radheef.info
ރަދީފު


ހަރުކުރުން
މ (1) އެއްޗެއްގައި އަނެއްކައްޗެއް ހިފެހެއްޓިފައި ހުންނާނެގޮތް ހެދުން (2) ނަނުވައު ފަދަ ތަކެތި އަނބުރާ ހަރުކަން ގެނައުން (3) ގަސްގަހުގައި އަޅާ ތަކެތި ޅަކަން ކެނޑެންދެން ގަހުގައި ބެހެއްޓުން (4) ފޮތިފަދަ ތަކެތި ތާންޖަހައި ހަރުކުރުން (5) ރުއްގަސްދިރުވައި ބެލެހެއްޓުން (6) ގަދަކަން ގެނައުން (7) މެޓާފަދަ ތަކެތި ކައްކައި ހިއްކުން (8) އޮޑިހައްޔަރުކުރުން (9) ދުވުން ބާރުކުރުން
އިންކާރުކުރުން
މ (1) އަނެކާ ބުނާ ބަހެއްގެ ޤަބޫލުނުކުރުން (2) އިޤްރާރު ނުވުން
އިންތިޒާރުކުރުން
މ ކަމަކަށްޓަކާ ބަލަބަލައި ހުންނަ ހުރުން
ވަރުކުރުން
މ (1) ހެޔޮވަރު ކުރުން. (2) މެޓާ ހަލުވާފަދަ ތަކެތި ހިލާއިރު ނުބައި ނުވާ ވަރަށް ރޯފިލުވައި ކެއްކުން )މިތަކެތި އޭގެ ވަޒަނަށް ހިލުން( (3) ސަރުބަތު ރާފޮނި ފަދަ ތަކެތި އޭގެ ވަޒަނަށް ކެއްކުން (4) )ސ ( ތެލުލައިފައި ހުންނަ ތަކެތީގައި ހަކުރުލުން
ހައްޔަރުކުރުން
މ ބަންދުކުރުން
ހަވީރުކުރުން
މ ޅެމަކާމެދު ނުވަތަ ޅެންވެރިޔަކާމެދު އަދަބީ ގޮތުން ވާހަކަ ދެއްކުން
ހިކިއަމުރުކުރުން
މ (1) ތިމާޔާ ޙަވާލުވެފައިނެތްކަމަކަށް އަމުރުކުރުން (2) ނުހިނގާ އަމުރު ކުރުން
ހިތްބަރުކުރުން
މ (1) ހިތްކިލަނބުކުރުން (2) ހިތުގައި ނުރުހުން ހިންގުން (3) ހިތްނުބައިކުރުން
ހިތްކާފަރުކުރުން
މ މަޖާޒު: ޝަހްވާނީ ޚިޔާލު ހިތަށް ވެއްދުން
ހިތްވަރުކުރުން
މ (1) ކުރާކަމެއްގައި ކެތްތެރިކަމާއެކު ދެމިހުރުން (2) ކުރާކަމެއްގައި ދޫނުކޮށް ހިފެހެއްޓުން
ހެއުވަރުކުރުން
މ ހެޔޮވަރުކުރުން
ހެޔޮވަރުކުރުން
މ (1) އެއްޗަކަށް އަނެކައްޗެއް ހިސާބުކުރުން (2) ބަރާބަރުކުރުން
ރާވާތައްޔާރުކުރުން
މ (1) ނޫހެއްގައި ނުވަތަ މަޖައްލާއެއްގައި ހިމަނަންޖެހޭ ލިޔުންތައް ތަރުތީބުކޮށް ހަމަޖެއްސުން (2) ކަމެއް ނުވަތަ ކަންތައްތަކެއް ކުރަންވީގޮތް ހަމަޖެއްސުން (3) ކަމަކަށް ފަށައިގަތުމުގެ ކުރިން ކުރަންޖެހޭ ކަންތައްތައްކޮށް ނިންމުން މިސާލު: ޖަލްސާއަށް ތައްޔާރުވުމުގެ ގޮތުން ކުރަން ހުރި ކަންތައްތައްކޮށް ގަސްދުކުރެވިފައިވާގޮތަށް ހުރިހާ ކަމެއްރާވައި ނިމިއްޖެއެވެ
ހޯދަރުކުރުން
މ )ސ ( ހަދާފައިހުރި އިމާރާތެއްގެ އެތެރޭގެ ހުރިހާބައިނަގައި އެއްހޯލެއްގެ ގޮތުގައި ތަންބޮޑުކުރުން
ރުކުރުހު
ނއ )ބދ ( ގާތް
ރުކުރުކުއެޅުން
މ އަލަށް ރޯނުފުރި ނުވަތަ މަޅުއެޅި އެނދު އަށިފަދަ ތަންތާނގައި އިށީނދެ އޮށޯވެ އުޅޭއިރު އެއިން އަޑުއިވުން
ރުކުރުކުލުން
މ ރުކުރުއެޅުން
ރުކުރުވައިލުން
މ (1) ލަޝްކަރެއް ވަކި ތަރުތީބަކުން އަތުރައިލުން (2) އެއްޗެހިތަކެއް ތަރުތީބުން އަތުރައިލުން
ރުކުރުވުން
މ (1) ލަޝްކަރެއް ވަކި ތަރުތީބަކުން އެތުރުން (2) އެއްޗެހިތަކެއް ތަރުތީބުން އެތުރުން
ރޭރުކުރުން
މ ހައިރާންކުރުވުން