radheef.info
ރަދީފު


ވާން
ނ (1) ކެޔޮޅުކަމުގޮސް ތިބޭއިރު ދޯނި ފަރާތް ފަރާތަށް ދިޔަ ނުދިނުމަށްޓަކައި ވައުގަނޑެއްގައި އައްސައި ކަނޑަށް ދޫކޮށްފައި އޮންނަ ގައު. މިގައު އޮންނާނީ އަޑީގައި ޖެހޭވަރަށެވެ. (2) ބުޅާ ކުކުޅު މީދާ ފަދަ ތަކެތި ހިފާންޖަހައި ބާވަތެއްގެ ދަންތުރައެއް. މިހުންނާނީ ދަނޑިއެއްލަނބައި އޭގައި މަޅިއެއް ޖަހައިފައެވެ މިދަންތުރައިގައި ޖެހުނީމައި ދަނޑި ތެދުވެގެންގޮސް އެޖެހުނު އެތި ހުންނާނީ އެލިފައެވެ (3) ނއ ދޫކަމުގެ އިދިކޮޅު
އަތުލައިގަތުން
މ (1) ބާރު ދައްކައިގެން އެއްޗެއް އަތުލުން (2) އޮޅުލާއިރު ކޮނޑު މައްޗަށްނަގައިގަތުމަށް ޓަކައި ދެފައި ދެގޯޅިއަށް އަތްމަހައިފައި އުފުލައިލުން (3) ފިލައިގެން އުޅޭމީހަކު ނުވަތަ އަތުނުވާން އުޅޭމީހަކު އަތްދަށުލުން
އަތޮޅުބައްތެލި
ނ އަތޮޅުވެރީން އަތޮޅުތެރޭ ދުއްވާން ގެންގުޅޭ ޚާއްޞަ ބައްތެލި
އަތޮޅުމުޅި
ނ ގޮވާންކުރާ ރަށްރަށުން އަތޮޅުވެރިޔާއަށް އަންނަގޮވާންމުޅި މިހާރު މިމުޅިއެއްނޯވެއެވެ
އަތްކަނި
ނ ދިވެހިގޭގޭގައި ހުންނަ ދަމާދޮރު ލައްޕައި ހުޅުވާން ހިފާ ކަނި
އަތްގަނޑު
ނ (1) އެއްޗެހީގައި ހިފާން ހުންނަ އުޅައްގަނޑު (2) ގޮނޑީގައި އަތްބާއްވާން ހަރުކޮށްފައި ހުންނަ ތަން (3) މުއްގަނޑު
އަލިދަންމަތި
ނ ފަޖުރުލުމަށް އަލިވާންފަށާ ވަގުތު
އަލިދަންމަތިވުން
މ ފަޖުރުލުމަށް އަލިވާން ފެށުން
އަސް
ނ (1) މީހުން ސަވާރުވެގެން ދުއްވާން ގެންގުޅޭ މަޝްހޫރު ޖަނަވާރު (2) ފުޅަފުގައި ކެހައެޅުމާއި ފުރާޅު ބަނުންފަދަ ކަންތަކުގައި ދެދަނޑި އެއްކުރާން ވަކިގޮތަކަށް ލައްވައިގެން ބަންނަ ބަނުމެއް (3) އެއްފަށަށް ބާރުކޮށްގެން ބައްދާގޮށް (4) އ އަސްތާ
އަސްކަރު
ނ އައްސުލްޠާނުލް ޣާޒީ މުޙައްމަދު ތަކުރުފާނުލް އަޢުޒަމް ސިރީސަވާދީއްތަ މަހާރަދުން ރާއްޖެ އިސްލާމު ކުރެއްވުމަށްފަހު ބައެއް ރަށްރަށު މީހުން ނުކިޔަމަންތެރިވެގެން އެކަން ހަމަޖައްސަވާން ހަވަރުގެ ތެރެއިން އެކިބައިމީހުން އެކިރަށްރަށް ފޮނުއްވިއިރު އުތުރުގެ ރަށްރަށަށް ފޮނުއްވި މީހުންެ. އެމީހުން ދިޔަ ރަށްރަށް އެމީހުންނަށް ދެއްވީއެވެ. އަސްކަރުންގެ އޮންނަނީ ދޮށިމޭނާގެ ހަކުރާގެ މާފަތްގެ ވެލާނާގެ ދަހަރާގެ މިފަސްގެއެވެ ފަސްގެ އެކުގައިނަމަ ކިޔަނީ "ފަހޮޅި" އެވެ ވަކިވަކީންނަމަ "ގެ" އެވެ އެހެނިހެން އޮޅިމެދެކޭ އެއްފަދައިން އަސްކަރުންނަށްވެސް މާލޭގައި ކުރަންޖެހޭ ވަކިވަކި ކަންތައްތައް ހުރެއެވެ
އަޑިއެޅުން
މ (1) ވާން އުޅޭ ކަމެއް ކޮންމެވެސް ސަބަބަކާހުރެ ވަންހަނާގޮތެއްގައި ލަސްވެފައި އޮތުން މަޖާޒު: (2) ފައިސާގެ ގޮތުން ނުވަތަ ދިރިއުޅުމުގެ ގޮތުން ފެންވަރު ދަށްވުން
އަޑުކިއުން
މ (1) ދެއެއްޗެއް ކޭއްތުމުގެ ސަބަބުން އަޑުއިވުން. )މިސާލު: އުނދޯލި ހެއްލާއިރު ރޮނގަލިން އަޑުކިޔުން.( (2) އެއްޗެއް ބިދޭ ވަގުތު ނުވަތަ އެއްޗެއް ވީދޭ ވަގުތު އަޑުއިވޭ އިވުމަށްވެސް ކިޔަނީ އަޑު ކިއުމެވެ (3) ވާންއުޅޭ ކަމެއްގެ ވާހަކަ ސިއްރު ސިއްރުންދެކެވޭ އަޑު އިވުން
އަޑުއެރުން
މ ވާންއުޅޭ ކަމެއްގެ ވާހަކަދެކެވޭ އަޑުއިވުން
އާރުކާޓީފޭބުން
މ (1) މަޖާޒު: މުސްކުޅިވެ ބާރުދެރަވުން (2) މީހާގެ އައްޒާތީކަން ދިއުން (3) އަންހެނުންގެ ޒުވާންފުރާ ދިއުން މިބަސް ގިނައިން ބުނެއުޅެނީ އަންހެނުންނާއި މެދުގައެވެ
އިރާސާޢަތާހަމަވުން
މ އެކަމެއްވާންވީ ވަގުތު އައުން
އިއްޔެގެމެންދުރުގެކުދިން
ނ ޒުވާންކުދިން މިހެން ބުނެ އުޅެނީ ދުވަސްވީ މީހުން އެއަށްވުރެ ދުވަސް މަދު މީހުންނާ މެދުގައެވެ
އިމަށް
ކއ (1) ވާންވީގޮތަށް (2) ތެދުތެދަށް (3) ތަރަހައްދަށް
އިމާމު
ނ (1) ދީނީ ބައެއްކަންކަމުގައި އިސްވެހުންނަ ފިރިހެނާ (2) މަޒުހަބުގެވެރިޔާ (3) މީސްތަކުން އިޤްތިދާ ވާންޖެހޭ ފަދަ ބޮޑެތި ދަންނަ ބޭކަލުން
އިމު
ނ (1) ވާންވީގޮތް (2) އަޞްލު (3) އިން
އިމުވުން
ނ ކަމެއްވާންވީގޮތަށް ރަނގަޅަށްވުން
އިސްކަންދަރުހަރުބި
ނ ހަތްކޮޅު ނަގާބޭފުޅުން އިއްޒަތަށް ވަޑައިގަންނަވާއިރު ގަނޑުވަރުން ފެށިގެން އެވަޑައިގަންނަވާ ތާކަށް ވަޑައިގަންނަވާންދެން ދުންމާރީގައި ފުމޭ ހަރުބި