radheef.info
ރަދީފު


ހުން
ނ (1) ހަށިގަނޑު ހޫނުވާ ބައްޔެއް މިބަލީގެ ކިތަންމެ ބާވަތެއް ހުރެއެވެ (2) )އ ކ ( ބަރުއެއްޗެހި ނަގާއިރު ބާރުލާން ބުނާބަހެއް (3) ތިމާޔާ ޒުވާބުކުރާ މީހަކު ދެރަކޮށްލާން އިއްވާއަޑެއް
ބުރުއެޅުން
މ (1) ވަށާޖެހުން (2) ވަށްކޮށް އަޅާރޮނގު އެޅުން (3) ދައުރުވުން (4) އިދިފުށަށް އެއްލުން (5) ބަނޑުވަތަށް އެއްލުން
ބުރުވަ
ނ )ތ ( މޫދުގެ ހުއިގަނޑު ތެރޭއުޅޭ ހިމަދިގުކޮށް ހުންނަ ކުޑަކުޑަމަހެއް މިއީ ވިނަގަނޑާއި އެއްކުލައިގެ މަހެކެވެ
ބުރުމާ
ނ ކަރަންޓުން ނުވަތަ އަތުން އަނބުރައިގެން ތޮރުފާން ގެންގުޅޭ އާލާތެއް މިހަދައިފައި ހުންނަނީ އެކިވަރުވަރުގެ ކަށިން ތޮރުފޭގޮތަށެވެ
ބުރުމާކަށި
ނ ތޮރުފުމަށްޓަކައި ބުރުމާގައި ޖަހަން ހަދައިފައި ހުންނަކަށި
ބުރުދާވަކަރު
ނ އުސްކޮށްހެދޭ ގަހެއްގެ ލަކުޑި. މިގަހުގެ ފަތުގެ ތަނޑިދިގުވާނެއެވެ ފަތް ހުންނަނީ ތުނޑުތުނޑުލައިފައެވެ މިއީ ހުދުކުލައިގެ މަލެއްއަޅާ ގޮފިބަލިގަހެކެވެ މިގަހުގެ އާރު ހުންނަނީ ދޮންމުށިކުލައެއްގައެވެ އާރުގައި މާޒާން ކުރެހުންހުރެއެވެ އާރުގެ ބޭރުއޮޅުފަށްހުންނަނީ ދޮންހުދުކުލައެއްގައެވެ ލަކުޑިގަނޑު މަށައިލުމުން މީރުވަހެއް ދުވާނެއެވެ
ބުރުދާވެރިން
ނ ބުރުދާ ކިއުމުގެ ހުއްދަ އޮންނަ ބުރުދާކިޔާ އުޅޭމީހުން
ބުރުސް
ނ (1) އެއްޗެތި ތާހިރުކުރަން ނަރުން ހަދައިފައި ހުންނަފިހި (2) ޖަހަޑު
ބުރުސްއެޅުން
މ ބުރުހުން އެއްޗެތި ސާފުކުރުން
ބުރުޒު
ނ ބޮޑުބަޑި ޖެހުމަށާއި ރުކުރުވުމަށް އުސްކޮށް ހަދައިފައި ހުންނަތަން
ބުރުޒުބަނޑޭރި
ނ (1) ހަވަރަށް އެކިއެކިކަން ކަމަށް އަންގަން ފޮނުއްވާމީހާ (2) ބުރުޒާބެހޭކަންތައްތައް ބަލަހައްޓަން ހުންނަމީހާ
ބުރޫޖެހުން
މ (1) ރޮދި ނަނު ވައު ފަދަ އެއްޗަކަށް ބުރޫއެރުން (2) )ގ ( ފާރުގަނޑުފަދަ ތަކެތި ދޮހަށް ރިހޭ ރިހުން
ބުރެކި
