގައި އެއް މުގޯލި އަޅައި އޭގެ ވަށައިގެން އެހެން މުގޯލިތައް ހުންނަ ގޮތަށެވެ މިމުގޯލިތައް އަޅާނީ ކުދިން ތިބި ޢަދަދަކަށެވެ މެދު މުގޯލީގައި ހުންނަ ކުއްޖާ ހުންނާނީ ތުނި ފޮތިކޮޅަކުން ކަނުބަނދެފައެވެ އެކުއްޖާ ރަމަންރަމަންފޯލި ކޮބައިހޭ ކިޔާފައި އެއް މުގޯލިން އަނެއް މުގޯއްޔަށް ހިނގާއިރު އޭނާގެ އަތުނުޖެހޭން ވެގެން ކުދީން އެއް މުގޯލިން އަނެއް މުގޯއްޔަށް ދުވާނެއެވެ ކަނުބަނދެފައިވާ ކުއްޖާ މުގޯލިން ބޭރުގައި ހުރި ކުއްޖެއްގެ ގައިގައި އަތްލެވިއްޖެނަމަ އެ އަތްލެވުނު ކުއްޖާ ނުބައިވާނެއެވެ އެއީ ރަމަންރަމަން ފޯއްޔެވެ
ރަސްދުވަނި
ނ މުޅިގަޔަށް ފެތުރޭ ބައްޔެއް ރަސްދުވަނި ޖެހުނީމާ މުޅި ކުއްޖާ އޮންނާނީ ރީނދޫވެފައެވެ ކުޑަކަމުދާ އެއްޗެހިވެސް ރީނދޫ ވާނެއެވެ
ރުޅިބޮއް
ނ މަޖާޒު: ފަސޭހައިން ރުޅިއަންނަ ކުޑަކުއްޖާ
ރޮއިރޮއިކަރުނަފުޅު
ނ (1) ދިވެހިންކިޔާ ވާހަކައެއްގައި އަންނަ ރޯކުއްޖެއް (2) މަޖާޒު: ގިނައިން ރޯކުއްޖާ
ރޯނގާބަޑި
ނ )ސ ( (1) އަރިދަފުސް އަޅައިގެން އުޅޭމީހާގެ ނޭފަތުން އަންނަ އެއްޗެހި (2) މަޖާޒު: އަބަދު ރޯގާ ޖެހިގެން އުޅޭ ކުޑަކުއްޖާ
ރޯބަޑި
ނ ގިނައިން ރޯ ކުއްޖާ