radheef.info
ރަދީފު


ގަސް
ނ (1) ބިމުން ފަޅައިގެން ބިމަށް މޫލައި ހެދޭ އެއްޗެއް މީގައި ގަސްކަނދަކާއި މުލާއި ފަތް އެކުލެވެއެވެ މިއީ ތަފާތު އުސްމިނަށް ތަފާތު ވައްތަރު ވައްތަރަށް ހުންނަ އެއްޗެކެވެ މީގެ ތެރޭގައި ބޭހަށާއި އިންސާނުންގެ ކެއުމަށާއި ލަކުޑިއަށާއި ދަރަށް ބޭނުންކުރާ ބާވަތްތައް ހިމެނެއެވެ އިންސާނުންގެ ކެއުމަށް ބޭނުންވާ މައިގަނޑު ބައިތައް ލިބެނީ މިއިންނެވެ (2) ފެނުގައި ހެދޭ މުލާއިފަތާއި ގަސްކަނދު ހުންނަ ބާވަތްތައް (3) ގަސްގަހުގެ ސިފައިގައި ހަދައިފައި ހުންނަ އެއްޗެހި
ހަނދުވަރީގަސް
ނ (1) ހުނިގޮނޑި ފިލާގަހުގެ ފަތްހުންނަގޮތަށް ފަތް ހުންނަގަހެއް މިގަސް ހެދެނީ ހީނާގަސް ހެދޭގޮތަށެވެ (2) ހަނދުވަރީމާ އަޅާގަސް
ހަބަރުގަސް
ނ ސުތުލިގަސްހެން ކުދިކޮށް ހެދިފައި ބޮނޑިމަސްކޮށް ފަތްހުންނަ ގަހެއް މިގަހުގެ ފަތުގެ ތެރޭގައި ހަލުވިދާ ތަނޑެއް ކަހަލަ ބިއްލޫރި ކުލައިގެ އެއްޗެއް ހުރެއެވެ މިއަޅައިގެން ގިރާފަންޏަކީ ފިނި މީރު އެއްޗެކެވެ
ހިކަނދިގަސް
ނ (1) ބާވަތެއްގެ ފަތްކުދިގަހެއް. މިގަހުގެފަތް ރިހައާއި އަސާރައާއި ސަޓަނި ފަދަތަކެތި މީރުކުރާން އަޅައެވެ (2) ރިހަގަސް
ހިތިގަސް
ނ އުސްކޮށް ބޮޑުތާނގައި ފެތުރިގެންހެދޭ ލަކުޑިމޮޅުގަހެއް. މިގަހުގެ ލަކުޑި ހުންނާނީ މަޑުމުށިކުލައިގައެވެ. މިގަހުގެ ދަނޑިޔާއި ފަތަކީ އެކިކަންކަމަށް ފައިދާހުރިބޭހެކެވެ. ފަތްހުންނާނީ ކުރިޔަށް ހިމަކޮށް ބުޑުދޮށަށް ފަލަކޮށް އަރިޔަށް ލެނބިލައިފައެވެ ފަތުގެކައިރިފަށް ހުންނާނީ ތުނޑުތުނޑުލައިފައެވެ ފަތުގައި ވަރަށް ގިނަ ގަދަ ހިތިރަހައެއް ހުންނާނެއެވެ
ހިޔާބޮޑުގަސް
ނ (1) ބޮޑުތަނަށް ހިޔާފެތުރިފައިވާ ގަސް. (2) މަޖާޒު: މީހުންނަށް ބޮޑަށް އެހީފޯރުވާ ތަނަވަސް މީހާ
ހުނގުގަސް
ނ އިރުމަތީގެ ޤައުމުތަކުގައި ހެދޭ ކެރެޓްއާއިލާގެ ގަހެއް މިގަހުން ނުބައިވަސްދުވާ ތަތްކިރެއް ނެގެއެވެ އެކިރަކީ ބޭހަށް ބޭނުންކުރާ އެއްޗެކެވެ އެއަށް ކިޔަނީ ހުނގެވެ
