radheef.info
ރަދީފު


ރިޔަ
ނ ރާޒުވާގެ ކުޅިބައިގެ ކުޅިއެއް
އިސްނެގުން
މ (1) މޫނު މައްޗަށް އުހުލައިލުން (2) ކަންތަކުގައި ކުރިޔަށް އަރައި ކަންހިންގާން އުޅުން (3) އިސްވެކަމެއްކުރާން ފެށުން
އިސްކާތުބަނުން
މ ނަވުގެ މަތީ ރިޔަލެއްގެ އެއްކޮޅު ބަނުން
އިސްތިންވަރު
ނ "ހަވަރު" ގެތެރެއިން ކުރިޔަށް އޮންނަ ތިންބައި
އުހަބު
ނ ނަކަތް ތެރީންގެ އިސްޠިލާޙުގައިކިޔާ "ރިޔަންކޮޅު" ގެ ބައެއް
އުންބޮ
ނ ކުޑަކުދީންގެ ބަހުން ގެރިޔަށް ކިޔާނަން
އުޑުބޮމަ
ނ (1) ތިންރިޔަން އަށަނގޫ )8 އަނގޫ( (2) ބަވަ (3) މެދުމިނުގެ މީހަކު ކޮޅަށް ހުރެފައި މައްޗަށް އަތްދަމައިލީމާ ފައިތިލަ ޖެހިފައި ހުރި ހިސާބުން ފަށައިގެން ދަމައިލި އަތުގެ މެދު އިނގިލީގެކުރިއަށް ހުންނަމިން
އެހެންނާފަހެ
އ (1) އަނެކާ ދައްކާ ވާހަކަޔަށް ތާއީދުކުރުމުގެ ގޮތުން ބުނާބަހެއް (2) ޙާލެއް ބަޔާން ކޮށްދިނުމުގެ ކުރިޔަށް ތައުކީދަކަށް ގެންނަބަހެއް
އެނގަ
ނ ހަތަރެސްކަން ރިޔާނަގައި އެއްޗެހީގެ އަރަލުގެ ދެކޮޅުގައި ބައްދައިފައި ތިރިޔަށް ގެންގޮސްފައި އޮންނަ ދެވައު
އެކަނިކަން
ނއނ (1) ތިމާނޫން އެހެން މީހަކު ނެތުން (2) އެހީތެރިޔަކުނެތުން
އެކަނިވެރި
ނއ (1) ތިމާނޫން އެހެން މީހަކު ނެތިފައިވާ (2) އެހީތެރިޔަކުނެތް
އެކަނިވެރިވުން
މ (1) ތިމާނޫން އެހެން މީހަކު ނެތުން (2) އެހީތެރިޔަކުނެތުން
އެކޮޅުކޮޅުންނެގުން
މ (1) ދެއަތް ޖައްސައިފައި ދެފައި މައްޗަށް ދަމައިލުން (2) ދެފައިގައި މީހަކު ހިފައިފައި ބޯކޮޅު ތިރިޔަށް ވާނޭހެން އުފުލައިލުން
އެކޮޅުކޮޅުންޖެހުން
މ (1) ބޯކޮޅުވަތަށް ވާނޭހެން ވައްޓައިލުން (2) އެއްޗެއްގެ މަތީކޮޅު ތިރިޔަށް ޖެހުން (3) މަޖާޒު: ކަމެއް އިދިކޮޅަށް އަނބުރައިލުން
އެއްގަމުއަރުމާޒު
ނ އައްސުލްޠާންއަލްމުޡައްފަރު މުޙަންމަދު ޢިމާދުއްދީން އުތުރު އަރުމާޒަށް ވަޑައިގަންނަވާންވެގެން އެރަދުންގެ ދަރިކަލުންނަށް އެއްގަމުގައި ހައްދަވައިދެއްވި އަރުމާޒެއް. މިއަރުމާޒު ހެއްދެވިގޮތަކީ ފުރޮޅުލާފައި އެއްގަމުގައި ދުއްވޭނޭހެން އެގާރަ ގުރާބު ތައްޔާރުކުރައްވައި އެގުރާބު ދަމާ ކަލާސީންނާއި ދަންޑަހެލު ބޭކަލުން ލައްވައި އެމީހުންގެ ވެރިޔަކު ލައްވައި އެމީހަކަށް