radheef.info
ރަދީފު


ހުނ
އ ނުރުހުމުގެ ގޮތުން ނުވަތަ ނުރުހިގެން އިއްވާލާ އަޑެއް. މިސާލު: ހުނ އެހެންތަހީކުރީ
ބޭފުޅުން
ނ ވާހަކަ ދެއްކުމުގައި އާދެވަޑައިގަންނަވަން ކިޔާވަރުގެ މޮޅުމީހުން
ބޭދަނާ
ނ އަހިއޮށްހެން ހުންނަ އޮށެއް މިއޮށް ފެނަށް އެޅީމާ މަސްލައިގެން އޮލަވާނެއެވެ މިއީ ބޭހަށްވެސް ބޭނުންކުރާ އެއްޗެކެވެ
ބޭލާ
ނ މިޔުޒިކުގެ އާލާތެއް މީގެ މައިގަނޑު ބައިތަކަކީ ބަޓަން ލައިގެން ހަދައިފައިވާ ފޮއްޓަކާއި އެފޮއްޓަށް ހަރުކޮށްފައި އޮންނަ ދަނޑިއެކެވެ މީގައި އާންމުކޮށް ހުންނާނީ ހަރުނަރު ފުރައިފައެވެ މީގެއަޑު ނެރޭނީ މިނަރުތައް އޭތީގެ ދަނޑިޔާލައި އިނގިލި އޮބައި ކެހެރި ނުވަތަ އެފަދަ އެއްޗެހިވާންކޮށް ފުރައިފައި އޮންނަ ދަނޑިއެއް ނަރުތަކުގައި ކާއްތައިގެންނެވެ
ބޭލުން
މ (1) މަތީގައި ހުރިއެއްޗެއް ތިރިކުރުން. (2) އެއްގަމުގައި އޮތްއެއްޗެއް ކޮށްޕައި މޫދަށް ނުވަތަ ފެންގަނޑަކަށްލުން (3) ހަށިގަނޑުން ފަޅައިފައި ހުންނަ އިސްތައްޓާއި ގެރިބަކަރިފަދަ ޖަނަވާރުގެ ކެހެރި ތޫނު އެއްޗަކުން ކަހައި ފިލުވުން (4) ދަތުރުކޮށްފައި އައިމީހަކު އެއްގަމަށް ގެނައުން (5) ރަށުންބޭރަށް އަންނަމީހަކު ރަށުގައި ނުވަތަ ގެއެއްގައި ބެހެއްޓުން (6) އުޅަނދަކުން މީހަކު ނުވަތަ އެއްޗެއް އެއްގަމަށް ނުވަތަ އެހެން އެއްޗަކަށް ނުވަތަ ތަނަކަށް ގެންދިއުން (7) ދަތުރު ފަތުރު ކުރާ އުޅަނދަކުން ތަކެއްޗާއި މީހުން ހުސްކުރުން (8) ރަށެއްގައި ދިރިއުޅޭބަޔަކު އެރަށުން ބޭރުކުރުން (9) އެހެލުމުގެ އިދިކޮޅު )01( ކުޅިވަރުކުޅޭ ދަނޑަކުން ނުވަތަ ކޯޓަކުން މީހުން ނުވަތަ ބަޔަކު ބޭރުކުރުން
ބޭސް އުށް
ނ މާމުއި ކުޅަނދުރުގެ ހަތައިން ނަގައިގެން ހަދާ އުށެއް މިހުންނަނީ މަޑުދޮން ކުލައެއްގައި އެތިއެތިގަނޑަށެވެ މިއީ ދިވެހިބޭހަށާއި ފާލީސްކުރުމަށް ބޭނުންކުރާ އެއްޗެކެވެ
ބޭސް އެޅުން
މ ލޮލަށާއި ނޭފަތަށާއި ކަންފަތަށް ނަމަ ބޭހުން ތިކި ޖެއްސުން. ހަށިގަނޑުގެ އެހެން ތަނެއްގައިނަމަ ބޭސްގަނޑު ބޭއްވުން ނުވަތަ ހިއްޕުން
