radheef.info
ރަދީފު


މީ
އ )މިއީ( ކައިރީގައިވާ އެއްޗަކީ ކޮން އެއްޗެއްކަން ބުނެދިނުމުގެ ގޮތުން ބޭނުންކުރާ ބަހެއް މިސާލު: މީ އަހަރެންގެ ޤަލަމެކެވެ
އާލާތްނެތިކެޔޮޅެއްނުވާނެ
)މުސްކުޅިބަހެއް( މަސައްކަތަށް ކިތަންމެ މޮޅުމީހެއް ކަމުގައިވިޔަސް އެމަސައްކަތެއްގެ އާލާތްނެތި އެމީހަކަށް އެކަމެއް ނުކުރެވޭނެކަން އެންގުމަށް ބުނެއުޅޭބަހެއް
އާޖު
ނ (1) އީވަޖު (2) އިހުޒަމާނުގައި އުޅުނު ކަމަށްބުނާ އިސްކޮޅުން މާދިގު މީހެއް މަޖާޒު: (3) އާދައިގެ މީހުނަށްވުރެ ދިގުމީހާ
އިހަށްއެދުރު ދެއްކިގޮތަށްފަހުން އެދުރުކަން ކުރުން
)މިސާލުބަހެއް( ކުރިން ހުރިމީހާކަންތައް ކުޅަގޮތަށޭ ފަހުން ހުންނަމީހާ ކަންތައްކުރާނީ މިބަސް ގިނައިން ބުނެއުޅެނީ ކުރީގައި ހުރި މީހާކޮށްފައި އޮތް ނޭދެވޭ ކަމެއް ފަހުން ހުރިމީހަކު ހަމައެގޮތަށް ކޮށްގެން އުޅޭ ވަގުތުގައެވެ
އިހަކަށް
ނ (1) އިހަކު (2) މީގެ ކުރިޔަކުން
އިހަކަށްދުވަސް
ނ ދެތިން ދުވަހެއްގެ ކުރި މީގެ ވަކިމުއްދަތެއް ކަނޑައެޅިފައި ނޯންނާނެކަމުން ބައެއް ފަހަރަށް ތިންހަތަރު އަހަރުގެ ކުރިޔަށްވެސް މިބަސް ބޭނުން ކުރެއެވެ
އިހާދަށުވިގުރު
ނ (1) އިހަލު ދަށުވެގެން ގުރުވެފައި އޮންނަވައް މަޖާޒު: (2) ދަރިކޮޅެއްގައި ހުންނަ އެންމެ ނިކަމެތި ޟަޢީފުމީހާ
އިހިކަނދުރާ
ނ ކަނދުރާ ރީތިކަމުގެ މައްޗަށް ދޭ މިސާލެއް މިބާވަތުގެ ކަނދުރާ ހުންނަ މީހުންގެ ކަރުދޮށުގައި ވަރަށް ރީތި ގޮތަކަށް ހުރަހަށް ދެތިން ރޮނގު ހުންނާނެއެވެ
އިހުރު
ނ )އެހުރު ނ ( ދަނޑުކޮށުމުގެ ހުރިހާކަމެއް ބެލެހެއްޓުމުގައި އިސްވެހުންނަ އެދުރުމީހާ
އިންސާފުމަގު
ނ (1) ވަކިފަރާތަކަށް ބޮޑުނުވެ ދެމީހެއްގެ ދެމެދުގައި ކަންތައް ކުރާންވީގޮތް (2) ޝަރީއަތުގައި ކަނޑައެޅިފައި އޮންނަގޮތް
އިންޒާރު
ނ މީހަކަށް ނަސޭހަތްދީ އަންނާންއޮތް ނުރައްކައުތެރިކަމާއި ދޭތެރޭ ހޭއެރުވުމަށް ބިރުގެންނެވުމާއިއެކު އަންގާ އެންގުން
އިންޒާރުކުރުން
މ މީހަކަށް ނަސޭހަތްދީގެން އަންނާންއޮތް ނުރައްކައިތެރި ކަމާއިމެދު ހޭ އަރުވައި ބިރުގެންނެވުން
އިންޖިނޭރު
ނ އިންޖީނުގެ ޢިލްމް ދަންނަމީހާ
އިންޖީނުގެ
ނ އިންޖީނުގެ ތަކެތި ބަހައްޓައި އޭގެމީހުން އުޅޭގެ
އިރަމައު
