radheef.info
ރަދީފު


ކަށް
ނ (1) މަރުވެފައި އޮތް މީހާ (2) މުޅަ
ދިޔަދޮވި
ނ ފުރާޅުން ފައިބާފެން ވަކިދިމާއަކަށް ގެންދިއުމަށްޓަކައި އަސްކަނިދަށުގައި ހަރުކޮށްފައި އޮންނަ އެއްޗެއް މިހަދައިފައި ހުންނަނީ ޓިނާއި އެސްލޯން ފަދަ ތަކެތިންނެވެ
ދީފައިހިފުން
މ (1) މަސްބާނާއިރު އެންގަނޑުކާން ދިނުމަށް ތަންކޮޅެއް ދޫކޮށްފައި ދެން ދަމައިގަތުން (2) މަޖާޒު: އަނެކަކަށް ރަނގަޅަށް ފުރުސަތުދީފައި ތިމާގެ ބާރުގެ ދަށަށް ގެނައުން ނުވަތަ ބައްދައިލުން
ދީދި
ނ (1) ބޭފުޅުންގެ ދެވަނަ ދަރަޖަ. މިއީ ފިރިހެން ދަރިކޮޅުން ރަސްކަލަކަށް މުނިކާފާފުޅު ވިދާޅުވާ ބޭފުޅުންގެ ބޭފުޅުންނެވެ. )ރަސްކަލަކަށް ހޫރު ކާފާފުޅު ވިދާޅުވާ ބޭފުޅުން.( (2) އަންހެން ދަރިކޮޅުންނަމަ ރަސްކަލެއްގެ ފިރިހެން ބޭފުޅެއްގެ އަންހެން ބޭފުޅަކަށް ނުވަތަ ރަސްކަލެއްގެ އަންހެން ބޭފުޅަކަށް މާމާފުޅު ވިދާޅުވާ ބޭފުޅުން (3) ދީދީކިޔާ ބޭފުޅުންގެ ބޭފުޅުން
ދުނބުރިއުކުން
މ ބިންމަތީގައި ފެނުޖަހައިފައިދާގޮތަށް އެއްބަޔަކު އަނެއް ބަޔަކަށް ދުނބުރި އުކަމުން މަގުމަތީގައި ކުޅޭ ކުޅިވަރެއް
ދުނިކޮޅު
ނ (1) އަތޮޅުގެ ރަށްތައް އެތުރިފައި ހުންނަ ބޭރު ބުރުނިމޭ ހިސާބު (2) މާޅޮސްމަޑުލު ދެކުނުބުރީގައި އޮންނަ ފަޅުރަށެއްގެ ނަން (3) ވަކިފެންވަރަކަށް ބާރުގަދަކޮށްގެން ވަކިކަމަކަށް ބޭނުންކުރާ އެކަތަކޮޅެއް
ދުނިއެރުވުން
މ )ސ ( އެއްޗެއް ވޮއްޑުންޏަކަށް ވާގޮތަށް ލެނބުން
ދުނިޔޭގައިއުޅެލުން
މ އަރާމާއި އުފަލުގައި ނުވަތަ ހިތްއެދޭހައި ގޮތަކަށް ދުނިޔޭގައި ދުވަސްތައް ހޭދަކޮށްލުން
ދުންނެގުން
މ ޒިކުރު މާލޫދު ބުރުދާ ކިއުންފަދަ ކަންކަމަކަށް ބަހައްޓައިފައި ހުންނަ ދުންކިބާ ނުވަތަ ދުންދަނޑިޖަހާއެތި އެކަން ނިމުނީމާ އެތަނުން ނަގައިގެން ގެންދިއުން
ދުންކާލި
ނ ގޮށްޓަކާ ވައްތަރުގޮތަކަށް ފޫހަމަކޮށް އެއްތެލުން ހަދައިފައި ހުންނަ އެއްޗެއް މިއީ ފޭރާން ހިއްކުމަށާއި ފޭރާމުގައި ދުންބުރުވުމަށްޓަކައި ދަށަށް އަލިފާން ލާން ހަދައިފައި ހުންނަ އެއްޗެކެވެ
ދުންތަރި
ނ ވަކިދުވަސްވަރަކު ރޭގަނޑު އުޑުމަތިން ފެންނަ ތަރިއަކަށްވުރެ ބޯޅައަކާ ވައްތަރު އައްޔެއް. މިޢަލީގައި އެކުލެވެނީ ނުގުޅިހުންނަ ކުދިކުދި އެތިކޮޅު ތަކެކެވެ. މިއަލިއިރާއި ކައިރިވުމުން ދިގުނިގުލެއް ފާޅުވެއެވެ. މި ނިގޫ ފެންނާނީ ނިއުޅާލައިފައިވާ އިލޮށި ފައްޗެއްހެންނެވެ ނޫނީ ދިގު އިސްތަށިގަނޑެއްހެންވެ
