radheef.info
ރަދީފު


އެއްޗެއް
ނ އެކަތި
ގުޅުއްސުން
މ ރޮދި ނުވަތަ ނަނުފަދަ އެއްޗެއް އެއްބައި އަނެއްބަޔާ ގޮށްޖަހައި ގުޅުވުން
ގުޅުވައިލުން
މ (1) ދެއެއްޗެއް އެއްކޮށްލުން (2) ދެމީހަކު ރައްޓެހިކޮށްދިނުން
ގުޅުވުން
މ (1) ދެއެއްޗެއް އެއްކުރުން (2) ދެމީހަކު ރައްޓެހި ކުރުވުން
ގުދުލެއްވުން
މ ގުދަކަންވާގޮތަށް އެއްޗެއް ލެނބުން
ގުލްކަނދު
ނ ހަކުރާއި މަލުފިޔަ އެއްކޮށް އަވީގައި ނުވަތަ ހަނދުވަރުގައި ބަހައްޓައިގެން ތައްޔާރުކުރާ އެއްޗެއް މި ބޭނުންކުރަނީ ބޭސްވެރިކަމަށާއި ފޮނި ކާތަކެތީގައި ރަހަލެއްވުމަށެވެ އާއްމުކޮށް ގުލްކަނދު އަޅަނީ ފިނިފެން މަލުގައި ނުވަތަ ޗާނދަނީ މަލުގައެވެ
ގުލްކޯޒު
ނ (1) ސައިބޯ ހަކުރު ގޮތަށް ހުންނަ އެއަށްވުރެ މާމުހިންމު ހަކުރެއް މިއިން ހަށިގަނޑަށް ވަގުތުން ބާރުލިބެއެވެ (2) ކުލައެއްނެތް ފޮނިދިޔާ އެއްޗެއް (3) މޭވާ ފަދަ ގުދުރަތީ އެއްޗެހީގައި ހުންނަ ހަކުރުގެ ބައި
ގުޑައިނުލުން
މ (1) އިންތަނަކުން ނުވަތަ ހުރި ތަނަކުން ދުރަށް ނުދިއުން (2) ތަނަކަށް ޖަހައިފައި ހުރި އެއްޗެއް ނެގޭ ގޮތްނުވުން (3) ހަލައިނުލުން މަޖާޒު: (4) ހުރިގޮތުގައި ހިފެހެއްޓުން (5) އުޞޫލު ދޫނުކުރުން
ގުޑި
ނ (1) އޮނު ނުވަތަ އިލޮށިން މައިގަނޑެއް ހަދައި އޭގައި ކަރުދާސް ތަތްކޮށް ވަޔަށް އެއްލުމަށް ހަދާ އެއްޗެއް. (2) ދިވެހި ރުކުގެ ރާ ބޭލުމަށް ހަދައިފައި ހުންނަ އެއްޗެއް. މި ހަދައިފައި ހުންނާނީ އުނބު ރީތިކޮށް މަށައި އެކަތި އަނެކައްޗާ ގުޅުވައިގެންނެވެ (3) މާމުޔާއި ހަކުރުފަދަ ތަކެތި ވާ ކަނި
ގުޑުގުޑުއެޅުން
މ (1) ތުރުތުރު އެޅުން (2) ރޫރޫ އެޅުން (3) އެއްޗެއްގެ ތެރޭގައި އޮތް އެއްޗެއް ތެޅުވޭ ގޮތްވުން
ގޫގެރަވަ
ނއ )ޏ ( ބޮޑުނުވެ ގާވެފައި ހުންނަ މިބަސް ޢާއްމުކޮށް ބޭނުންކުރަނީ ދިރޭ އެއްޗެއްސާ މެދުގައެވެ
ގޫގެރަވަ ކެއުން
މ )ޏ ( ބޮޑުނުވެ ގާވުން މިބަސް އާއްމުކޮށް ބޭނުންކުރަނީ ދިރޭ އެއްޗެއްސާ މެދުގައެވެ
ގެ
ނ (1) ދިރިއުޅޭތަން (2) މަސައްކަތެއް ކުރުމަށް ހަދައިފައި ހުންނަތަން މިސާލު: ކަނބުރުގެ (3) ދެއެއްޗެއް ގުޅުވައިދިނުމަށް ބޭނުންކުރާ އަކުރެއް މިސާލު: ޅެންވެރިންގެ ގުލްޒާރު (4) ނަން މާތްކުރުމަށް ބޭނުންކުރާ އަކުރެއް މިސާލު: ކިސްރާ ރަސްގެ (5) ބައެއް ކުޅިވަރު ކުޅޭއިރު ކުރަހައިފައި ހުންނަގޮޅި
ގެށުން
މ (1) ދަވާދުފަދަ އެއްޗެއްސާއި އަދި ކައްކާ ބައެއް ތަކެތި އެއްޗަކުން ހަލައި އެއްކުރުން (2) )ޏ ސ ( ބޯކުރުން
ގެނބުން
މ (1) ދިރޭއެއްޗެއް ކަނޑު ނުވަތަ މޫދު ނުވަތަ ފެންގަނޑެއް ފަދަ ތަނަކަށް ފެތުން (2) އަޑިޔަށް ދިއުން (3) މަޖާޒު: ކޮންމެވެސް ފިކުރެއް ނުވަތަ އަސަރެއްގައި އިނުން
ގެނައުން
މ (1) ދުރުގައި ހުރި އެއްޗެއް ކައިރިކުރުން. (2) ދުރުގައި ހުރި މީހަކަށް އެންގުމުން އޭނާ އައުން
)މުސްކުޅިބަހެއް( (1) ކިތަންމެ ދެރައެއްޗެއް ގެއްލުނަސް ވާހަކަ ދައްކާއިރު އެގެއްލުނު އެއްޗަކީ އެންމެމޮޅު އެތިކަމަށް ހަދައިގެން ވާހަކަ ދައްކައި އުޅޭތީ ބުނެއުޅޭ ބަހެއް (2) ތިމާއަށް ލިބެން މެދުވެރިވެފައި ނުލިބި ގެއްލިގެންދާ އެއްޗެއް އެއީ ހީކުރެވޭވަރަށްވުރެ އަގުހުރި އެއްޗަކަށް ވެދާނެކަން އެންގުމަށް ބުނެއުޅޭ ބަހެއް ގެންފައިދާނީ ފަލަމަހެވެ
ގެންދިޔުން
މ (1) އެއްތަނުން އަނެއްތަނަށް މީހަކު ނުވަތަ އެއްޗެއް ބަދަލުކުރުން (2) ދިޔުން މިބަސް ކުރުވުމުގެ މާނައިގައި ބޭނުންކުރާގޮތް
ގެންގެރަން
ނ )ލ ( ގޮނޑުދޮށުގައި އޮތް އެއްޗެއް އެއްގަމަށް ގެންދިޔުން
ގެންގެރުން
މ އެއްޗެއް އަތިރިމަތިން ގެއަށް ނުވަތަ އެއްގަމަށް ގެންދިއުން
ގެރިވަރު
ނ (1) މީހެއް ނުވަތަ ދިރޭއެއްޗެއްގެ ހަށިގަނޑުގައި ފަށަކާޖެހިފަށެއް އޮޅައިފައި ބަންނަބަނުން (2) ކަރާކަންވާރު