ނ ބޮނޑިޔަކަށް ހުންނަ ހުދުމަލެއް. މީގައި މަޑު މީރުވަހެއް ދުވައެވެ. މިއަށް ހާނީއްކައެއް ލިބިއްޖެނަމަ ދުވާނީ ވިހަވަހެވެ މީގެ ގަސް ހުންނާނީ ފަތްބޮޑެތި ކޮންނެވެ މިއީ މުލުން ގަސްފަޅައިގެން ވަރަށް ގިނަވާ އެއްޗެކެވެ
އިރުބަނުން
މ (1) މާކަނާ ތޮށިމަތީ އިންނަ ގޮތަކަށް ކިޔާ ނަމެއް (2) މަޖާޒު: މީހަކު ފިކުރު ބޮޑުވެ ޙައިރާންވެފައި ޖެހިގަލަކަށް އިންނަ އިނުން
އިރުވަރުބެލުން
މ (1) ކަމެއްކުރާނެ ހެޔޮވަގުތު ހޯދުން (2) މީހަކު ވަކިކަމަކަށް ކަނޑައަޅައިފައިވާ ވަގުތު ހޯދުން
އިރުވައިބަތް
ނ އިހުގައި ދެއްވާ ރަސްމީ ބޮނޑިބަތެއް. މިކަން އޮންނަނީ އިރުވައި ފެށުނީމައެވެ. މިކަން ކުރާނީ ފުރަތަމަ ރޭ އިސްދެވަރަށް ދޮށިމޭނާ ބޭކަލަކު ދެވަނަ ރޭ ހަކުރާދެވަރަށް ހަކުރާ ބޭކަލަކު ތިންވަނަރޭ ވެލާނާ ދެވަރަށް ވެލާނާ ބޭކަލަކު ހަތަރުވަނަރޭ އިސްދެވަރަށް މާފަތް ބޭކަލަކު ފަސްވަނަ ރޭ ހަކުރާ ދެވަރަށް ފާމުދޭރި ބޭކަލަކު ހަވަނަރޭ ވެލާނާ ދެވަރަށް ދަހަރާ ބޭކަލަކު މިޤަވާއިދުންނެވެ. ބަތެއްގައި ހުންނާނީ ނުވަ ގައު ބައެވެ. ހުންނާނީ ހަތަރުމަލާފަތުގައި މަލާފަތެއްގައި ފަންސަވީސް ބަތެވެ. ބަތް ބަލާދާ ކަލާސީއަކަށް ބަތެއް ބުރުޒު ބަނޑޭރިއަކަށް ދެބަތް އޮންނާނެއެވެ. އެގެންދާ ބަތުގެ ތެރެއިން އެކިއެކި ބޭފުޅުންނަށާއި ދައުލަތުގެ މަތީ މަޤާމުތަކުގައި ތިއްބަވާ ބޭބޭކަލުންނަށް ފޮނުވާނެއެވެ. މިބަތް ކައްކާނީ ބޮޑު ބޭކަލުންގެ ގޭގޭގައެވެ. ބޮޑުބޭކަލަކު ނެތްނަމަ ބަނޑޭރިގޭގައެވެ. އަދި މިބަތް ކައްކާނީ ވަރަށް މޮޅަށް ކިރާ ހަނޑުލުގައި ފޮނިތޮށި ކާފޫރުތޮޅި އަޅައިގެންނެވެ
އިރުވައިކަންޒޫރި
ނ އިރުވައި ބަޑިހެލީމާ ކިޔަވާ ކަންޒޫރި މިކިޔަވަނީ ބަޑިހެލުމަށްފަހު އަންނަ ފުރަތަމަ ހުކުރު ދުވަހު މެދު ޒިޔާރަތް ދޮށުގައި ދެންއަންނަ ހޯމަދުވަހު ލޮނުޒިޔާރަތް ދޮށުގައި ބޮޑުކިޔެވެނީންނެވެ މިކިޔަވާ މީހުންނަށް ކެއުން އޮވެއެވެ
އިރުވާހުދު
ނ މާކަނާ ފާޑުގެ އެއަށްވުރެ ކުޑަ ހުދުދޫންޏެއް. ހުޅަނގުވީމާ ރަތްރީނދޫ ކުލައިގެ ފަތްތަކެއް މީގެ ހުޅިގަނޑުންނާއި ބުރިކަށިމަތިން ފައުޅުވެއެވެ. އިރުވައި ވީމާ އެފަތްތައް ހުދުވެދެއެވެ
އިރުތަވެރިން
ނ (1) މައިފުށުގެ ގާތްމީހާ (2) އިރުތައިން މުދައުވާ މީހުން