ބޭސް ސުންބުލި
ނ (1) ޔޫނާނީ ބޭހުގެ ބައެއް ބާވަތެއް އަޅާން ތާރުކުފަނުން ވިޔެފައި ހުންނަ ކޮތަޅު (2) މަޖާޒު: އަބަދު ބަލިވެ އުޅޭ އަންހެންމީހާ
ބޭސްވެރިން
ނ ދިވެހިބޭސްކޮށް އުޅޭ މީހުން
ބޭސްގުޅަޖެހުން
މ މަޖާޒު: (1) އަފިހުން ގުޅައެއް ކައިލުން (2) މަސްތުވާ ހިކި އެއްޗެއް ކެއުން
ބޭސްގޯނބިލި
ނ އޮށް ބޭހުގެ ތެރޭން ހިމެނޭ ކުޑަވަރެއްގެ އޮށެއް މިހުންނާނީ ގޯނބިލީގެ ސިފައިގައެވެ
ބޭޤަރާރުވުން
މ (1) ނުތަނަވަސްވުން (2) ހިތްހަމަނުޖެހުން
ބޮށިގަނޑަ
ނ )ސ.( (1) ވިހައިގެން އުޅޭ މީހުންނަށް ބޯންދޭން ތައްޔާރުކުރާ ބޭހެއް. މިއީ މަތިކަރާ ބޭހާއި ގަސްގަހުގެމޫ އެއްކޮށްގެން ހަދާ ބޭހެކެވެ. މިބޭހަށް "ބޮށިގަނޑަ" މިހެން ކިޔަނީ މައިގަނޑު އެއްޗަކަށް ވަނީ ބޯށިގަހުގައި އަންނަ ޅަބޯށިގަނޑުކަމަށް ވާތީއެވެ. (2) ގަސްގަހުގައި އެއްތަނޑަކަށް ނުފޮޅި ހުންނަ މާގަނޑު
ބޮނބި
ނ (1) ކާށި ގަބުޅި ފަދަތަކެތި ހެހިގެންނަގާ ތޮށިގަނޑު (2) ވިޔާމީހުންގެ ބަހުރުވައިގައި ތާންލާން ގެންގުޅޭ ފިހި
ބޮނބިނަރު
ނ ބޮނބީގައި ހުންނަ ހިމަފަށްފަށް
ބޮނބިއެޅުން
މ (1) ބޮނބި ފާލުގައި ބޮނބި ވަޅުލުން މިއީ ބޮނބި ފާކޮށްގެން ތަޅައިގެން ނަރުނެގުމަށް ކުރާކަމެކެވެ (2) )ބ ( ވިޔާން ފުރައިފައި ހުންނަ އުއިގަނޑުގެތާން ހިއްކާން ފިހިކޭއްތުން
ބޮނބިފަޅީވައި
ނ ހާނީއްކައެއް ދުޅައެއްނުވެ ބޮނބިފަޅީގައި ރިހޭރިހުން
ބޮނބިފާ
ނ ބޮނބިފާކުރަން އަޅައިފައި ހުންނަތަން
ބޮނބިދެލި
ނ ބޮނބި އަންދައި ދެއްޔަށްވީމާ އަޅިޔަށް ނުވަނީސް ފެންޖަހައި ނިއްވައި ފައިހުންނަދެލި
ބޮނބިގަނޑުފުރުވުން
މ (1) މީދާމޫދުގައި ހުންނަ ކާށިގެއަށް އަރާން އޮއިހުންނަގޮތް ބެލުމަށްޓަކައި ބޮނބިގަނޑު މޫދަށް ބޭލުން (2) މަޖާޒު: ތިމާފާޅުނުވެހުރެގެން މީހަކު ލައްވައި ތިމާއަށް ކަމެއް ފަހިވޭތޯ ބެއްލުން
ބޮނދައިގެންއުޅުން
މ (1) ފިލައިގެން އުޅުން (2) މަޖާޒު: މީހުންގެ ތެރެއަށް ނުފެންނަ ގޮތަކަށް އުޅުން