radheef.info
ރަދީފު


ވ
ތާނައިގެ ނުވަވަނަ އަކުރު
ސަބުރުވެރިވުން
މ ކެތްތެރިވުން
ސަބުމެރިން
ނ ކަނޑުއަޑިން ދުއްވާބޯޓު މިއީ އަސްކަރީގޮތުން ބޭނުންކުރާ އުޅަނދެކެވެ
ސަބުދެލި
ނ ގަހެއްގައި އަޅާ ފޮނިމޭވާއެއް މި ދޮންވީމާ ފުށްގޮތެއް ހުރެއެވެ މީގެ ބޭރުތޮށި ހުންނަނީ ވިލާތު އަލުވީގެ ތޮށީގައި ހުންނަ ކުލަޔާ ގާތް ކުލައެއްގައެވެ
ސަބުޖު
ނ ބަކަރި ކިރުގެ ތެރެއަށް އަފިހުން އަޅައިގެން ކައްކާ ބުއިމެއް މިއީ ޢަމަލުވާ އެއްޗެކެވެ
ސަޅިބައިސާ
ނ ފޮނިކެނޑުމުގެ ގޮތުން ދައްކާ ވާހަކަ
ސަކަރާތްގަތުން
މ (1) ތޮޅެ ސަމާސާކުރުން (2) މަޖާޒު: ޖިންސީ އެދުންވެރިކަމާއެކު ގައިގޯޅިވެ އުޅުން
ސަކަބަޑި
ނ މާބޮޑަށް ސަކަޖަހާ ކުދިންނަށް ނުވަތަ މީހުންނަށް ކިޔާނަމެއް
ސަކަޖެހުން
މ ސަމާސާ ވާހަކަ ދައްކައި ހީނހެދުން
ސައިނަސް
ނ (1) ބޮލާއި މޫނުގެ ކަށިތަކުގެ ތެރޭގައި ހެދިފައިވާ ހޮއި މިބައި ގުޅިފައިވަނީ ނޭފަތާއެވެ (2) ބޮލާއި މޫނުގެ ކަށިތަކުގެ ތެރޭގައި ހެދިފައިވާ ހޮޔަށް ބޮލުގައި ފިނިހިފުމުގެ ސަބަބުން ޖެހޭ ބައްޔެއް
ސައިންސުވެރިން
ނ އެއްޗިއްސާއި ކަންކަމުގެ ޙަޤީޤަތް ހޯދުމުގެ ޢިލްމުވެރިން
ސައިބޯނި
ނ ދޮވެސާފުކުރުމަށް ގެންގުޅޭ ފޮނުއަރާ އެއްޗެއް. މިހަދައިފައި ހުންނަނީ ތެލާއި ޕޮޓޭޝިޔަމާއި ސަރުބީ ފަދަ ބާވަތް ތަކުންނެވެ
ސައިބޯނިބޮކި
ނ (1) ސައިބޯނި ފެނުން އެތެރެޔަށް ވައިވަދެގެން ހެދިފައި ހުންނަބޮކި (2) މަޖާޒު: ހަރުދަނާ ކަމެއް ނުހުންނަ ކަންތައް
ސައިބޯނިއޮށް
ނ ސައިބޯނި ގަހުގެ އޮށް މިއީ ކުންނާރު އޮށާ އެއްބޮޑު މިނެއްގައި ކުލަކުލައިގައި ހުންނަ އޮށްތަކެކެވެ މިއޮށްތައް ފެން އެއްޗަކަށް އެޅުމުން ފޮނުއަރާނެއެވެ މިބޭނުން ކުރަނީ ގިރިޓީކުރާއިރު އެ ގިރިޓީ ކުރާ އެއްޗެހި ސާފުކުރުމަށެވެ
ސައިބޯނިފެން
ނ ސައިބޯނި ގިރުވައިފައި ހުންނަފެން
ސައިބޯނިފޮނު
ނ ސައިބޯނި ފެނާއެކުވުމުން އުފެދޭ ފޮނު
ސައިބޯޖޯޑު
ނ ސައިބޯން ބޭނުންކުރާ އުޅައްލީ ތަށްޓެއް މިހުންނަނީ ވަތުތަށްޓާ އެކުގައެވެ
ސައިކިޔުން
މ ރާޒުވާ ކުޅޭއިރު ބޮނދު ޖަހައިލެވޭ ގޮތަށް ކުޅިޔެއް ގޮޅިޔަކަށް ގެންދިއުން
ސައިކުރާ
ނ ސައި ކައްކަން ބޭނުންކުރާ ކަންވާރެއް މިއީ ފެން އޮއްސުމަށް ވައްގަނޑެއް ލައިފައި ހުންނަ އެއްޗެކެވެ ހިފާނެ އުޅައްގަނޑެއްވެސް ހުރެއެވެ މީގެ މަތި ހުންނަނީ ނަގައިޖެހޭ ގޮތަށެވެ
ސައިވުން
މ ރާޒުވާ ކުޅޭއިރު ބޮނދު ޖެހޭގޮތަށް ކުޅިޔެއް ދިމާވުން
ސައިމާ
ނ ފަތުގައި ތުނޑު ހުންނަ މެދުމިނަކަށް ހެދޭ ގަހެއްގައި އަޅާ ބޮޑުމަލެއް މީގެ އެކިވަރައްތަރު ހުރެއެވެ މިސާލު: )ހ( ކަރުލީ ސައިމާ )ށ( ބޮނޑި ސައިމާ