radheef.info
ރަދީފު


ކިޔެވެލި
ނ ކިއެވެލި
ކިޔެވެލި
ނ ކިއެވެލި
ރޫހަ
ނ (1) ކިޔެވެލި ކިޔަވާއިރު އެކިއެކި ސިފަސިފައިގައި ފެންނަ ކަމުގައި ބުނާ ރޫހާނީ ސޫރައެއް (2) ރޫފަ
ރޫހައެރުން
މ ކިޔެވެލި ފުރިހަމައަށް ނޭނގިހުރެ ކިޔެވީމާ ހިތް ވަސްވާސްވެ ބިރުގަނެގެން ގޮސް އެ ކިޔަވާ މީހާއަށް އެކިއެކިގޮތްވުން
ބަޙުރުކިޔެވުން
މ ކިޔަވާގެއަޅައި މާމެލާމެލީން އަންބަލަންލައި ކަނޑަށް ލޭދައްކާނޭ ތަކެތި ފާލަމުގައި ބަނދެގެން ބަޙުރުދުޢާ އާއިއެކު ކިޔެވެލި ކިޔެވުން. ކިޔާނިމުނީމާ ލޭދައްކާއިރު މާވެސްދައްކާނެއެވެ. ލޭދައްކާ ތަކެއްޗަކީ ހާލާއި ވެލަޔާއި ކަހަނބާއި ގެރިބަކަރިފަދަ ތަކެއްޗެވެ މިއިން އެއްޗެއްގައި ލޭ ނެތްނަމަ ލޭ ދައްކާނީ އިނގިލި ކަނޑައިލައިގެންނެވެ
ބަޙުރުކިޔެވެލި
ނ (1) ޚިޒުބުލް ބަޙުރު (2) ބަޙުރު ދުޢާ (3) ކަނޑަށް ފާލަން އަޅައިގެން ކިޔަވާ ކިޔެވެލި
ބާސާ
ނ (1) ކިޔެވެލި ކިޔަވާއިރު ތިމާގެ މަޤުޞަދު ފާޅުކުރުމާއެކު މާތް ރަސްކަލާނގެ ކިބަޔަށް ދަންނަވާ ޘަނާ (2) ބައިސާ (3) ތާސްބައިގައި ރަސްގެފާނުގެ ތަސްވީރު ހުންނަގަނޑު
ބާސާބުނުން
މ (1) "ބާސާ" ކިޔުން (2) ކިޔެވެލި ކިޔަވާއިރު ތިމާގެ މަޤުޞަދު ފާޅުކުރުމާއެކު މާތް ރަސްކަލާނގެ ކިބަޔަށް ޘަނާ ދެންނެވުން
ކިއަވާގެ
ނ (1) ފަންޑިތައިގެ ކިޔެވެލިތައް ކިޔަވާން އަޅާގެ (2) ހިތީކިޔަވާން އަޅާގެ
ކިޔަވާގެ
ނ (1) ބޮޑުދެހިތީގައި ހިތީ ކިޔަވަންގެންދާ ފޮތް ފޮށިތައް ބެހެއްޓުމަށާއި ވިއްސާރަވެއްޖެނަމަ ކިޔަވަން ދާމީހުންތިބޭން ފަނުން އަޅާފައި ހުންނަ ގެއެއް (2) ކިޔެވެލިކިޔަވަން ފުއްޓަރު ފަރާތުގައި އަޅައިފައި ހުންނަގެ (3) އެދުރުގެ
އަންބަލަން
ނ (1) ރޯދަމަހު ހިފައި އޮޅުލައި އުޅުނު ޒަމާނުގައި އެކަމަށްޖަހާ ވެލިފުނި މިހުންނާނީ ދޮންވެލީން ނުރޫޅޭ ވަރަށް ހަރުކޮށްފައި ބާވަތްބާވަތުގެ މޭވާ އާއި މައުމެލާމެލީން ކުރަހައިފައެވެ މިތަން ރޫޅަނީ ރޯދަޔަށް ހަނދުފެނުނީމައެވެ ރޫޅައި ލުމަށްފަހުވެސް މިތަނަށް ކިޔަނީ އަންބަލަމެވެ (2) ހަތަރު ކައިރީގައިލަކުޑި އަޅައިފައި މެދަށް ދޮންވެލި އަޅައިގެން ހިފާންތައްޔާރުކުރާ ތަން (3) ކިޔެވެލި ކިޔަވާއިރު ތަނބެއްގައި ކަށިމަލު ފިޔައިން ހަތަރު ކައިރިހަދައިފައި އެތެރެއަށް މައުއަޅައިގެން ހަދާތަން
