radheef.info
ރަދީފު


މ ވަރިޔާ އަޅުވާބުނުން ބަލާ! ވަރިޔާއެޅުވުން
ނަޓުއެޅުވުން
މ ނަޓް ބޯލްޓަށް ލައްވައި ހިފެހެއްޓިފައި ހުންނާނެގޮތް ހެދުން
ބާނިއެޅުވުން
މ ފެންގަނޑެއްގެ އަޑިން ބާނިއަރާނެގޮތް ހެދުން
ބޫންބޫންއެޅުވުން
މ ބޫންއަޑު ގޮއްވުން
ކައިދާ އެޅުވުން
މ (1) ލަގަން ހަރުކުރާން އަނގަޔަށް ދަގަނޑު ގަނޑެއްލެއްވުން (2) މަޖާޒު: ކިޔަމަން ކުރުން (3) ކިޔަމަންވާނެ ގޮތް ހެދުން (4) ކޮންމެ ގޮތެއްވިޔަސް އެއްޗެއް ބުނަން ނުކެރޭނެގޮތް ހެދުން
އަނދުންއެޅުވުން
މ ލޮލުގެ ތިރީރަވައިގައި އިނގިލި ކުރިން ނުވަތަކަށިން އަނދުން ހޭކުން
އެޅުވުން
މ (1) އެއްޗަކާއި އެއްޗެއް ގުޅުވުން. (2) އެއްޗެއްގައި އަނެއްކައްޗެއް އަޅައިގަންނާނޭ ގޮތްހެދުން. (3) ކޮޅުލެނބިފައިވާ އެއްޗެއް ނުވަތަ ކޮޅު ގުދުވެފައިވާ އެއްޗެއް ތަނެއްގައި އެލިފައި ހުންނާނޭ ގޮތަށް ބެހެއްޓުން. މިސާލު: ކުޑައެޅުވުން. (4) ބޮޅެއް ނުވަތަ މަޅިއެއް މޮހޮރެއް ނުވަތަ ބުޅިއެއްފަދަތާކު އެޅުމުން. މިސާލު: ފާނޫޒު އެޅުވުން ތަޅުދަނޑިފަތި އެޅުވުން (5) މަޖާޒު: މީހަކު ނުކުރާކަމެއް ކުރިކަމަށް ހެދުން
ވައިއެޅުވުން
މ (1) ރިޔަލުގައި ވައި އަޅާނެގޮތް ހެދުން. (2) މީހަކު ލައްވައި އެއްޗަކަށް ވައިއެޅުން (3) މަޖާޒު: ސާހިބަކު ރުހިވަޑައިގަންނަވާނޭގޮތް ހޯދައިގެން އެގޮތް ދައްކައިގެން އުޅުން
މަގަށްއެޅުވުން
މ މަޖާޒު: ކަމެއް ނުވަތަ މީހަކު ރަނގަޅުގޮތުން އެއްކިބާވެގެން ދާންފެށީމާ ހަމައަށް އެޅުވުން
މިޔައެޅުވުން
މ ވަޅިފުރޯ ފަދަތަކެތީގައި މިޔަހުންނާނެގޮތް ހެދުން
ގޯޅިއެޅުވުން
މ (1) މަޖާޒު: މީހަކަށް އޮޅުވައިލައިގެން އެމީހަކު ލައްވައި ގޯހެއް ހެއްދުން (2) މަޖާޒު: މީހަކު ރަނގަޅުމަގުން އެއްކިބާކޮށްލުން
ދަތިއެޅުވުން
މ ހިނގައިފައިދާ މީހެއްގެ ނުވަތަ ދުވެފައިދާ މީހެއްގެ ފައިގައި އަނެކެއްގެ ފައި އަޅުވައި ވެއްޓޭގޮތް ހެދުން
ތަޅުއެޅުވުން
މ ކުއްޔަށް ދީފައިވާ ފިހާރައެއްފަދަ ތަނެއްގެ ވެރިފަރާތުން އެފަރާތަށް ނޭނގި އެތަނެއް ނުހުޅުވޭގޮތަށް ބަންދުކުރުން
ތުހުމަތުއެޅުވުން
މ ކުށެއް ކުރިކަމުގެ ނުވަތަ ކުރާކަމުގެ ބަދުނާމު އެޅުވުން
ޗުކު ޗުކު އެޅުވުން
މ މީހެއްގެ ގާތު އެހެން މީހުންނަށް ނުއިވޭ ވަރަށް ސިއްރު ސިއްރުން ވާހަކަތަކެއް ދެއްކުން