ވޮށްގަސް
ނ ކުދި އެތައް ވޮށްތަކަކުން ގަހެއްގެ ސިފަގެނެސް ހަދައިފައި ހުންނަ ވޮށެއް
ނިކަބިލިއްސަގަސް
ނ ބޮޑެތި ބިޔަ ނިކަގަސް
ނިޢުމަތަށް ފުރަގަސްދިނުން
މ މަޖާޒު: ދިމާވާ ރަގަނޅު ގޮތްގޮތް ޤަބޫލުނުކުރުން
ކުދެހިގަސް އިންދައި ތަވީދު ވަޅުގައި ހަދާ ފަންޑިތަ( ރަށުފަންޑިތަ
ނ ރަށަށްހަދާ ފަންޑިތަ. )މަސްވެރިކަމާއި ދަނޑުވެރިކަން ދެރަވުމުން ރަށުގައި ވަޙުތާންޖަހައި ފިލި
ރަބަރުގަސް
ނ ރަބަރު ހަދާ ކިރުނެގޭ ގަސް
ރިހަގަސް
ނ ހިކަނދި ގަސް
ރީތިގަސް
ނ ބިޔަކޮށްހެދޭ ބޮޑުގަހެއް މިގަހުގައި މާއަންނަނީ ކޯޅިކޯޅިއަށެވެ މިކޯޅިއައިސްފައި ހުންނަނީ ގޮފިތަކުގެ ކުރީގެ ފަތްވަޅުތަކުންނެވެ މިގަހުގެ ފަތް ހުންނަނީ ގޮފިތަކުގެ ކުރީގައެވެ ފަތްތައް އެތުރިފައިހުންނަނީ މައިތަނޑީގެ ދެފަރާތުގައި އެއްފަތް އަނެއްފަތާ ދިމާވާ ގޮތަށެވެ
ރުއްގަސް
ނ ގަސްގަހާއި ރުއް
ބަނަފުސާގަސް
ނ ބަނަފުސާމާ އަޅާގަސް
ބަގީޗާގަސް
ނ (1) ފަތްވެރުން މަދު ބިޔަނުވާ ރީތިގަސް. މިސާލު: ދޮންފަތް ބަގީޗާ ފަރުދާ ބަގީޗާ. (2) ރީއްޗަކަށް އިންދާ ބިޔަނުވާކަހަލަ މޭވާނާޅާ ގަސް
ބަޑިކުޅިގަސް
ނ ތަނޑުތަނޑަށް ހެދޭ ފަތްކުދި ގަހެއް މިގަހުގެ މާ ހުންނަނީ ހޮޅިއެއްގޮތަށެވެ މީގެ އެކި ކުލަކުލައިގެ މާ އަޅާ ގަސް ހުރެއެވެ
ބިއްލޫރިގަސް
ނ ބިއްލޫރިން އެކިއެކި ސިފަސިފައިގައި ގޮފިގޮތްޕަށް ހަދައިފައި ހުންނަ ސަމޭދާން
ބިލެތްގަސް
ނ އައްޑުހު ދުޢާފަދަ ބައެއްރަސްމީ ކެއުމުގައި ކޭން ކާމީހުންނަށް ލިބޭ ބިލެތްތަކުން އެމީހުންގެ ގޭގެޔަށް ފޮނުވުމަށް މަލެއްގެ ސިފައިގައި ރާވައިފައި ހުންނަ އެއްޗެއް
ބޮކަރުގަސް
ނ ފަތްތައް ބޮނޑިބޮނޑިއަށް ހުންނަ ގަސްގަނޑުދިގު ލަކުޑީގައި މީރުވަސް ދުވާ ގަހެއް މިއީ ވަރަށް އުމުރުދިގު ގަހެކެވެ މީގެ ލަކުޑީން އަތަރުހަދައެވެ