radheef.info
ރަދީފު


ކަމެއް
ނ (1) ދެރަގޮތެއް މިސާލު: އޭނާ މަސްއަލަ ޖެއްސިޔަކަސް ކަލެއަކަށް ކަމެއް ނުވާނެއެވެ (2) ބޭނުމެއް (3) މަސައްކަތެއް (4) މުހުތާދެއް
ނަދުރުބުނުން
މ ޖެހޭ އާފާތަކުން ސަލާމަތްވުމަށްޓަކައި ނުވަތަ ނިޢުމަތެއް ލިބިގަތުމަށްޓަކައި އެއާފަތެއް ފިލައްޖެއްޔާ ނުވަތަ އެނިއުމަތެއް ލިބިއްޖެއްޔާ ހެޔޮކަމެއްގެ ނިޔަތުގައި ކަމެއްކުޅައުމަށް ކަނޑައެޅުން
ނަދުރުފުއްދުން
މ ނަދުރުން ގަސްދުކުޅަކަމެއް ކޮށްނިންމުން
ނަތީޖާ
ނ ކުރިކަމަކުން ޙާޞިލްވިކަމެއް
ނަގާހައި ވިލަޔަކުން ފެނެއް ނާންނާނެއެވެ. ޖަހާހައި ގުގުރިއަކުން ހޮނެއް ނާޅާނެއެވެ.
(މުސްކުޅިބަހެއް) (1) ކުރިމަތި ވެދާނެކަމަކަށް ހީކުރެވުނު ނުރައްކާތެރިކަމެއް ނުވެދިޔުމުން އެކަމާގުޅިގެން އެކަންނުވިކަން ދޭހަކޮށް ދިނުމަށް ބުނެއުޅޭ ބަހެއް (2) ކުރިމަތިވަމުންއައި ކަމަކުން ނުކުންނާނެކަމަށް ހީކުރި ނަތީޖާ ނުނިކުތުމާ ގުޅިގެން ބުނެއުޅޭ ބަހެއް
ނަޒަރުފޯރުވުން
މ (1) ވިސްނުން ފޯރުވުން (2) ކަމެއްގެ މައްޗަށް ފިކުރު ހިންގުން
ނާށިލުން
މ (1) އޮއްޓަރު ފަދަތަކެތީގެ ބޭރުގައި އޮންނަ ޅަތޮށި ހަރުވުން (2) ފާރުގަނޑުގެ ވަށައިކައިރި ބޭރުން އަސަރު ނުކުރާހައި ހަރުވުން (3) ފޭރާއި އަދިވެސް ބައެއް މޭވާ ގަހުގައި ހުންނައިރު ވާލާއި މީދަލުން ރައްކައުތެރި ކުރުމަށްޓަކައި މޭވާގެ ބޭރުން ދެނާށި ލައިމޭވާ ފޮރުވުން (4) މަޖާޒު: މީހަކު އެއްކަމެއްކުރާތާ ގިނަދުވަސް ވެގެން އެކަމަކަށް ހޭނުން (5) މިންވަރަށް ވުރެން ހަރުމީހަކަށް ހެދިގެން އުޅުން
ނިއައު
ނ (1) އެއްޗެއްގެ ނުވަތަ ކަމެއްގެ ނިމޭ ނިމުން (2) މަރުވާ މަރުވުން (3) ކަމެއްގެ މައްޗަށް އަންނަ ހުކުމް (4) ޢަދުލް އިންޞާފު
ނިއައުކުރުން
މ (1) ޤުރުއާން ކިޔަވާ ޚަތިމްކުރުން (2) ކަމެއްކޮށް ނިންމައިލުން
ނިއުޅުން
