Radheef, ދިވެހިބަހުގެ ރަދީފު، ހަތަރުވަޅެވެގެ މާނަ

radheef.info

ނއ ގުނުމުގެ ހަތަރު ވަނަ އަދަދުގެ ނަންއިތުރު މިސާލު: )ހ( ހަތަރުފަރާތް )ށ( ހަތަރު މަޛްހަބް

ހަތަރު ޚަލީފާ

ނ (1) އަބޫބަކުރުގެފާނު (2) ޢުމަރުގެފާނު (3) ޢުޘްމާނުގެފާނު (4) ޢަލީގެފާނު

ހަތަރުބައިންބައި

ނ ހަތަރު ބައިކުޅަ އެއް ބައި

ހަތަރުބިތް

ނ ހަތަރު ފަރާތް

ހަތަރުބޯފޮޅި

ނ ބޯފޮޅި ފިހެގެން މައްޔިތުންގެ މައްޗަށް ފާތިޙާ ކިޔަވައި އުޅުނު 4 ދުވަސް (އަހަރެއްގައި އަންނަނީ މިބާވަތުގެ ހަތަރު ދުވަހެވެ.) އެއީ (1) ރަޖަބު ބޯފޮޅި، ޖުމާދަލްއާ ޚިރާމަހު 29 ވަނަދުވަސް، (2) ހިޔަރަކާތްބޯފޮޅި، ޝަޢުބާންމަހު 14 ވަނަދުވަސް، (3) ރޯދަބޯފޮޅި، ޝަޢުބާންމަހު 29 ވަނަދުވަސް، (4) ހައްޖުބޯފޮޅި ހައްޖުމަހުގެ 8 ވަނަދުވަސް. ). މިގޮތަށް ފިހާފޮޅި އެދުވަސް ދުވަހުގެ ހަވީރު މިސްކިތަށް ގެންގޮސްގެން ހުރިހާ މައްޔިތުންނަށް ފާތިހާ ކިޔަވައި ހަދައެވެ. އިހުގައި މި ރާއްޖޭގެ ކޮންމެ ގެއެއްގައިމެ މި ފޮޅިފިހެ ފާތިހާ ކިޔަވައެވެ.

ހަތަރުކަންކަށި

ނ އޮޑިދޯނިފަހަރުގެ ދެމައްޔާ ކައިރީން ބޭރު ހަތަރު ފަރާތް އެއީ ދިރުނބާކޮޅުގެ މައްޔަލާއި ހުރަސްފިލަޔާ ދޭތެރެއެވެ ކޮޅުފަސްކޮޅުގެ ދަށްމަޅުގެ ކޮޅުފަސްކޮޅުން ފެށިގެން މައްޔަލާއި ދޭތެރެއެވެ

ހަތަރުކަންކައްޓަށްހިފުން

މ އޮޑިދޯނިފަހަރު އަޅާއިރު ދެމައްޔާ ކައިރިން ބޭރު ހަތަރުފަރާތަށް ވައު ހިފައިފައި އޮޑިއަޅައިފައި އޮތުން

ހަތަރުކަޅިހަމަވުން

މ (1) އެކަކު އަނެކަކަށް އެއްފަހަރާ ލޯފެންނަގޮތަށް ބަލައިލެވުން (2) ހަތަރުކަޅި ބައްދަލުވުން

ހަތަރުކަޅިބައްދަލުވުން

މ ހަތަރުކަޅި ހަމަވުން

ހަތަރުއަނގޮޅި

ނ ދެމަގެއް ބުރަފަތިވާތަން މިތާ ހުއްޓި ހުންނައިރު ހަތަރު ފަރާތަށް ހަތަރުމަގު އޮންނާނެއެވެ

ހަތަރުއަރި

ނ ހަތަރުބިތަށްހުރި އެއްޗެއްގެ ހަތަރުފަރާތް މިބަސްނަން އިތުރެއްގެ ގޮތުންވެސް ކިޔައެވެ

ހަތަރުއަވަށް

ނ މާލޭގެހަތަރުބައި އެއީ ހެންވޭރު މާފަންނު ގަލޮޅު މައްޗަންގޮޅި

ހަތަރުއަތޮޅުމެދު

ނ އަރިއަތޮޅާއި ނިލަންދެ އަތޮޅުގެ އިރުން ފެލިދެއަތޮޅާއި މުލަކުއަތޮޅުގެ ހުޅަނގުން އޮންނަ ކަނޑު

ހަތަރުއާރު

ނ ސައިޙޫނު ޖައިޙޫނު ފުރާތު ނީލް

ހަތަރުއުންސުރު

ނ ގިނި ވެލި ވައި ފެން

ހަތަރުއުދަރެސް

ނ (1) ވަށާއުދަރެސް (2) ދުނިޔޭގެ ހަތަރުފަރާތު އުދަރެސް

ހަތަރުއުދަރެސްފެނުޖެހުން

މ (1) ހިކިފަސްތަނެއް ފެންނާންނެތުން (2) މަޖާޒު: ކަމަކާމެދު ފިކުރުކޮށްކޮށް ގޮތެއްނުފެނުން

ހަތަރުވަނަ

ނއ (1) ހަތަރަކަށްވާ (2) ހަތަރެއްގެ