radheef.info
ރަދީފު


ގައި
އ ހާލު ނުވަތަ ތަން ނުވަތަ ވަގުތު ބަޔާންކުރުމަށް ބޭނުން ކުރާ އަކުރެއް މިސާލު: )ހ( ހަތްގަޑި ފަނަރައިގައި )ށ( މޭޒުދޮށުގައި )ނ( ބޭރަށް ހިންގުމުގައި
ބޭފަރާ ދަތުރު
ނ ފިލާއަޅާއިރު ގަޑިޔާއަޅައި ހިސާބުކޮށްގެން ކުރާދަތުރު. ނިޔަމިކަމުގައި ބޭނުންކުރާ ގަޑިޔަކީ ކަރުނާ މާޓަރެވެ. މިގަޑި ހަމަކޮށް ފާހުންނާނީ ޖީ އެމް ޓީ އާއެވެ
ބޭފުޅުން
ނ ވާހަކަ ދެއްކުމުގައި އާދެވަޑައިގަންނަވަން ކިޔާވަރުގެ މޮޅުމީހުން
ބޭލާ
ނ މިޔުޒިކުގެ އާލާތެއް މީގެ މައިގަނޑު ބައިތަކަކީ ބަޓަން ލައިގެން ހަދައިފައިވާ ފޮއްޓަކާއި އެފޮއްޓަށް ހަރުކޮށްފައި އޮންނަ ދަނޑިއެކެވެ މީގައި އާންމުކޮށް ހުންނާނީ ހަރުނަރު ފުރައިފައެވެ މީގެއަޑު ނެރޭނީ މިނަރުތައް އޭތީގެ ދަނޑިޔާލައި އިނގިލި އޮބައި ކެހެރި ނުވަތަ އެފަދަ އެއްޗެހިވާންކޮށް ފުރައިފައި އޮންނަ ދަނޑިއެއް ނަރުތަކުގައި ކާއްތައިގެންނެވެ
ބޭލުން
މ (1) މަތީގައި ހުރިއެއްޗެއް ތިރިކުރުން. (2) އެއްގަމުގައި އޮތްއެއްޗެއް ކޮށްޕައި މޫދަށް ނުވަތަ ފެންގަނޑަކަށްލުން (3) ހަށިގަނޑުން ފަޅައިފައި ހުންނަ އިސްތައްޓާއި ގެރިބަކަރިފަދަ ޖަނަވާރުގެ ކެހެރި ތޫނު އެއްޗަކުން ކަހައި ފިލުވުން (4) ދަތުރުކޮށްފައި އައިމީހަކު އެއްގަމަށް ގެނައުން (5) ރަށުންބޭރަށް އަންނަމީހަކު ރަށުގައި ނުވަތަ ގެއެއްގައި ބެހެއްޓުން (6) އުޅަނދަކުން މީހަކު ނުވަތަ އެއްޗެއް އެއްގަމަށް ނުވަތަ އެހެން އެއްޗަކަށް ނުވަތަ ތަނަކަށް ގެންދިއުން (7) ދަތުރު ފަތުރު ކުރާ އުޅަނދަކުން ތަކެއްޗާއި މީހުން ހުސްކުރުން (8) ރަށެއްގައި ދިރިއުޅޭބަޔަކު އެރަށުން ބޭރުކުރުން (9) އެހެލުމުގެ އިދިކޮޅު )01( ކުޅިވަރުކުޅޭ ދަނޑަކުން ނުވަތަ ކޯޓަކުން މީހުން ނުވަތަ ބަޔަކު ބޭރުކުރުން
ބޭސް އުށް
ނ މާމުއި ކުޅަނދުރުގެ ހަތައިން ނަގައިގެން ހަދާ އުށެއް މިހުންނަނީ މަޑުދޮން ކުލައެއްގައި އެތިއެތިގަނޑަށެވެ މިއީ ދިވެހިބޭހަށާއި ފާލީސްކުރުމަށް ބޭނުންކުރާ އެއްޗެކެވެ
ބޭސް އެޅުން
މ ލޮލަށާއި ނޭފަތަށާއި ކަންފަތަށް ނަމަ ބޭހުން ތިކި ޖެއްސުން. ހަށިގަނޑުގެ އެހެން ތަނެއްގައިނަމަ ބޭސްގަނޑު ބޭއްވުން ނުވަތަ ހިއްޕުން
ބޭސްބޯޅަ
ނ ތިން މުގޯލި ކުޅޭގޮތަށް ކުޅޭ ކުޅިވަރެއް މިކުޅިވަރު ކުޅުމުގައި ބޯޅަޖަހަނީ މަންޑިދަނޑި ގޮތަށް އޮންނަ އެއަށްވުރެ ބޮޑު އެއްޗަކުންނެވެ
ބޭސްކަރަ
