radheef.info
ރަދީފު


ޔ
ނ ތާނައިގެ އެކާވީސް ވަނައަކުރު
ބޭނޑު
ނ ކަނޑުމަތީ ދޫންޏެއް. މިއީ ފިޔަގަނޑު ވަރަށް ތޫރިކޮށް ހުންނަ ދޫންޏެކެވެ. މިދޫނީގެ ފިޔައިގެ މަތީ ފަރާތާއި ބޮލާއި ކަނދުރާ މަތީގައި ހުންނާނީ ކަޅުކުލައާއި ގާތް ގަދަ މުށިކުލައެވެ. ބަނޑުދޮށް ހުންނާނީ ހުދުކުލައިގައެވެ. ފަޔާއި ތުނބުގައި ހުންނަނީ ކަޅުކުލައެވެ. މިދޫނީގެ ބޮޑުމިނަކީ ގާތްގަނޑަކަށް ފަނަރަ ނުވަތަ ސަތާރަ އިންޗިއެވެ
ބޭނިގަތުން
މ ތިމާޔާ ނުބެހޭ ކަންތަކުގެ ތެރެޔަށް އަމިއްލަޔަށް ވަދެގަތުން
ބޭނުން
ނ (1) މުހުތާދު (2) މަޤުޞަދު (3) މަޠުލަބު (4) ހާޖަތް (5) އެދޭއެދުން (6) ހިތްކިޔާކިޔުން މ (7) އެއްޗެއްގެ ތެރެއަށް އަނެކައްޗެއް ވެއްދުން ނުވަތަ ކޮއްޕުން (8) ބުޅީގައި ގަނުވައިގެން މަސްހިފުން (9) ކުރުނބާ ކިހައް ފަދަ ތަކެތި އިހާ އޮތްގޮތަށް ވާޖަހައިގެން ރުކުން ބޭލުން )01( ކަމެއްގެ ތެރެއަށް މަތިންބައިން ޖެހިގެން ވަނުން
ބޭންޑު
ނ (1) މިޔުޒިކްކުޅޭ ސާމާނާ އެކުގައިވާ މިޔުޒިކް ގުރޫޕް (2) ބޮލުގައި އަޅަން ހަދައިފައި ހުންނަ ބަންދު (3) ބޮލުގައި ނުވަތަ ހެދުމުގެ ތަނެއްގައި އަޅާފޮތިފަށް
ބޭރަށް ހިންގުން
ނ އާދަޔާ ޚިލާފަށް ގިނައިން ބޮޑުކަމުދާންވާ ބައްޔެއް
ބޭރަށްލުން
މ (1) ތަނަކުން ނެރެލުން (2) ނޯކިރީކަމުން ވަކިކުރުން (3) ވިހައިގެން ހަތްދުވަސްވާ ދުވަހު އާދަކާދައިގެ މަތިން މައިމީހާޔާ ދަރިފުޅު ގޭތެރެއިން ބޭރަށް ނެރުން
ބޭރި
ނ (1) ކަނޑުން އަރާކަމަށް ހީކުރާ ޚިޔާލީ ފުރޭތައެއް. މިއީ ހުރިހާ ކަމަކާ ވާހަކަދައްކައި އެއްޗެހިކިޔައި އުޅޭ ކަމަށްބުނާ ފުރޭތައެކެވެ (2) މަޖާޒު: މީހަކާ ހިތާވެގެންމެ އެވައްތަރު ނުދައްކާ އެމީހާގެ ފަހަތުން އަޅައިގަނެގެން އުޅޭމީހާ
ބޭރު
ނ (1) އެތެރެޔަށް ނުވާތަން. މިސާލު: ގެއިންބޭރު. ބޭރުމަތި. (2) ވަތްހޭލާ ހިސާބު. (3) ގަނޑުވަރުތެރޭ ބޭފުޅުން ތިއްބަވާ ތަންތާނގައި ބޭރުން އަންނަ ޚާއްޞަ ރައްޓެހިފުޅު މީހުންނަށް ކައްކާބަތް. (4) ނއ. އެކަމެއްގެ އެތަނެއްގެ އެއްޗެއްގެ އެބައެއްގެ ތެރޭގައި ނުހިމެނޭ
ބޭރުންދާ އޮޑިޔަކަށް ނިވަލެއް ނޯންނާނެ
(މުސްކުޅިބަހެއް) ގެއަށް ނުވަދެ ބޭރުގާ ހުންނަ މީހަކަށް ގެއިންދެވޭ ޚިދުމަތެއް ނުދެވޭނެޔޭ ބުނުމަށް ބުނެއުޅޭ ބަހެއް
ބޭރުކިހިލި
ނ ދަނޑިކޮށީގެ ދެމީހުން ކުޅީގައި ޖަހާއެތި ފަހަރެއް މިއެތި ފަހަރުން އަނެކަކު ރެކޭނީ ބާސް ކީއްޔަށް ވާގޮތަށް ދަނޑި ހިފަހައްޓައިގެން ހުރެ އެއިން ޖައްސައިގެންނެވެ
ބޭބެ
ނ (1) އެއްބަނޑު އެއްބަފާ ނުވަތަ އެއްބަނފާ ނުވަތަ އެއްބަޑު ދޮށީ ފިރިހެނާ (2) ތިމާގެ މީހުންގެ ތެރެއިން ދޮށީ ފިރިހެނާ (3) ތިމާއަށް ވުރެދޮށީ ފިރިހެނުންނަށް ކަމޭހިތުމުގެ ގޮތުން ކިޔާއުޅޭ ނަމެއް
ބޭބޭންގެ ދަރި
ނއ ދެބޭންގެ ދެދަރިޔަށްވުރެ އެއްދަރިކޮޅު ދުރު
ބޭބޭކަނބަލުން
ނ އަދަދު ބަޔާންކުރުމަކާ ނުލައި ބޭކަނބަލުން ގިނަކުރުމަށް ބޭނުން ކުރެވޭބަހެއް
ބޭބޭކަލުން
ނ އަދަދު ބަޔާންކުރުމަކާއި ނުލައި ބޭކަލުން ގިނަކުރުމަށް ބޭނުން ކުރެވޭބަހެއް
ބޭބޭފުޅު
ނ ބޭބެ މިބަސް އެންމެމާތްކޮށް ކިޔާގޮތް
ބޭކެނބިވެޔޮ
ނ ބޭކެންބާވެޔޮ
ބޭކެންބާވެޔޮ
ނ (1) ފެންފެހަނޑަވެޔޮ (2) ބޭކެނބިފިލާ
ބޭއިންސާފު
ނ (1) ހަމަޔާ ޚިލާފު (2) އިންސާފުނެތް
ބޭއިޚުތިޔާރު
ނ (1) އިޚުތިޔާރެއްނެތި (2) އިޚްތިޔާރާ ނުލައި (3) ގަސްތެއްނެތި
ބޭވަރު
ނ އަންހެނުންކުދިންނާ އަޅައިގަނެގެން އުޅޭ މުސްކުޅި ފިރހެނުންނާ ދިމާޔަށް އެކުދިން ރުޅިއައިސްގެން ބުނެއުޅޭގޮތެއް