radheef.info
ރަދީފު


ކޮލި
ނ (1) ބޯޅައެއްހެން ބަނޑު ފުފިފައި ހުންނަ މަހެއް މިމަހުގެ ހަމުގައި ތޫނު ނުވަތަ ރާޅު އުންތަކެއް ހުރެއެވެ (2) އެއްޗެހީގެ އަރިމަތިންނާއި މެދުތެރޭން ފުފިފައި އޮންނަ ފުފުން ނުވަތަ ފުފިފައި އޮންނަ ތަން (3) އިހުގައި ރަސްމީ ބައެއް ލަގަބު އިއުލާނުކުރުމަށްޓަކައި ކުރާ ރަސްމީ ކަމެއްގެ ނަން
ހަތްދޮށުކޮލި
ނ ކިލެގެކަމަށް ލާ ކޮލި. މިއީ ރަސްކޮލިފިޔަވައި ދެންއޮތް އެންމެމަތީ ދަރަޖައިގެ ކޮއްޔެވެ
ހިތީކޮލި
ނ ހިތިދުވަހު ހެނދުނު އެދުވަހު ހިތީ ކިއެވުމަށާއި ކިއަވާންވީ ތަނަށް ދާން އެނގުމަށް ލާ ކޮލި
ރަނިކޮލި
ނ ރަނިކަމަށް ލާ ކޮލި
ރަސްކޮލި
ނ ރަސްކަލަކަށް ރަސްކަމުގެ އިއްޒަތް ފުރިހަމަ ކުރުމަށް ލާކޮލި
ރާގޮނޑިކޮލި
ނ ކޮލީގެ ބާވަތެއް މިވައްތަރުވާނީ ރާގޮނޑިޔާއެވެ މިވިހަގަދަ މަހެކެވެ
ބަރުކޮލި
ނ މުޑަހަނދީގެ ބޮޑެތި ވައްތަރު. މިއީ އަނގަބޮޑު ތުންކުރު ފަތިމަހެކެވެ. މިމަހުގެ މެދުން ފެށިގެން މަތީބައިގައި ހުންނަނީ އަޅިކުލައެވެ ތިރީބައި ހުންނަނީ ހުދުކުލައެއްގައެވެ
ބަދުރާންމަހުކޮލި
ނ )މ ( މޫދުގައިއުޅޭ ރީނދޫކުލަިއގެ ވިހަމަހެއް މިމަހުގެ ބަނޑުދަށުގައި ލައްތަކެއް ޖަހައިފައި ހުރެއެވެ އަދި މަހުގެ ވަށައިގެން ކަށި ފަޅައިފައި ހުރެއެވެ
ބަދުރާމަހުކޮލި
ނ )މ ( ކޮލީގެ ބާވަތެއް މިއީ ފަޅުފަޅުގެ ފުން ހިސާބުގައި ވިލުވިލުގައި މަދުމަދުން އުޅޭމަހެކެވެ މިމަހުގެ ބޭރުފަރާތް ހުންނާނީ ހުދުކުލައާއި ކަޅުކުލައިން އެކުލެވޭ މަންޒަރުތަކެއްގެ ސިފައިގައެވެ
ބޮނޑިކޮލި
ނ )ބ ( ތެޔޮފިލާ
ބޮޑުކޮލި
ނ ދަނޑުމަތީގައި ހެދޭ ވެލެއް މިއީ އަލަ ނިރުގެ ފަތްހެން ފަތް ހުންނަ ވެލެކެވެ
ކަށިކޮލި
ނ ކޮލީގެ ބާވަތެއް މިއީ ލޯބޮޑު އަނގަ ކުޑަ މަހެކެވެ މުޅިމަހުގައި ތޫނުކަށިތަކެއް ހުރެއެވެ މިމަހަށް ގޯނާއެއް ކޮށްފިނަމަ މި މަސް ވަށް ބޯޅައެއްހެން ފުއްޕައިލައި ކަށިތައް ކޮޅަށް ޖަހައެވެ މިއީ ވަރަށް ވިހަގަދަ މަހެކެވެ
ކަންގަތިކޮލި
ނ ރަށްފުށުގެ ވަޒަން ވެރީންނަށް ލައްވާ ޢިއްޒަތުގެ ކޮލި
ކޮލިހިނގާމަގު
ނ ކޮލިލާއިރު ކޮލިކަލޭގެ ހިނގާމަގު
ކޮލިކަލޭގެ
ނ ކޮލިލާން ދައުލަތުން ޚާއްޞަކުރައްވައިފައި ހުންނަ މީހާ
ކޮލިކިޔުން
މ ކޮލިލާއިރު ކޮލިކަލޭގެ ކިޔާ ގޮވެލިގަނޑު ކިޔުން
ކޮލިމަތި
ނ (1) އޮޑިދޯނިފަހަރު ކިއްސަރުލައިގެން ބަނދެފައި ހުންނައިރު ދޯނީގެ އަރިމަތިން ފުއްޕުންލައިފައި ހުންނަތަން (2) ބަނޑުގެ ދެއަރިމަތިން ފުފިފައި ހުންނަތަން (3) ގުޅި ރުނބާ ފަދަ ތަކެތީގެ ފުއްޕުންލައިފައި ހުންނަ ތަން
ކޮލިދޮށް
ނ އޮޑިދޯނުފަހަރުގެ ކޮލީގެ ދަށަށްވާ ހިސާބު
ކޮލިލުން
މ އިހުގައި ރަސްމީ ބައެއް ލަޤަބާއި ރަސްމީ ބައެއް ޚާއްޞަ ކަންތައްތައް އިޢުލާން ކުރުން. މިކަންކުރާގޮތަކީ މިކަމަށް ޚާއްޞަވެފައިވާ މީހަކު ފުޅިދޮށުއަށީގެ ލޯގަނޑު ހިފައިގެން ކޮލިކިޔަން ކަނޑައެޅިފައިވާ ތަންތަނަށް ހުއްޓި ކޮލީގެ ޢިބާރާތްކިޔައި ޤަވާޢިދެއްގެ މަތިން ލޯގަނޑުގައި ޖަހަމުން ކޮލި ހިނގާމަގު ވަށައި ހިނގަނީއެވެ މިކަންކުރަނީ ކޮލިކަލޭގެއެވެ
ކޮލިލޯގަނޑު
ނ ކޮލިލާއިރުގައި ކޮލިކަލޭގެ ޖަހަން ބޭނުންކުރާ ލޯގަނޑު މިއީ ބޯ ލޮއިން ވަށްކޮށް ފަތިކޮށް ހަދައިފައި އޮންނަ އެއްޗެކެވެ
ކޮލިޒާން
ނ ބޭހުގެ ބާވަތެއް މިއީ ދުވަސްވީ ބިލެތްގަހުގެ ގޮނޑިލައިފައި ހުންނަ މުލެވެ މީގެ ބޭރުގައި ހުންނާނީ މަޑު ރަތްކުލައެވެ އެތެރޭގައި ހުންނާނީ މަޑު ދޮންކުލައެވެ މީގައި މީރުވަހެއް ދުވާނެއެވެ