ނ އެމުގެ ބާވަތެއް މިއީ ހިމަ ދިގުކޮށް ބޯކޮޅަށް ވަށްކޮށް ހުންނަ މަހެކެވެ މަހުގެ ނަގޫ ވަރަށް ބޮޑަށް ކަފިވެފައި ހުރެއެވެ އަދި ނަގޫކޮޅު ހިމަވެގެން ގޮސް ނަރުވާޔަކަށް ބަދަލުވެފައިވެއެވެ މަހުގެ ކަންފަތްގަނޑު ބޮލަށްވުރެ ކުޑަތަންކޮޅެއް ކުރުވާނެއެވެ މަހުގެ ބުރަކަށި މަތީގެ ކުލައަކީ ފެހިކުލައަކަށްދާ ދަނބު ކުލައެކެވެ
ބުރެކިރަބަރު
ނ އާންމުކޮށް ބައިސްކަލުގައި ބުރަކިޖެއްސުމަށް ބައިސްކަލްގެ ފުރޮޅުގެ ވޮށީގައި ޖެހެން ހުންނަ ރަބަރު
ބުރެކިފާނަ
ނ ކަނޑުހާލުގެ ބާވަތެއް. މިއަށް ދޮންބުރެކި ފާނަވެސް ކިޔައިއުޅެއެވެ. މަހުގެ ކުލައަކީ ނާރިނގު ކުލައެވެ. މަހުގެ ބޮލާއި ދެއަރިމަތީގައި ފަނޑުނޫކުލައިގެ ތިކިތަކެއްހުރެއެވެ. ނިގޫފަތުގެ ކޮޅު ހުދު ކުލައިގައި ހުރުމާއެކު ނިގޫފަތް ހުންނަނީ ހަނދުފަޅި ބުރަށް ކަފިކޮންނެވެ
ބުރެވި
ނ ކަނޑޫގަހާ ވައްތަރުގަހެއް. މިއީ އުސްކޮށްހެދޭ ލަކުޑިހަރު ގަހެކެވެ. ފަލަމިނަކީ ދެކައިވަތްހައި ވަރެވެ. ގިނައިން މިގަސް ހެދިފައި ހުންނަނީ ކަނޑޫ ފާކައިރީގައެވެ
ބުރޮޅި
ނ އޮށްބޭހުގެ ފަސްބާވަތުގެ ތެރެއިން އެއްބާވަތެއް މިއީ ވަށްކޮށް އެއްކޮޅު ތަނޑެއްގެ ސިފައަށް ކުޑަކޮށް ދިގުވެލައިފައި ހުންނަ އެއްޗެކެވެ ބޭރު ހުންނާނީ އޮމާންކޮށެވެ މީގެ ކުލައަކީ މުށިކުލައަކަށްދާ އަޅި ކުލައެކެވެ ޢާއްމުކޮށް ބޭހަށް ބޭނުން ކުރަނީ ބުރޮޅިގެ ބޭރެވެ ބައެއްކަހަލަ ބޭހަށް މީގެ މަދުވެސް ބޭނުން ކުރެއެވެ
ބުޅަދެލި
ނ )އ.( ފަޅުބޭރު ތޮށިމަތީގައި އުޅޭ ލަނޑާވައްތަރުގެ މަހެއް. މިއީ މަޑުފެހިކުލައެއްގައި ހުންނަ ލޮނދި މަހެކެވެ. އެންމެ ބޮޑެތިކޮށް ހުންނަނީ ގާތްގަނޑަކަށް ކައިވަތެއް ވަރަށެވެ
ބުޅަލުދޫ
ނ އާދަކޮށް ހަދާ ވަރަށްވުރެ ކުދިކޮށް ހަދައިފައި ހުންނަ ހުނިހަކުރު ފަތަފޮޅި
ބުޅަލުލޯ
ނ ޖަވާހިރެއްގެ ނަން މިހުންނާނީ ބުޅަލެއްގެ ލޯހެންނެވެ މީގެ ކުލައަކީ މަޑުނޫކުލައެވެ އަނގޮޓީގައި ޖަހާ އެހަކަށް މިބޭނުންކޮށް އުޅެއެވެ
ބުޅާނިގޫ
ނ (1) ބުޅަލެއްގެ ނަގޫހެން ހުންނަ ހިމަދިގުރަތްމަލެއް (2) މިމާ އަޅާ ގަސް