radheef.info
ރަދީފު


އަން
ނ ތިމާދޭ އެއްޗެއްގައި އަނެކާހިފާން ކުރާ އަމުރު މިއީ ކަމެއްގެ ނަމެކެވެ
ހޯއް
އކ (1) އަންގައިލުމަށް ގޮއްވާލާ އަޑެއް ނުވަތަ މަލާމާތުގެ ގޮތުން ދެރަކޮށްލުމަށް ގޮއްވާލާ އަޑެއް (2) އާންމުންގެ ތެރޭގައި ގެއެއްގެ ގިފިލި ފެންނަހިސާބު އުސްތަނަކަށް އަރަންވެއްޖިއްޔާ އެކަން އަންގައިލުމަން ގޮއްވާ އަޑު
ހޯސް
ނ އެއްޗެއް އޮހުމުގެ ބާރުކަމާއި ގިނަކަމުގެ އަޑު ހޯސްލައިފައި ފެން އަންނަނީއޭ ބުނެފިނަމަ އެއީ މާގިނައިން ފެން އަންނަނީއެވެ
ނަ
އކ (1) ނަފީކުރަން ބޭނުންކުރާ އަކުރެއް މިއަކުރު އާއްމުކޮށް އަންނާނީ ބަހުގެ ކުރިޔަށެވެ މިސާލު ނަހަމަ (2) ނޫން
ނަންބަރަށްގޮވުން
މ ނަންބަރު ނަގައިގެން ވަދެވޭ ތަންތަނުގައި ބޭނުންވާ ނަންބަރުގެ މީހާ އަންނާން ގޮވުން
ނަންބަރުހެދުން
މ (1) ވިޔަކުރުން (2) ނ 52-4-1631 ވަނަ ދުވަހުން ފެށިގެން ދިވެހި އަންހެނުން އަޅާން ސަރުކާރުން ހުއްދަދެއްވި ތިންބާވަތުގެ ހެދުން
ނައިރު
ނ (1) ކުއްލިއަކަށް ރުޅިއަންނަ މީހާ (2) ނޭއްދާރުކަން ހުންނަމީހާ
ނައިބުފަތް
ނ (1) ނާއިބުކަން ރަށްރަށުގެ މީހުނާ ހަވާލުކުރާއިރު މަހުކަމަތުއް ޝަރުޢިއްޔާއިން ދޭފަތް މިފަތް އެރަށްރަށުގެ ރައްޔިތުންނަށް ކިޔައިދިނުމީ ލާޒިމް ކަމެކެވެ (2) އިހުގައި ކޮންމެ އަހަރެއްގެ ރަޖަބުމަހު 6 ވަނަ ދުވަހު ފަޑިޔާރު މަނިކުފާނުގެ ފަރާތްޕުޅުން ދީނީ އަމުރު މަޢްރޫފު ހިންގުމަށް އަންގަވާ އެންގެވުން ލިޔެފައިވާ ކަރުދާސް
ނަމާދުފޮށާ
ނ އަންހެނުން ނަމާދު ކުރާއިރު ބޮޑުދޮޅިއަށް ގެންގުޅޭ އަތްދުއްލީފޮށާ
ނަފީ
ނެތްކަން ނުވަތަ ނޫންކަން ނުވަތަ ނުވާކަން އަންގައިދިނުމަށް ބޭނުންކުރާ އަކުރެއް މިސާލު: )ހ( އެފޮތަކުނެތް )ށ( މުޙައްމަދެއް ނޫން )ނ( އެބައިގެ ތެރޭގައި އޭނާއެއް ނުވެއެވެ
ނަފީކުރުން
މ (1) ނުވާކަން ނުވަތަ ނެތްކަން ނުވަތަ ނޫންކަން އަންގައިދިނުމަށް ބޭނުންކުރެވޭ އަކުރެއްގެ ބޭނުން ކުރުން (2) ބާޠިލުކުރުން
ނަތު
ނ (1) އަންހެނުން ނޭފަތުގައި ލާއެތި (2) ރަނުން ވާގަހަނާއެއް
ނަލަހިރު
ނ މަތީ ދަރަޖައިގެ އަންހެން ބޭފުޅުންގެ ފޭލިކޮޅު ވިޔާއިރު މެދު ހިރުގެ ދެފަރާތުގައި އަޅާ ރަންކަސަބުފަށް
ނަލަހިކާ
ނ ހިކާގެ ބާވަތެއް: މިއީ ރީތި ކުލަތަކެއް ލިބިފައިވާ ކުޑަވަރެއްގެ ހިކައެކެވެ މީގެ ފިރިހެން ހިކާ ހުންނަނީ ފެހި ކުލައިގައެވެ އޮރެންޖު ކުލައިގެ ރޮނގުތަކެއް ހުރެއެވެ އަންހެން ހިކާ ހުންނަނީ ފިޔާތޮށިކުލައިގައި ރީނދޫ ކުލައިގެ ރޮނގުތަކެއް ދަމާފައެވެ އަންހެން ހިކާގެ ބުރިކަށިމަތީ ކޮތަރީގައި ކަޅުކުލައިގެ ދެލައް ހުންނާނެއެވެ މިދެލަކުގެ ކައިރިފަށް ހުންނަނީ ހުދުކުލައިގައެވެ
ނަގަންބަރު
ނ އަންހެނުން ލިބާސްލާ ފޭރާމުގެ ބާވަތެއްގެނަން
ނަގިލިނެގުން
މ (1) ބަނދަރު ކުރުމަށްލައިފައި އޮންނަ ނަގިލިނެގުން (2) އިހުގައި ނާކޮޅު މީހުން ރާތިބު ކުރާއިރު އަންބާ ކިޔައިފައި ކުޅޭ ކުޅިވަރެއް
ނަގުލުންލޮނުވިއްސި
ނ އަންހެނުން ލިބާސްލާ ފޭރާމުގެ ރޮނގު ހުންނަ ބާވަތަކަށް ކިޔާނަމެއް
ނަގުލުވައި
ނ ނަގުލު ރޯޅިން އަންނަވައި
ނަގޫސޭސަރު
ނ ކަނޑުން އަރާކަމަށް ބުނެވޭ ޚިޔާލީފުރޭތައެއް. މިއީ ބޮޑު ނަގުލެއް އޮންނަ އަރައިގެން އަންނައިރު މަގުފުޅަފުގައި ނަގުލުންތަޅާ މުޅިހަށިގަނޑުގައި ރެދަންލފައި ހުންނަ ފުރޭތައެއްކަމަށް ބުނެވެއެވެ
ނަސްރުގެ އާޔަތް
ނ "ނަޞްރު" މިލަފުޒު އަންނަބައެއް އާޔަތް ނަޞްރު ދެއްވުން އެދި ބައެއްމީހުން މިއާޔަތްތައް ކިޔަވައި އުޅެއެވެ
ނާށިގަނޑު
ނ (1) އެކިއެކި ބޭނުމަށް ތާހިރުކޮށްގެން ގެންގުޅޭ ނާށި. (2) ކަދޫ ޖަހާމުގުރިފަދަ ތަކެތީގެ ބޭރުން އޮންނަ ހަރުތޮށިގަނޑު (3) އިންސާނާގެ ބޮލުގެ ހަރުތޮށި ގަނޑު (4) މަޖާޒު: އަންހެން ދުޅާކޮށް އުޅޭ ފިރިހެނުން