މ (1) އޮޅާފައި އޮތް ފޮތި ނުވަތަ ދޫލަ ރޯލެއް ފަތުރައިލުން. (2) އެތައް ފައްތަކެއް ހަރުކޮށް އެއް އުޅިއަކަށް ހަދައިފައިވާ ގޮތް ކެނޑި ފައްތަށް ވަކިވަކިކުރުން (3) އެއްޗެއްގައި ހުންނަ މަޢުނަވީ ބަންދުކަމެއް މޮހެލުމަށް ފަންޑިތަވެރިންކުރާ ކަމެއް
ނިއުޅުންކުރުން
މ އެއްޗެއްގައި ހުންނަ މަޢުނަވީ ބަންދުކަމެއް މޮހައިލުމަށް ފަންޑިތަހެދުން ނުވަތަ ހަދާފައިވާ ފަންޑިތައިގެ ބާރު ކެނޑުވުމަށް ކަމެއް ކުރުން
ނިމުނުކަން
ނ ވޭތިވެދިޔަ ކައިރި ޒަމާނެއްގައި ހިނގައިފިކަމެއް ދޭހަކޮށްދޭ ކަމެއް
ނިމުން
މ (1) ކަމެއްހުއްޓުން (2) އަވަދިވުން (3) ހަލާކުވުން (4) މަރުވުން
ނިޔަތްގަތުން
މ ކަމެއް ކުރުމަށް ގަސްތުކުރުން
ނީސްތާށި
ނ ބޭނުންވީ ކަމެއް ފުދުން ލަސްވެގެން އަވަސް އަރައިގެން އުޅޭ އުޅުން
ނީސްތާއްޓަށްއެރުން
މ ބޭނުންވީ ކަމެއް ލަސްވެގެން އެކަމާ ހެދި މާބޮޑަށް ނުތަނަވަސް ވެގެން އުޅުން
ނުބީހެންޏާކަނޑާހަމަ
(މުސްކުޅިބަހެއް) (1) ކަމެއްވުން ކިތަންމެ ކައިރިވިޔަސް އެކަމެއް ނުވަންޏާ ފަރުވާލެއް ނެތޭ ބުނުމަށް ބުނެއުޅޭބަހެއް (2) ފާޅުނުވަންޏާ ނުކުރާ ކަމެކޭ އެއްފަދައޭ ބުނުމަށް ބުނެއުޅޭބަހެއް
ނުކުޅަދާނަ
ނއ (1) ކުޅަދާނައިގެ އިދިކޮޅު (2) ނުފޮރުއްޕާން (3) މީހެއްގެ ނުވަތަ އެއްޗެއްގެ ނުވަތަ ކަމެއްގެ ސަބަބުން ކެތްކުރަން ދަތިވާވަރަށް ލިބޭ އުނދަގޫ
ނުކުޅެދުން
މ (1) ބުއްދީގެ ގޮތުން ނުވަތަ ޖިސްމާނީ ގޮތުން އުނިވެފައިވުން (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވުން މަޖާޒު: (3) ކަމެއް ވެވޭނޭގޮތްނެތުން (4) ކަމެއްގެ ލަޔާޤަތާއި ޤާބިލިއްޔަތު ނެތުން
ނުކުޅެދޭމީހާ
ނ (1) ބުއްދީގެގޮތުން ނުވަތަ ޖިސްމާނީ ގޮތުން އުނިވެފައިވާމީހާ (2) ގުނަވަނަކަށް ލިބިފައިވާ ގެއްލުމަކުން ދާއިމީ ގޮތުގައި ބަލިވެފައިވާމީހާ މަޖާޒު: (3) ކަމެއް ވެވޭނޭގޮތް ނެތްމީހާ (4) ކަމެއްގެ ލަޔާޤަތާއި ޤާބިލިއްޔަތު ނެތްމީހާ
ނުކުތާ
ނ (1) ބައެއް އަކުރުގައި ހުންނަ ތިކި (2) ކަމެއްގެ ތެރޭގައި ޚާއްޞަ ވިސްނުމެއް ބަހައްޓާންވީ ކަންތައް