radheef.info
ރަދީފު


ހިލޭ
ނއ (1) ތިމާގެކަމުގެ ގުޅުމެއްނެތް (2) އަގަކާނުލައި (3) ކަމަކާނުލައި (4) ހިމޭންކަމުގައި
ހަމަހިލޭ
ކއ (1) އެއްވެސް ކަހަލަ ބަދަލެއްނެތި (2) ކަމެއްނެތި
ހަމަހިލޭދިނުން
މ އެއްވެސްކަހަލަ ބަދަލެއްނެތި ދިނުން
ހިލޭހުރުން
މ (1) ހިމޭނުން ހުރުން (2) ވާހަކަނުދައްކާ ހުރުން (3) ޅަކުއްޖާއަށް އެކަނި ހުރެވުން (4) ތަނެއްގައި ކުއްޔެއްނުދީ ހުރުން
ހިލޭކުރުން
މ ތިމާގެކަމުގެ ނުވަތަ އެކުވެރިކަމުގެ ނުވަތަ ކައިވެނީގެ ގުޅުން ކަނޑައިލުން
ހިލޭވުން
މ (1) އުޅުމުގެ ގުޅުން ނެތުން (2) މަސައްކަތް ހުސްވުން (3) އަގަކާނުލައި ލިބޭގޮތްވުން
ހިލޭމީހާ
ނ (1) ތިމާގެކަމުގެ ގޮތުން އެއްވެސް ގާތްކަމެއްނެތް މީހާ (2) އެއްވެސް ގުޅުމެއް ނެތްމީހާ
ހިލޭމީހުން
ނ ތިމާގެ ނޫން މީހުން
ހިލޭދިނުން
މ އަގަކާނުލައި އެއްޗެއް ދިނުން
ހިލޭސާބަހަށް
ކއ އުޖޫރައެއްނެތި
ހިލޭޖެހުން
މ (1) ފުޓުބޯޅަ އާއި ހޮކީފަދަ ކުޅިވަރުގައި ކުށްކުރާބަޔާއި އިދިކޮޅަށް ދޭޖެހުމެއް މީގައި ސީދާ ހިލޭޖެހުމާ ނުސީދާ ހިލޭޖެހުން ހުރެއެވެ (2) އެއްޗަކަށް ނުވަތަ ތަނަކަށް ކުރިޚަރަދު އަނބުރާލިބި އަގުހަމަވުން
ނުސީދާހިލޭ ޖެހުން
މ ފުޓުބޯޅައާއި ހޮކީފަދަ ކުޅިވަރުގައި ކުށްކުރާ ބަޔާ އިދިކޮޅަށްދޭ ޖެހުން މިޖެހުމުގައި އެހެން ކުޅުން ތެރިއެއްގެ ގައިގައި ނުޖެހި ސީދާ ގޯލަށް ވަނަސް ލަނޑަކަށް ނުވާނެއެވެ
ވަކިހިލޭވުން
މ އެކުގައި ދިރިއުޅެމުންއައި ބައެއްގެ ތެރޭން މީހަކު ވަކިން ދިރިއުޅެން ފެށުން މިބަސް ގިނައިން ބުނެއުޅެނީ އަންހެނުންނާ މެދުގައެވެ
ދުރުހިލޭ
ނއ ތިމާގެ ކަމެއްނެތް
ދުރުހިލޭކަން
ނއނ ގާތްކަމެއް ތިމާގެ ކަމެއްނެތްކަން
ދުރުހިލޭވުން
މ ގާތްކަމެއް ތިމާގެކަމެއްނެތުން
ދުރުހިލޭވެގަތުން
މ ގާތްތިމާގެކަން ނުބަހައްޓައި ދުރުވެ ގަނެގެން އުޅުން