radheef.info
ރަދީފު


މުޑި
ނ (1) ދަނޑިފަނުން ގެދޮރުފަދަ ތަންތަނާއި ފުޅައްއަޅާއިރު އެތަން ހިފެހެއްޓުމަށް އެކި ހިސާބުން ބިމަށްޖަހާފަލަ ދަނޑި ނުވަތަ ހޮޅު (2) އޮޑި ދޯނިފަހަރު އެހެލައިފައި ހުންނައިރު އޭގެ ދެފަރާތުން ވިއްދައިފައި ހުންނަ ފަލަ ލަކުޑި ބުރިތައް (3) ފާލަން ހިފެހެއްޓުމަށްޓަކައި ބިމަށްޖަހާ ރުއްގުޅި ފަދަތަކެތި ނުވަތަ ކޮންކްރީޓް ތަނބު (4) ކާށީގެ އެތެރޭގައިހެދޭ މަޑުކަމެއް ހުންނަ ބޭރު މަޑުރީދޫކޮށް އޮންނަ އެތެރެ ހުދު މީރު ފޮނި އެއްޗެއް
ހިޔަންޏަށްމުޑިނުނަގާށޭ
)ހަރުބަހެއް( ކަމަކަށް ނުވާކަހަލަ ކަމަކާމެދު ބިރުގަތުމަށާ އެއްވެސް ޙަޤީޤަތެއްނެތް ކަންކަމާ ޖެހިލުމުން ދޫކޮށްލުމަށް ބުނެއުޅޭ ބަހެއް
ހިޔަންޏަށްމުޑިނެގުން
މ (1) ބައެއް ޖަނަވާރު ހިޔަންޏެއް ފެނިގެން އެއީ އަސްލޭ ހީކޮށް އެއާ ދިމާއަށް މުޑިނެގުން. (2) މަޖާޒު: ކަމެއް ޙާސިލުވެދާނޭކަމަށް ހީކޮށް އޭގެ އަސްލެއްނެތި އެކަމެއް ލިބިއްޖެނަމަ ކުރަންވީ ަކަންތައްތައް ހޯދައި މީހުން ހިނިއަންނަ ދަރަޖައަށް އެކަމައިގެން އުޅުން މިސާލު: ޖައްރާފައިގެ ވެރިކަން ލިބިދާނެކަމަށް ހީކޮށް ޖައްރާފައިގައި އުޅޭ މީހުންކުރެން އޭގެ ވާހަކައަހައި އަވަސްއަވަހަސް އިންޖީނުގެއަށް ވަދެ މީހުން ހިނިއަންނަ ދަރަޖައަށް އުޅުން
ނަކަތްމުޑި
ނ ތަންތަންހަދާއިރު އިރުވަރުން ޖަހާމުޑި
ބިމުޑިބާޅަ
ނ )ވ ( ގަދަބިންފާޅަ މިއީ ފަތްބޮޑެތިކޮށް ހުންނަ ވެޔޮގަނޑެކެވެ މިއީ ފަތްޕިލާވެލީގެ ގޮތުގައި ބޭނުންކުރާ އެއްޗެކެވެ
ބޯކެޔޮމުޑި
ނ ބޯކެޔޮހޮޅު
އިރުވަރުމުޑި
ނ އިރުވަރުބަލައިފައި ޖަހާ މުޑި
ވަސްމުޑި
ނ ގެދޮރުގެ ނުވަތަ ހަދާތަނެއްގެ މަތީގައި ވަސްބާއްވަންޖަހާ މުޑި
ވަސްމުޑިހެދުން
މ މާލޫދު ހަރުގެ ފަދަ ތަންތާގެ ތަނބުތަކުގައި ފޮތި ފަދަ ތަކެތި އޮޅައި ދަޑިމަތި އެނބުރުން
މުޑިނެގުން
މ (1) ހަތަރެސްފައި ޖެހި ޖަނަވާރު ފަހަތު ދެފައިގެ މައްޗަށް ތެދުވެ ކުރީދެމޮއްގަނޑު އުފުލައިލުން (2) މަޖާޒު: ކަމެއްވޭތޯ އުޅޭ އުޅުމަށް މަލާމާތުގެ ގޮތުން ބުނެއުޅޭ ބަހެއް
މުޑިކަރަނެގުން
މ )ސ.( މަޖާޒު: ކަމެއް ނުކުރުމަށް ނުވަތަ ތާކަށް ނުދިއުމަށް ގަދަފައި ވިދެފައި ހުރުން
މުޑިކާށި
ނ އެތެރޭގައި މުޑިހުންނަކާށި
މުޑިއެރުން
މ )ސ ( ދެމީހެއް ނުވަތަ ދެއެއްޗެއް ދެކޮޅުން އައިސްޖެހުން
މުޑިވިއްދުން
މ ތަނެއް ނުވަތަ އެއްޗެއް ވެއްޓުނަނުދީ ހިފެހެއްޓުމަށްޓަކައި ކައްޗަށް އެއްޗެއް ވިއްދުން
މުޑިފައިވިއްދުން
މ ހަށިގަނޑަށް ގަދަބާރު ލިބޭގޮތަށް ފައިވިއްދުން
މުޑިލުން
މ ކާށީގައި މުޑި އުފެދުން
މުޑިޖެހުން
މ (1) މުޑިއެއް ބިމުގައި ހަރުލާނޭގޮތް ހެދުން (2) )ސ ( ދެމީހަކު ހިނގައިފައިގޮސް ނޭގި ޖެހުން (3) ވެލާބިސް އަޅާފައި ހިނޭޖެހުން
މުޑިޖެއްސުން
މ އޮޑިދޯނިފަހަރުގައި މުޑިވިއްދުން
"މުޑިޖެހުން" މިބަހުގެ ދެވަނަމާނަބަލާ! މުޑެޖެހުން
މ )ގ
ފުޅައްމުޑި
ނ ފުޅަފުގައި ޖަހައިފައި ހުންނަ ފަލަދަނޑި
ދަމުޑި
ނ )ހ ( ކަމެއްގެ ތެރެއިން ނުވަތަ އެއްޗެއްގެ ތެރެއިން ކިތަންމެ ކުޑަ ނަމަވެސް މިންވަރެއް