radheef.info
ރަދީފު


އެ
ނ ދުރަށް އިޝާރަތްކުރާ ނަމެއް. މިސާލު: އެތަން އެގެ އެމީހާ
ރަންދާމުޅަ
ނ )ރ ( ރަށުން އެންމެ ރީތި އަންހެނާ
ރަންދިޔަ
ނ (1) އަންހެންކުއްޖަކާ ބޮޑަށް ހިތާވެގެން ލޯބިން ކިޔާ ވަނަމެއް ގިނައިން މިބަސް އިސްތިޢުމާލު ކޮށް އުޅެނީ ޅެމުގައެވެ (2) މަޖާޒު: ކަޅުބިލަމަސް
ރަންގު
ނ (1) ކުލަޖައްސަން ގެންގުޅޭ ޚާއްޞައެއްޗެއް މި ހުންނަނީ ފުއްފުކަށް ނުވަތަ ގަނޑުގަނޑަށެވެ (2) )ހ ( ކައްޓަލަ (3) ރަންގުވެލުގައި އަޅާ އޮށް
ރަންގުކައްޓަލަ
ނ ކައްޓަލައިގެ ބާވަތެއް މީގެ އެތެރެ ހުންނާނީ މަޑު ދަނބު ކުލައެއްގައެވެ
ރަންގުވެޔޮ
ނ ރަންގުއޮށް އަޅާ ވެޔޮ މިވެޔޮހެދެނީ ގަސްގަހުގައި ހަކި ހިއްޕައިގެންނެވެ އޭގައި އަޅާ އޮށް ފިތައިލީމާ ނިކުންނާނީ ރަންގުކުލައެވެ މިވެލުގެ ފަތް ވަރަށް ކުދިވާނެއެވެ މިއީ ވަލުގައި ވަރަށް ގަދަޔަށް ހެދޭ ވެލެކެވެ މިވެޔޮ ރުކަކަށް އަރައިފިއްޔާ ރުއް މަރުވެސް ވެދާނެއެވެ
ރަންގުފަޅޯ
ނ ފަޅޮލުގެ ބާވަތެއް މީގެ އެތެރެ ހުންނާނީ މަޑުރަތް ދަނބުކުލައެއްގައެވެ
ރަންގުފަޓާސް
ނ ހުއިފިލަނޑާގެ ވައްތަރެއް މީގައި އަތް ޖައްސާލީމާ މޫދަށާ އަތަށް ރަންގުކުލަ ދުއްވާލައެވެ
ރަންގުފޭރު
ނ ފޭރުގެ ބާވަތެއް މީގެ އެތެރެ ހުންނާނީ ރަތް ދަނބުކުލައިގައެވެ
ރަންގުލީރަޙުމަތް
ނ (1) އެކަކު އަނެކަކާ ބަހައްޓާ މަތިމަތީގެ ރަޙުމަތްތެރިކަން (2) އަވަހަށް ފިލައިގެންދާ ރަޙުމަތްތެރިކަން
ރަންގުލުން
މ ރަންގުން އެއްޗެތީގައި ކުލަޖެއްސުން
ރަންގެރި
ނ ފަތިކޮށްފުޅާކޮށް ހުންނަ އަނގަކުޑަ މަހެއް މަހުގެ ކުލައަކީ އަޅިމުށިކުލައެވެ ތުނބުންފެށިގެން ނިތްމަތި ހުންނަނީ ކަޅުކުލައިގައެވެ އަނގައިގެ ތިރީކައިރީން ފެށިގެން ލޮލުގެ ދަށްފަރާތާ ހަމައަށް ރީނދޫ ކުލައިގެ ފުޅާ ރޮނގެއް ހުރެއެވެ
ރަންޏަކު ދަރިއެއް ބޮޑެއް ނުކުރާނެއެވެ.
(މިސާލުބަހެއް) ރަނިބޭކަނބަލުންނަކީ ކުދިން ބެލުމުގެ ބަރުއުފުލާ ބަޔަކު ނޫނެވެ. ތިމާ ނުކުރިޔަސް ކުށްވެރިނުވާ ކަހަލަ ތިމާކުރާންވާ ބައެއް ކަންތައް އެހެން މީހުންނާ ޖައްސާ ބައެއް މީހުންނާ މެދުގައި ބުނެއުޅޭ ބަހެއް.
ރަބަރު
ނ ރަބަރުގަހުގެ ކިރުން ތައްޔާރުކުރާ ދެމޭގޮތް ހުންނަ އެއްޗެއް މިއިން ވަރަށް ގިނަތަކެތި ހަދައި އުޅެއެވެ
ރަބަރުފޮތި
ނ ފޮތިހައި ތުނިކޮށް ރަބަރުން ހަދައިފައި ހުންނަ އެއްޗެއް
ރަޅޮވަޑޮ
ނ )ޏ ސ ( (1) ގޮނޑުދޮށް (2) އެންމެ އެއްގަމަށް ރާޅު އަރާ ހިސާބު
ރަކަ
ނ )ހ ( ބޯދީގެ ތެރޭގައި ހުންނަ އެމެއް މިއެން ބޯއްޖަށްވުރެ ތަންކޮޅެއް ބޮޑުވާނެއެވެ މިހުންނަނީ އަނގަ ބޮޑުކޮށް ރަތްކުލައެއްގައެވެ އަދި ކަޅުރަތްކުލައެއްގެ ރޮނގެއް ހުރެއެވެ
ރަކަރަކަ
ނ (1) ގިނަ ބަޔަކު ތަނަކަށް އެއްވެގެން އުޅޭއިރު އެއުޅެވޭގޮތާ ދައްކާ ވާހައިން އިވޭ އަޑުތައް (2) އުދުހޭ ދޫންޏާއި މޫދުމަސް ފަދަ ތަކެތި އެއްތާކަށް އެއްވެ މާބޮޑަށް ބޮނޑިވެގެން އުޅޭއިރު އެއުޅެވޭގޮތް ނުވަތަ އިވޭ އަޑުތައް
ރަކަރަކަ އެޅުން
މ (1) ގިނަބަޔަކު ތަނަކަށް އެއްވެގެން އުޅޭއިރު އެއުޅެވޭގޮތާއި އަޑުތައް އުފެދުން (2) ދޫންޏާއި މަސްފަދަ ތަކެތި އެއްތާކަށް މާބޮޑަށް ބޮނޑިވެގަތީމާ އުޅެވޭ ގޮތާއި އަޑުތައް އުފެދުން
ރަކަރަކަލުން
މ ރަކަރަކައެޅުން
ރަކަރަކަޖެހުން
މ ރަކަރަކަ އެޅުން