މަސްވެރިކަމަށްކިޔެވުން
މ މަސްވެރިކަން ރަނގަޅު ކުރުމަށް ކިޔެވެލި ކިޔެވުން
މާދެއްކުން
މ ފަންޑިތައިގެ ގޮތުން މާބަހައްޓައިގެން ކިޔެވެލި ކިޔަވައިފައި ކަނޑަށް މާތައް އުކައިލުން
މުރާދުހިފުން
މ ކިޔެވެލި ކިޔެވުމުގެ ތެރޭގައި ވަކި ހިސާބަކަށް ދިއުމުން ބޭނުންވާ ކަންތަކުގެ ވާހަކަ ނަންގަތުން
ފަހުވައްލާ
ނ )ބދ ( ކިޔެވެލި ކިޔަވާއިރު ގެންގުޅޭ ބޮންތިގަނޑު
ފަންޑިތަ
ނ ލިޔާތަށި ތަވީދު ކިޔަވާ ކިޔެވެލި ނުވަތަ އެކިއެކި ކަންކަމަށް ކުރާ މިބާވަތުގެ ކަންތައް
ފަންޑިތަހެދުން
މ ކިޔެވެލި ކިޔެވުން ތަށިތަވީދުލިޔުން ނުވަތަ އެކިއެކި ކަންކަމަށް މިބާވަތުގެ ކަންތައްތައް ކުރުން
ފަސްފަހެތި
ނ (1) އިހުގައި ކިޔެވެލި ކިޔަވައި ނިމިގެން ކަނދުން ނުވަތަ ކަށިކެޔޮފަތުން ހަދައިފައި ހުންނަ ގުރާބެއް ފުރުވައިލާއިރު އެއަށްލާ ފަސް ވައްތަރެއްގެ ހެދިކާ. (2) އެތައް ވައްތަރެއްގެ އެއްޗެހީގެ މާނައިގައި ބޭނުންކުރާ ބަހެއް. އެތާގައި ކޭކުގެ ފަސްފަހެތި އެބަހުއްޓެވެ. މާނައަކީ ކޭކުގެ އެތައް ވައްތަރެއް އެބަހުއްޓެވެ
ދުޢާވެރިކަން
ނ (1) އިހުގައި މާލޭގެ ޒިޔާރަތް ޒިޔާރާތްދޮށުގައި ދުޢާވެރިންކިޔަވާ ކިޔެވުން (2) ރޯދިބަރަކާތަށް ކިޔަވާ ކިޔެވެލި
ދުޢާވެރިކަންކިޔެވުން
މ (1) އިހުގައި ދުޢާވެރިކަން ކިޔަވާ މީހުން ރޭގަނޑު ނުވައެއް ޖަހާއިރުގައްޔާއި އެގާރަޖަހާއިރު މެދުޒިޔާރަތްދޮށުގައި ޞަލަވާތް ފާތިޙާ ކިޔަވައި ދުޢާކުރުން (2) ރޯދިބަރަކާތަށް ކިޔަވާ ކިޔެވެލި ކިޔެވުން
ލޭދެއްކުން
މ ކިޔެވެލި ނިންމާރޭ ދިރޭ އެއްޗަކުން ކަނޑަށް ލޭ އޮހޮރުވައިލުން
ގުރާބުފުރުވުން
މ ކިޔެވެލި ކިޔަވައިފައި މާދައްކަންވީމާ ކުޑަކުޑަދޯންޏަކަށް މާއަޅައިގެންގޮސް މޫދުގައި ބަހައްޓައި ފުރުވައިލުން