ދުންތެޔޮ
ނ ބޭހަށް ބޭނުންކުރާ ތެލެއް މިތެޔޮހަދަނީ މައިގަނޑު އެއްޗަކަށް ކުމުންޒާނި ބޭނުން ކޮށްގެންނެވެ
ދުންގެ
ނ ބދ ކަށްވަޅު
ދުރަށްޖެހިލުން
މ (1) ގާތުގައި ހުރި މީހަކު ނުވަތަ ގާތުގައި އޮތް ދިރޭއެއްޗެއް ތަންކޮޅަކަށް ދުރަށް ދިއުން (2) އެއްކިބާވެލުން
ދުރުމި
ނ ދުރުގައިވާ އެއްޗެހި ބެލުމަށް ބޭނުންކުރާ އާލަތެއް މިހުންނަނީ ދެލޮލުގައި ޖައްސައިގެން ބެލޭގޮތަށް ކޮންމެ ލޮލަކަށްވެސް ބިއްލޫރި ލެންސެއްލެއްވި ބައެއްލައިފައެވެ
ދުރުދަތުރު
ނ (1) ރާއްޖެއިން ބޭރަށްކުރާ ދަތުރު (2) ތިމާގެ ރަށާދުރުގައި އޮންނަ ރަށަކަށް ކުރާދަތުރު
ދުރުދުރުންބަލައިލުން
މ (1) ބަޔަކުކުރާ ނުކުރާކަމެއް އެބަޔަކަށްނޭނގޭ ގޮތަށް ބަލައިލުން (2) ބޭރުބޭރުން ބަލައިލުން
ދުރޯ
ނ (1) ހަނގުބޭކަލުންނާ ހަމައިންފެށިގެން މަތީފެންވަރުގެ މީހެއްގެ އަބުރާ ބެހުމުންނަގައި އުޅުނުލާރި މިގޮތަށް ނަގާނީ ދުއިސައްތަ އައްޑިހަލާރިއެވެ (2) ދެދޮރާށި ދޭތެރޭ ނުވަތަ ގުޅަކުޅޭ ފަސްގަނޑުގައި ފައިދޮށް ޖައްސަވައިގެން ހަނގުބޭކަލުން އެއްޗެއް ބައްސަވަން ތިއްބަވާ އިރު ކަމާނުބެހޭ މީހަކު އެއިން ތަނަކަށް ވަދެއްޖެނަމަ ދޭންޖެހޭއާދަ މިގޮތަށް ނަގައި އުޅުނީ އަށްލާރިއެވެ
ދުއްވުން
މ (1) ހަލުއިކޮށް ހިންގުން މިސާލު: )ހ( އަސްދުއްވުން )ށ( ކާރުދުއްވުން )ނ( މީހުން ދުއްވުން (2) ފުރާ ދުއްވާތަކެތި ދަތުރު ކުރުން މިސާލު: ބޯޓްދުއްވުން (3) ސަފުސާންލުން (4) ވިރިކެކޭ އެއްޗެއްގެ ފަށަލައެއްލުން މިސާލު: ތެލީތެރޭގައި ތިމަރަފަށެއް ދުއްވުން (5) ވަސްހިއްޕުން މިސާލު: މީރުވަސްދުއްވުން (6) އެތެރެހަށީގައި ހުރިއެއްޗެއް ކޮންމެވެސް ދޮރަކުން ބޭރަށް ނެރުން މިސާލު: )ހ( ހޮޑު ދުއްވުން )ށ( ހީސްދުއްވުން (7) އެއްޗެއް ވަކިގޮތަކަށް ފޮނުވައިލުން މިސާލު: ބަޑީގެ ވަޒަން ދުއްވައިލުން (8) ފެންހިންގުން މިސާލު:ފެން ދުއްވުން (9) ވަށްއެއްޗެއް އެނބުރެމުން ނުވަތަ ފުރޮޅެމުން ކުރިއަށް ދާނެގޮތް ހެދުން
ދުވަނިތެޔޮ
ނ ދުވަނީގެ ފަރުވާއަކަށް ހަދައިފައި ހުންނަ ތެޔޮ
ދުވަސްވަރު
ނ (1) ކަމަކަށް ކަނޑައެޅިފައިވާ މޫސުން (2) ކަމެއްގެ މޫސުން (3) ފޯވަހި