radheef.info
ރަދީފު


ކެތި
ނ (1) ހުޅަނގުމޫސުމުގެ ތިންވަނަ ނަކަތް (2) ކައިރިކައިރިކޮށް އެކީގައި ލޮލަށްފެންނަން ހުންނަ ތަރިބޮނޑިއެއް
ބަރާވުން
މ (1) ފުރާދުއްވާ ތަކެއްޗަށް މީހުން ނުވަތަ މުދާ ނުވަތަ މީހުންނާ މުދާ އެރުވުން (2) ފުރާ ދުއްވާ ތަކެތި ދުއްވަން ހެޔޮވަރަށް ބަރުކުރުން
ބަރު
ނއ (1) ލުއިގެ އިދިކޮޅު (2) ވަޒަނުން އިތުރު (3) ބައެއްގަޑި ހިނގާއިރު އެލިފައި ހުރެގެން ދެފަރާތަށް ހެލިހެލި ހުންނަ އެތި (4) ނ ކަރުދާސް ވަޔާ ހިނގައިދާނެތީ އޭގެ މަތީ ބަހައްޓާން ގެންގުޅޭ ތަކެތި (5) ނ ސަންޑޯކުރާ ބަރު އުފުލަން ގެންގުޅޭ އެކި ވަރުގެ އާލާތް (6) ނއ މަސައްކަތް ބޮޑު
ބަރުކުރުން
މ (1) ވަޒަނުން އިތުރުކުރުން (2) ފުރާދުއްވާ ތަކެއްޗާއި ތަކެތި އަރުވާ ބަރާކުރުން (3) މީހަކަށް ނުއުފުލޭވަރަށް ގިނަ މަސައްކަތް ޖެއްސުން (4) ކިޔުމުގައި ބާރުލުން ބޮޑުކުރުން
ބަރުދަންބޮނޑި
ނ ގަޓަރީފަދަ ތަކެތި ބަންދުކޮށްފައި ހުންނައިރު ބޭރުންލައިފައި އޮންނަ ސަޓާފަދަ ތަކެތި
ބައިހިފުން
މ ރަސްމީގޮތުން ތަކެތި ބަހާއިރު މީހެއްގެ ބަޔާ އެތަނުން މީހަކު ޙަވާލުވުން
ބައިންވަޅުމާ
ނ ގުޑި ތެލަނގަ މަޑި ވައުފަދަ ތަކެތި އަރުވާއިރު އޭގައިވާ ބައިނުގެ ރޮދިފަށް އައްސާ ދިމައިގައި ހިއްޕައިފައި ހުންނަ މާ
ބައިމެދު
ނ (1) ބަހަންވެފައި ހުރި ތަކެތި (2) ނުބަހައި ހުންނަ ތަކެތި
ބައެއް
ނ (1) ޖަމާޢަތެއް (2) ހިއްސާއެއް (3) އެއްޗެއްގެ އެތިކޮޅެއް (4) އެއްޗެހި ތަކަކުން އެކަތި ނުވަތަ އެއިގެތެރޭން އެތައް އެއްޗެއް (5) ނއ މަދުމަދުން މިސާލު: )ހ( ބައެއް ފަހަރު )ށ( ބައެއް މީހުން (6) އެއްބައި މިސާލު: )ހ( ބައެއް ގޮތުގައި )ށ( ބައެއްތަކެތި
ބައްދާކުނޑި
ނ ރަންރިހީގެ ތަކެތި ބެއްދުމަށް ބޭނުންކުރާ ކުނޑިއެއް. މިއީ ރަނާއި ރިހީގެ ގަހަނާ ހަދާއިރު ދެއެއްޗެއް ނުވަތަ ބޮޅު ފަދަ ތަކެތި ބެއްދުމަށް ބޭނުންކުރާ ކުނޑިއެކެވެ. މީގެ ދެ ބާވަތެއް ހުރެއެވެ. އެއީ ރަން ބައްދާކުނޑި އާއި ރިހި ބައްދާކުނޑިއެވެ
ބައްދާއުނދުން
ނ ވިރިކެކޭތަކެތި ބައްދާން ގެންގުޅޭ ޚާއްޞަ އިންޖީނު އުނދުނެއް
ބަތްފިޔަފާޅި
ނ މައުލޫދާއި ސަމާ ފަދަ ކަންކަމުގައި ކާބޯތަކެތި ގެންގުޅޭން ވަކިން ހަދައިފައި ހުންނަ އެއްފުރާޅު ގެއެއް
ބަގާ
ނ )ބދ ( ފުނޑީމައި ކުޅިލަވާތަކެތި
ބަޑިޖެހުން
މ (1) ބަޑިގޮއްވުން (2) ބައެއްތަކެތި އަނދަމުންދާއިރު އަޑުގޮވުން (3) ފޮށާފަދަ ތަކެތި ފޮޅާލައިގެން އަޑުގޮއްވުން (4) ފަންތޮށިގަނޑުކުން ނުވަތަ އެހެންވެސް އެއްޗަކުން ތަނެއްގައި އަޑުގޮވާނޭ ހެން ޖެހުން (5) މަޖާޒު: ރުޅިއައިސްގެން އެއްޗެހި ގޮވައިގަތުން (6) ބައެއް އެއްޗެހި ތެލުލައި ހަނާކުރަމުންދާއިރު ފަޅައިގެން ދާއަޑު ގޮވުން
ބަޙުރުކިޔެވުން