ނ އަރިދަފުސް ރޯގާއަށް ބޭނުންކުރާ ދިވެހި ބޭހެއް. މިއީ ދުންނިކަފަތް ފެނުކައްކައިގެން ނުވަތަ ޅައަންނާރު ފޮޅިކޮށްގެން ހިއްތަލަފުށް ނުވަތަ ގޮދަން ފުށުގައި މަތިކަރާބޭހާ ދިޔާ ހަކުރު އަޅައިގެން ހިލާ ބޭހެކެވެ މިބޭސް ހިލުމުގައި ފޮނިތޮށި ކާފޫރުތޮޅި އަޅައެވެ ފޮނިތޮށި ކާފޫރުތޮޅި އަޅާނީ ބޭސްގަނޑު ހަރުވަމުން އަންނަ އިރުއެވެ
ބޮށިގަނޑަ
ނ )ސ.( (1) ވިހައިގެން އުޅޭ މީހުންނަށް ބޯންދޭން ތައްޔާރުކުރާ ބޭހެއް. މިއީ މަތިކަރާ ބޭހާއި ގަސްގަހުގެމޫ އެއްކޮށްގެން ހަދާ ބޭހެކެވެ. މިބޭހަށް "ބޮށިގަނޑަ" މިހެން ކިޔަނީ މައިގަނޑު އެއްޗަކަށް ވަނީ ބޯށިގަހުގައި އަންނަ ޅަބޯށިގަނޑުކަމަށް ވާތީއެވެ. (2) ގަސްގަހުގައި އެއްތަނޑަކަށް ނުފޮޅި ހުންނަ މާގަނޑު
ބޮނބި
ނ (1) ކާށި ގަބުޅި ފަދަތަކެތި ހެހިގެންނަގާ ތޮށިގަނޑު (2) ވިޔާމީހުންގެ ބަހުރުވައިގައި ތާންލާން ގެންގުޅޭ ފިހި
ބޮނބިނަރު
ނ ބޮނބީގައި ހުންނަ ހިމަފަށްފަށް
ބޮނބިކަޅިހި
ނ ބޮނބިން ހަދައިގެން ކިއްސަރު ވަޑާމުގައި ބޭނުންކުރާ ކަޅިހި
ބޮނބިއެޅުން
މ (1) ބޮނބި ފާލުގައި ބޮނބި ވަޅުލުން މިއީ ބޮނބި ފާކޮށްގެން ތަޅައިގެން ނަރުނެގުމަށް ކުރާކަމެކެވެ (2) )ބ ( ވިޔާން ފުރައިފައި ހުންނަ އުއިގަނޑުގެތާން ހިއްކާން ފިހިކޭއްތުން
ބޮނބިއޮޑި
ނ އޮޑިޔެއްގެ ސިފައިގައި ރިޔާނަގައިގެން ދުވާނޭހެން ހަދައިފައި އޮންނަބޮނބިގަނޑު މިއީ ކުޑަކުދިން ކުޅެން ގެންގުޅޭ އެއްޗެކެވެ
ބޮނބިފަޅި
ނ މެދުބުރަކަށިން މަތީގެ ދެފަރާތުގައި އުސްކޮށް އޮންނަތަން
ބޮނބިފަޅީވައި
ނ ހާނީއްކައެއް ދުޅައެއްނުވެ ބޮނބިފަޅީގައި ރިހޭރިހުން
ބޮނބިފަތްކަޅިހި
ނ އޮޑިދޯނިފަހަރު ބަނުމުގައި ބޮނބިފަތްކަފާފާއޮންނަ ހިލަތޮށިގަނޑުން ހަދައިގެން. ކިއްސަރު ވަޑާމުގައި ވަޑިންގެންގުޅޭ ދެލިޖައްސައިގެން ފާހަގަލާ ކަށަވަރު
ބޮނބިގަނޑުފުރުވުން
މ (1) މީދާމޫދުގައި ހުންނަ ކާށިގެއަށް އަރާން އޮއިހުންނަގޮތް ބެލުމަށްޓަކައި ބޮނބިގަނޑު މޫދަށް ބޭލުން (2) މަޖާޒު: ތިމާފާޅުނުވެހުރެގެން މީހަކު ލައްވައި ތިމާއަށް ކަމެއް ފަހިވޭތޯ ބެއްލުން
ބޮނދު
ނ (1) ރާޒުވާކުޅިބައިގެވެރިކުޅި. (2) ކަނޑުމަތީގައި އުޅޭ ކުޑަވަރެއްގެ ދޫންޏެއް. މިދޫނީގެ ފިޔަހުންނާނީ ހަނިކޮށެވެ. ވަރަފަތް ތައް ހުންނަނީ ތޫރިކޮށެވެ. (3) މަޖާޒު: ރަނގަޅަށް ބޮޑުނުވެ ހުންނަމީހާ. (4) )ގ.( ލަނޑާ
ބޮނދުބުޑަށްސައިކިޔުން
(1) ރާޒުވާކުޅުމުގައި ބޮނދަށް ރައްކާނުވެވޭގޮތަށް ބޮނދާ އެންމެކައިރީގެ ޔަކަށް ސައިކިޔުން (2) މަޖާޒު: މީހަކަށް ސަލާމަތް ނުވެވޭވަރުގެ ބޮނޑިއެއްދިނުން