ރަނަހަމާންތި ކަމަށް ކޮލިލައްވައި ގުރާބުތަކަށް އެއްގަމު އަރުމާޒު ބަޑިލައްވައި އެގުރާބުތަކަށް ރަސްމީ އުޅަނދުތަކަށް ހުންނަހައި ކަމެއް ހަމަކުރެއްވިއެވެ. އަރުމާޒު ކަލާސީންނާއި ދަންޑަހެލުންނާއި ރަނަހަމައިދި ބޭކަލަކު އޭގެ ކުރިއަކު ނުތިއްބަވައެވެ. ރަދުންގެ އަރުމާޒު ފުރާވަޑައިގަތުމަށްފަހު އެއްގަމު އަރުމާޒު ފުރާވަޑައިގަތީ މެދުޒިޔާރަތް މަގުން އިރުމައްޗަށެވެ. މިހެން ގޮސް އެކިއެކި ތަންތާ ރޭކުރައްވައި ކުޅިވަރު ކުޅުއްވައި ހައްދަވައެވެ. ދުވާލު ކަލާސީން ލައްވައި ރަށުތެރެ ތާހިރުކުރައްވައި މިބާވަތުގެ ކަންތައް ކުރައްވަމުން ވަޑައިގެން ރަދުންގެ އަރުމާޒު މާލެ ވަޑައިގަތް ދުވަހު އެއްގަމު އަރުމާޒުވެސް ގަނޑުވަރަށް ވަޑައިގަތީއެވެ. އޭގެ ފަހުގައި ކަލާސީންނާއި ދަންޑަހެލުން ހަވަރަށް ބައިކުރައްވާ އެމީހުންގެ ޚާއްޞަ މަސައްކަތަކީ ބަނޑުދިނުންކަމުގައި ހައްދަވައި މިއަރުމާޒުގެ ބަނޑޭރިން މިނާ މީހުން ކަމުގައި ހެއްދެވީއެވެ ދެފޮއިގައި ބަނޑުދޭން ފެށީ މީގެ ފަހުގައެވެ ކުރީގައި ބަނޑުދޭ ގޮތަކީ މަހަކު އެއްފަހަރު ކޮށާރު ދޮށަށް ބަލައިދިޔައިމާ ދެއްވަނީއެވެ މިއަރުމާޒަށް ވަޑައިގަތް ބޭފުޅަކީ ތާރީޚުގައި މަޝްހޫރު އިބްރާހީމް ރަސްގެފާނެވެ
އެމުނި
ނ (1) ދޮރުފޮތިގަނޑުފަދަ އެއްޗެހީގެ ކައިރިއަށް ނަނުލައްވާން މަޅައިފައި އޮންނަތަން (2) ރިޔަލުގެ ކައިރި މަޅައި އޭގެ ތެރެއަށް ލައްވައިފައި އޮންނަ ނަނުފަށް
އެތު
ނ "ރިޔަންކޮޅު" ގެ ބައެއް
އޮށަނގަ
ނ ތުންމަތީ ރިޔަލުގެ ކަނިވައު
އޮނުހިރި
ނ ހިރީގެ ބާވަތެއް މީގެ އެތެރޭގައި ލޯވަޅު ތަކެއްހެން ކީލިކިއްޔަށްހުރެފައި އެހެން ހިރިޔަށްވުރެ ލުއިވާނެއެވެ
އޮނުގަނޑުއެޅުން
މ ކުޅިޖަހާން ދަސްކުރާ މީހުންގެ ހަށިގނަޑު ހާނުވާން އުނަގަނޑުމަތީގައި އޮނުގަނޑު އަޅުވައި ދެއަތުގެ އުނޅަބޮށީހުޅުގެ އެތެރެފަތާރް އޮނުގަނޑުގެ ދެކޮޅުގައި އަޅުވައި ދެއަތްގެނެސް ބަނޑާއިދިމާއިން ބައްދައިގެން ތިރިވެ އޮވެގެން ބާވަތަކަށް ފައިކުރިޔަށްގެންގޮސް ފަހަތަށް ގެނެސް ހެދުން
އޮރުވާ
ނ އޮޅުދޫ ކަރައިގެ މީހުން މަހަށްދާން ގެންގުޅޭ ބަރާދޯނި މީގެ ދެކޮޅު ހުންނާނީ އެއްގޮތަށެވެ އަނގަމަތީގެ ފުޅައުމިންވާނީ ރިޔަނެއްހައި ވަރެވެ