މ ކިޔަވާގެއަޅައި މާމެލާމެލީން އަންބަލަންލައި ކަނޑަށް ލޭދައްކާނޭ ތަކެތި ފާލަމުގައި ބަނދެގެން ބަޙުރުދުޢާ އާއިއެކު ކިޔެވެލި ކިޔެވުން. ކިޔާނިމުނީމާ ލޭދައްކާއިރު މާވެސްދައްކާނެއެވެ. ލޭދައްކާ ތަކެއްޗަކީ ހާލާއި ވެލަޔާއި ކަހަނބާއި ގެރިބަކަރިފަދަ ތަކެއްޗެވެ މިއިން އެއްޗެއްގައި ލޭ ނެތްނަމަ ލޭ ދައްކާނީ އިނގިލި ކަނޑައިލައިގެންނެވެ
ބާރީ
(1) ފުރާދުއްވާ ބޮޑެތި ތަކެތި އެންމެބޮޑަށް ބަރާކުރަންވާ ހިސާބުގައި ނެރެފައިވާ ފަށް (2) ބިއްލީ
ބާރީއެޅުން
މ ފުރާދުއްވާ ބޮޑެތިތަކެތި އެންމެބޮޑަށް ބަރާކުރަންވާ ހިސާބުގައި ނެރެފައިވާ ފަށް ހަރުކުރުން
ބާރު
ނ (1) ހަކަތަ. (2) ގަދަފަދަ. (3) ވާން. (4) ތަކެތި ކޮއްޕުމަށް ނުވަތަ ދަމައިގަތުމަށް ނުވަތަ އުފުލުމަށް ހުންނަވާގި. (5) ހަލުއި. މިސާލު: އެދޯނި ދަތުރުކުރީ ބާރު ދުވެއްޔެއްގައެވެ. (6) ހެދުން ފަދަ ތަކެތި ހެޔޮވަރު ނުވެގެންވާ ދަތި. (7) ދޮރުފަދަ ތަކެތި ވަރުނުވެގެންވާ ތާށި. (8) އެއްޗެއްގެ ތެރެއަށް އެއްޗެއް ވަދެގެންވާ ތާށި. (9) ވަޔާއި އޮޔާއި ކަނޑާއި އަޑުފަދަ އެއްޗެގި ވާގަދަ މިސާލު: )ހ( މިއަދަކީ ވައިބާރު ދުވަހެކެވެ )ށ( އަޑު ބާރުނުކުރާށެވެ )01( އިންޖީނުފަދަ ތަކެތީގެ ހިނގުންވާ މަތި މިސާލު: މިއިންޖީނު އަމިއްލައަށް ބާރުވެފައި މަޑުވަނީއެވެ (11) މަޑުގެ އިދިކޮޅު (21) އިސްކުރު ބޯލްޓް ފަދަ އެއްޗެހި ޖަހައި ކުރާ ހިމުން )31( މަތިގަނޑު އުނގުރި ފަދަ އެއްޗެހި ޖަހައި ކުރާ ހަރު
ބާރުކަން
ނއނ (1) ގަދަފަދަކަން. (2) ވާންކަން. (3) ހަލުއިކަން. (4) ހެދުން ފަދަ ތަކެތި ހެޔޮވަރު ނުވެގެންވާ ދަތިކަން. (5) ދޮރުފަދަ ތަކެތި ވަރުނުވެގެންވާ ތާށިކަން. (6) އެއްޗެއްގެ ތެރެއަށް އެއްޗެއް ވަދެގެން ތާށިވާކަން. (7) ވަޔާ އޮޔާ ކަނޑާ އަޑު ފަދަ އެއްޗެހި ގަދަވާކަން (8) އިންޖީނުފަދަ ތަކެތީގެ ހިނގުން މަތިވާކަން (9) މަޑުކަމުގެ އިދިކޮޅު
ބާރުކުރުން
މ (1) ވާންކުރުން. (2) ހަލުއިކުރުން. (3) ހެދުންފަދަ ތަކެތި ގަޔަށް ބާރުވާ ވަރަށް ޖެހުން. (4) އެއްޗެއްގެ ތެރެއަށް އެއްޗެއް ވައްދާތާށިކުރުން. (5) އަޑު ގަދަކުރުން. (6) އިންޖީނުފަދަ ތަކެތީގެ ހިނގުން މަތިކުރުން. (7) އިސްކުރު ބޯލްޓު ފަދަ އެއްޗެހި ޖަހައި ހިމުންކުރުން. (8) މަތިގަނޑު އުނގުރި ފަދަ އެއްޗެހި ޖަހައި ހަރުކުރުން
ބާރުވުން
މ (1) ވާންވުން. (2) ހަލުއިވުން. (3) ހެދުންފަދަ ތަކެތި ގަޔަށްބާރުވެ ދަތިވުން. (4) ދޮރުފަދަ ތަކެތި ވަރުނުވެގެން ތާށިވުން. (5) އެއްޗެއްގެ ތެރެއަށް އެއްޗެއް ވަދެގެން ތާށިވުން. (6) ވަޔާއި އޮޔާއި ކަނޑާއި އަޑު ފަދަ އެއްޗެހި ގަދަވުން (7) އިންޖީނު ފަދަ ތަކެތީގެ ހިނގުން މަތިވުން (8) އިސްކުރު ބޯލްޓު ފަދަ އެއްޗެހި ޖަހައިގެން ހިމުންވުން (9) މަތިގަނޑު އުނގުރިފަދަ އެއްޗެހި ޖަހައިގެން ހަރުވުން