radheef.info
ރަދީފު


ނު
އކ (1) ނަފީގެ އަކުރެއް. މިއަކުރުގެ މާނަދޭހަވާނީ ބަހަކާއި ގުޅުވައިގެން ބުނުމުގައެވެ މިސާލު: )ހ( ނުބަލާ! )ށ( ނުދޭ! )ނ( ނުކާނަން (2) ނުދަންނަ އެއްޗެއް
ބަނޑުހައިވުން
މ (1) ކާނާއިން ބަނޑުހުސްވުން (2) ކާނާޔަށް ބޭނުންވުން
ބަނޑުހޫނުކޮށްލުން
މ މަޖާޒު: ސައިފޮދެއް ބޯލައި ނުވަތަ ނާސްތާއެއް ކޮށްލައިގެން ބަނޑުހައިކަން ފިލުވައިލުން
ބަނޑުނުބައިވުން
މ ހަޖަމުނުބައިވުން
ބަނޑުރާޅަށްދެމުން
މ ނަގާރާޅުގެ ބަނޑުދަށަށް ބިންދާލި ރާޅުގެ ލޮނުގަނޑު ދަމައިގަތުން
ބަނޑުބައިން
ނ (1) އުނަގަނޑު ފައްޓަރު ތިރިވިޔަނުދޭން ބާސްކީލިން އަޅައިފައި ހުންނަ ފަށް މިބައިން ޖަހަނީ ކުޑަކުދީންނެވެ (2) އަސްފަދަ ސަވާރުވާ ތަކެތީގެ މަޑި ހަރުކުރާން ބަނޑު ދަށުން އަޅާ ކަމަރު (3) ފަޓުލޫނު ހިފެހެއްޓުމަށް ކޮނޑުމަތިން ދެފަރާތުން އަޅައިފައި ހުންނަ ބަންދު
ބަނޑުބޮޑުވުން
މ (1) ކައިގެން ބަނޑުފުރުން (2) ހައްޔަރުގައި އިނުން މަޖާޒު: (3) ހިތްފުރުން
ބަނޑުކަނި
ނ (1) ތޮނައިގެފުލުން ފައި ދޮށުގެ މެދުގައި ވިއްދާކަނި (2) ތޮނައިގެ ފުލުން ނުވަތަ ހުރަހުން ފައިދޮށުގައި ވިއްދާކަނި
ބަނޑުކުރާ
ނ ގޮވާން ގަސްގަހުގެ ފަތްވަޅުން ނުކުންނަ ކުރާގަނޑު
ބަނޑުއަކިރި
ނ (1) ރާޅާ އަރުވާ އަކިރި (2) މަޖާޒު: ގޮތްކުޑަ ވިޔާނުވާ މީހުން
ބަނޑުއިލި
ނ އޮޑިދޯނި ފަހަރުގެ އަޑި ބަނުމާއި މަތި ހެދުމުގައި ގަދަކުރުމަށްޓަކައި ބޭރުން ޖަހާ އިލީގެ އިތުރަށް އިހިތަކަށާ އިންނަފަތްތަކަށް އެތެރެ ފަރާތުން ޖަހާއިލި
ބަނޑުވޭން
ނ (1) ހޮޑުލުމާއެކު ނުރައްކާގޮތް މަތިން ބޭރަށް ހިންގާ ބަލި (2) ގަހަޑުބަލި (3) ބޮޑު ބޭރަށް ހިންގުން
ބަނޑުމުސާރަ
ނ އޮޅުލުމުގެ ބާވަތެއް މިއީ ބޯ ނުޖައްސައި މެދުހަށީގައި ބައްދައިގެން ހިފާ ހިފުމެކެވެ
ބަނޑުފަތް
ނ (1) ކެޔޮގަސްގަނޑުގެ ފަށަލަ (2) އޮނުހެދޭއިރު ބަދަމަތީން ފަޅައިފައި ހުންނަ ފާޅަ މީގައި ތޫނު ކެހެރިޔެއް ހުންނާނެއެވެ (3) ދާމުލުގައި ހުންނަ ބިލެތްގަނޑު (4) ޗާކުފިޔޮހީގެ މުށްގަނޑުގެ ދެފަރާތުގައި އަޅައިފައި ހުންނަ މަޢުދަނުގެ ދެފަށް
ބަނޑުފަލި
ނ މަސްދޯނި ފަހަރުގެ މެދުވަތުގައި ބޭނުންކުރާ ފަލި. )ކޮޅުފަހު ފައްޔާއި ޖެހިގެން ހުންނަފަލި
ބަނޑުފެޅިލިބާސް
ނ ފިރިހެނުންލާ ލިބާހެއް މިލިބާސް ހުންނާނީ ކުރިމަތީ ބަދަނުގެ މެދުން އެއްކޮޅުން އަނެއްކޮޅަށް ފަޅައިފައެވެ
ބަނޑުފެޅުން
މ މަޖާޒު: މީހަކަށް ދެރަދިނުމުގެ ގަސްތުގައި ނެތިމޮށުން
ބަނޑުދުރަ
ނ (1) އާނުކަނޑައި ކޮނެފައި ހުންނަ ވަޅުގެ އާނުގެ ދަށުން ހެދޭ ބާސަލަގަނޑު (2) ވަޅުގެ އެތެރޭގައި ގޮނިހެދިފައި އޮންނަ ތަން
ބަނޑުލައިލޫދުން
މ ކޮޅަށްހުރި އެއްޗަކަށް ނުވަތަ އުސްތަނަކަށް ބަނޑުޖައްސައި ބައްދައިގެން އެރުން ނުވަތަ އެފަދަ ތަނަކުން ފޭބުން
ބަނޑުލުން
މ (1) ގަހަކަށް ނުވަތަ ރުކަކަށް އަރާއިރު ގަހުގައި ނުވަތަ ރުކުގައި ބަނޑުޖެއްސުން. (2) ބަނޑުގައި ޖައްސައި ބެއްދުން. (3) ސަރުބީޖަހައިގެން ބަނޑު ބޮޑުވުން. (4) ދަމައިފައި ހުންނަ ނަރު ނުވަތަ ވާ ނުވަތަ ރޯނު ފަދައެއްޗެއްސާއި ދޫކޮށްފައި ހުންނަ ކިރު ފަދަތަކެތީ ތިރިއަށް ގޮނިލުން
ބަނޑުގޮއްވާކަށި
ނ މިޔަރުގެ މައިކަށީން ވަކިވެ ކުނިފިލާފައިވާ ބަދައެއް މިއީ ކުޑަކުދިން ކުޅިވަރަކަށް ބަނޑުގައި އޮއްބައި ނަގައި މިގޮތަށް ބަނޑުން އަޑު ގޮއްވަން ބޭނުންކުރާ އެއްޗެކެވެ